شورو علي من خبرتكم وتجاربكم (غرف نوم أولادي)

السلام عليكم ورحمة الله

عندي موضوع جدا محيرني أخواتي وماني عارفة كيف أحله لأني فعلا أحسه معادلة صعبة شوي


ربي أكرمني من واسع فضله ب 3 أولاد : 12 سنة ، 9 سنوات ، 5 سنوات ..وبعد كذا رزقت بأحلى وردة الله يحفظهم جميعا ويصلحهم ويجعلهم هداة مهتدين ..
طبعا أولادي كلهم ينامون بغرفة وحدة والحمدلله ..وبنتي ( 11 شهر) تنام معاي بس طبعا بسريرها

أنا ما احب الطفل يطول في النوم في غرفة الأبوين (بالكثير سنتين) طبعا وجهة نظر خاصة ..المشكلة بنوتتي الحين وحدة لحالها ..هل مناسب أطلعها بغرفة لحالها والأولاد 3 ما شاء الله بغرفة لحالهم .
ولا أخلي الصغير ينضم لها ويصيرون 2 بغرفة والكبار 2 بغرفة ولا وش اسوي بالضبط ..جدا حيرني هالموضوع ..وأنا طبعا أسأل من الآن لأن تجهيز الغرفة بالنسبة لي بياخذ معي وقت لأني لو باجهز لها غرفة باجهزها تجهيز كامل من أرضية لجدران لنوافذ لكله فأبغى آخذ راحتي في التجهيز بمعنى كل شهر أسوي شي ..بس لازم أكون مقررة الغرفة بتكون لمين علشان على أساسه يكون التجهيز


أبغى خبراتكم وتجاربكم ومرئياتكم في الموضوع ..وأتمنى ما تبخلون علي