شورو علي وش الحل مع الشغاله اللي زي كذا

السلام عليكم ورحمة الله وبركاته ..

أنا بقول لكم مشكلتي مع الشغاله .. وأتمنى الاقي عندكم الحل ..والشور الطيب ..

شغالتي اندونيسه لها عندي الان سنه وشهر .. المهم ..
طبعها هاديه مره ومن النوع إلى كل شي بتقول إن شاء الله .. وتسايسني وما تعصب لو انقدها على شي ..

بتقولون وين المشكله بقول لكم ..

بعد 6 شهور من جيتها كنت نفاس المهم قلت لها يفلانه وين بنطلون ولدي الجينز لاحظوا جينز جابت البنطلون إلا واشوفه مشقق من كذا مكان على الرغم انه جديد ماله 4شهور وهي تغسله على يدها .. إلا واشوف لكم اغلب بناطيل اولادي مشقق ومقطعه بأماكن مختلفه .. والقهر انو اغلبها ماركات وبذيك القيمه .. قلت لها ليه بنطلون كذا ليه مقطع وهو جديد هذا جينز وشو يقطعه كذا ..تعرفون وش ردت فعلها جلست تضحك وتقول ما أدري .. وتحججت لي إنها تفركها بالصابونه الوكس ؟ أنا بغيت اموت قهر على برودها ..
قمت تحاملت على نفسي قلت يمكن يا فلانه اني ما تعرفين كيف تغسلينها مع اني علمتها كيف تغسل الملابس وأنو ما تستخدم إلا الشامبو للبناطيل الجينز ..
ودخلت غرفتها وعلمتها من جديد ..


وما لكم بالطويله .. بعدها لاحظت أنو أغلب الملابس حتى الملابس اللي أنا اغسلها في الغساله الاتوماتيك فيها شقوق ..
جاء الشتاء ورفعت ملابس الصيف وصرت أحرص على اني اشيك على الملابس اول بأول علشان ما تخربها ..

المهم من فتره بسيطه إلا وألاحظ انو ملابسي وملابس عيالي صارت الوانها باهته ومبقعه ببياض تخيلو حتى تنورتي السوداء ..
ولما واجهتها قالت أنا أفركها بالصابونه حقت اليد (اللوكس ) قلت لها ليه قالت فيها وسخ .. قلت لها : ملابسي أنا فيها وسخ ملابسي ما فيها إلا عرق بس وأنا قايله لك أغسليها باشامبو بعدين حتى تنوره سوداء تفركيها بالصابونه .تعرفون وش سوت ..قامت تضحك .. وتقول آسف مدام .. وين أصرفها ىسف هذي .. عدمت ملابس وأنا ما قد هاوشتها على شي ولاقد زودت عليها بشغل أصلا بيتي شقه وعيالي ما عليها منهم أبد و الطبخ ما تلمسه ..
أفكر اسفرها لاني اقهرت الصراحه .. قبل تجي أنا اغسل الملابس في الغساله الاتوماتيك ولا قد صار لها شي والحين تغسلها على يدها وتتقطع ..
ادعوا لي أن الله يكافيني وآسرتي شرها..
آمنو يا أخوات ..