شورو علي لا هنتو تعبت من زوجي خلاااااااااااااص

السلام عليكم خواتي حابة استشيركم وتكفون تقولون لي وش السوات

اول شي متزوجة من14 سنة كنت مطلقة والحمدلله ما كان عندي اولادوهذا الزوج الثاني الله يهديه ما خلى في نفسه شي الا سواه احنا بعمر بعض هو اكبر مني ب3 شهور
خيانة من الى سوا طبعا طول مدة زواجنا رزقنا ب4 اطفال والخامس بالطريق
انا احس نفسي مخي اكبر منه من اللي شفته بحياتي وهو يبي واحدة مجنونة هو اللي يعقلها اللحين اخر حاجة يبي يتزوج بنت خالته عمرها 20 سنة وهو35 طبعا طايييييرررررررررررر من السعادة هي من مصر لان امه مصرية وبينهم مكالمات وماسنجر
انا بصراحة همووت من الغييرة لانه تغيير علي كثييييييييييير صاير عصبي بزيادة وكلامه جارح اني عجوز وماانفع خلاص العيال هدو حيلي ومن هالكلام اللي يسم البدن

لما سالته انا مقصرة في شي قال لا بس ودي اتزوج لعانة شي في راسي ولازم اسويه

ولسه راجع من المغرب وقايل لي انه كان متزوج واحدة هناك وانه اللحين طلقها

المشكلة انا عارفة هو ليش يبي يتزوج عشان استغفر الله ياربي زوجي يشرب ويبي واحدة تشرب معه ويبي كمان يجامعها بالدبر لانه يطلب هالاشياء مني وانا طبعا ارفض وتصير مشاكل
وهالبنت الله يستر علينا وعلى عيالنا الوضع عندها عادي انا شفتها وبصراحة ماعجبتني
استغفر الله يارب سامحني

يبي يحط لها شقة في مصر ويرسل لها مصروف شهري ويسافر لها كل فترة ويبي يخلي زواجه يوم عيد الحب

عشان يروح يحتفل معاها
اقسم بالله اكتب لكم والنار تحرقني من هالكلام
وطاير مني النوم ونفسي مسدودة عن الاكل وانا حامل بالسابع الله يصبرني
يوم قالي السالفة يب مني تقرير اني تعبانة او يسوي صك طلاق لاني بالاصل اجنبية بس من مواليد المملكة وعايشة هنا صراحة صدمة ما بعدها صدمة صك طلاق عشانها
غير كده امه قالت له ما تنفع لك وتكلمت عليها قام سب امه وسكر السماعة في وجهها الله اكبر
واللي يزيد الطين بله هو يكلمها من شهر وخلال هالشهر الاخلاق معاي زفت وبعد ما صارحني انا اللي صرت ما اطيقة ولا ابغاه ولا ابغا ريحته امس واليوم شكله متزاعل معها جاي يكلمني ويبيني للعلاقة الحميمة بصراحة عطيته بس ارضاء لرب العالميين وحضرته زعلان يقول المفروض اني ما ازعل ولا افكر حتى في اي شي
ايش يعني انه يكلمها او انه بيتزوجه عادي هو لا اول ولا اخر رجال
وللعلم ابوه من المعددين ودايم كان يتكلم عن ابوه انه ظالم وبس يدور ورا الحريم
مقهورة بعد عشرة هالسنين يصير بزر مراهق عشان ايش يبع امه وزوجته ليش ينسى انه كان متزوج او انه كان يعرف بنات بعدد شعر راسه وسوى اللي يبي ليشششششششششش
من جد محروقة وحاسة الدنيا سودا خلاص ما في اخلاص
لا تقولون اني مقصرة واني السبب يشهد الله علي كنت اسوي له كل شي من رومانسية ولبس وحركات ماكان منه الا انه يقابلها بسخرية وينكد على جوي فصرت ما اسوي له شي لا احتفال بذكرى زواج ولا طلعة تغيير جو انا وياه كان يرضى لازم العيال قبلنا او يودينا عند امه حسبي الله ونعم الوكيل كسر نفسي من كل شي
الله يسعدكم شورو علي وش السوات المشكلة اني احبه وماعندي احد اروح له قطعني من اهلي كلهم وامي عايشة برا المملكة وما رضى يرسلني لها وطبعا جلست وسكت عشان العيال
الحمد لله صلاة اصلي وادعي ربي انه يصبرني وينتقم منه لانه ظلمني من تزوجته للحيين:06: