شورو علي قبل انجن

حبيت افضفض واستشيركم اول ماتزوجت كنت ساكنة بيت لحالي مدة سنتين جيت طفلي الاول
وقرر زوجي نسكن عند اهلة بحجة انة اخوانة 2 بيدرسون بالخارج وكلها سنة ونرجع ونسكن بيت لحاللنا زوجي عندة امة وخوات 3 مومتزوجات كبيرات بالعمر سكت وافقت اروح معة عندهم اسكن بغرفة وحدة جيت طفلي الثاني وانتهت السنة قال اصبري سنة ثانية علشاني واهلة كلة مشاكل من امة وخواتة والتحريش علي راسي والهواش صبرت السنة الثانية والثالثة والرابعة جبت طفلي الثالث طبعا ازعل شهرين ثلاثة عند اهلي وارجع بعدين ومرة ضربني ضرب قوي وزعلت 3 شهور بدون مااكلمة لما جاء ابوي طلب منة يحط لي بيت مستقر لحالي قال اصبري بس سنة وحدة ونسكن بيتنا لحالنا اقتنعت صبرت وكانت النتيجة رجع اخوة ورفض يسكن مع امة وخواتة الشريرات قال لهم ابي ارتاح بيت لحالي ماني ساكن عندكم فعلا ماجاء سكن عندهم وصارت مشاكل كبيرة بيني وبين زوجي وضربي للمرة الثانية طبعا هامرة ماصبرت اخذت ملابسي وملابس اطفالي وطلعت من البيت طلعت وهو ولا كلمة نطقها شافني وانا اطلع معي اطفلي الثلاثة وهو ولا همة شي رحت بيت اهلي جلست اربع شهور بدون لايدق ولايسال عني ولا عن عيالة بالشهر الخامس جاء خميس وجمعة مع امة وخواتة يتمشون في ديرتنا جاء اخذ عيالة خميس وجمعة بس وقرر انة يصرف عليهم يرسل بالشهر 600 ريال كل واحد 200 ريال
طبعا انا مالي شي طبعا الي ينقص اهلي يكملونة لي

والي قاهرني لي الحين 6 شهور ولا قرر انة يتكلم بموضوعنا مطنش مادري وش اسوي لا يدق ولا يسال عن عيالة عايش حياتة عند امة وخواتة وناسينا :44:

اهلي يقولون لادقين علية ولا تسالين مصيرة يندم ويحن لكم بس مدري متي يحن اعيالة كل يوم يصيحون يبونة بذات من بعد ماشافوة يتوقعون اني انا مانعتهم من ابوهم مادرو ان ابوهم ماهو داري عنهم


ودي تدعون لي بتفريج همي وهم عيالي وتشورون علي قبل لا انجن :44:


بالنسبة للي يقولي اتصلي علية مااقدر لانة من اول ماادق يجي لهلي يقول تفاهمت معاها وخلاص وانا مافتحت بفمي بكلمة معاة لانة يفضل اهلة بكل شي ويحبهم بجنون والي يقول يسكن اهلة بيت هم بيتهم ملك وامة ماتعطي احد شي من الغرف لانة مافية الاغرفة ثانية تاركتها لبناتها المزوجات لما يجون عندها وحرمة الولد مالها شي عندهم اهم شي رضي امة وخواتة


وانا صعبة ارجع لة لانهم ظلموني وسكنو اخوهم الثاني بيت لحالة وهو المفروض الي يجي يسكن عندهم كان متفق مع اخوة بس زوجتة مارضت تسكن عند امة وخواتة

وانا صرت الضحية عندهم الي مزعلني جاء بيت اهلي ولا فكر حتي يسلم او يسال عني اخذ عيالة عندة خميس وجمعة ورجعهم لي بدون لايفتح موضوعنا اهلي عاذرينة علشان امة وخواتة وانة وضعة صعب بس انا وش ذنبي قلت لهلي يسويلي بيت لحالي لي ولعايالي وهو يجلس عند امة وخواتة بس ماهو راضي يفتح الموضوع ساكت


ماعاد اعرف وش المصير عدي 3 اطفال وعمري 21 سنة اهلي مو مقصرين معي بشي شايليني علي كفوف الراحة مو مضايقني بشي بس الناس ماترحم من الكلام ليش عند اهلك لك 6 شهور وليش وليش الاسلة الي ماتخلص تعبت ونفسيتي تعبت من كثر الكلام ادعولي بصلاح حالي المسولية علي كبيرة مع الاطفال

ادعولي بتفريج همي