شورو علي ياحكميات

السلام عليكم ورحمة الله وبركاته
بداية ابغى اسالكم اللي ام زوجها متسلطه على ولدها كيف تتعامل معاها انا تزوجته وقلت له سبب ارتياحي على موافقة هالزواج اهو برك لامك واهلك واللي مافيه خير لاهله مافيه خير للناس انا ولله الحمد ام زوجي طيبه معي وماتتدخل فيني الا بااشياء بسيطه واعتبرها كخوف ام على بنتها وانا اقدرها واحترمها وبالعكس اخدمها بس يابنات تعبت من تسلطها ع ولدها ضاغطه عليه ضغط مو طبيعي وهالشي ينضغط علي يعني تخاف ع ولدها خوف مو طبيعي وهالشي بعض الاحيان يسبب لنا مشاكل وضغوطات وننحبس وننحرم من بعض الاشياء خصوصا اننا تونا متزوجين انا ماالومها ولدها هذا وفيوم من الايام بكون مكانها بس تعبت مو قادره اتحملها تحددله الساعه اللي يرد فيها للبيت!!! وان تاخر ياويله ولو انا معاه ماتنام لين يرد ونضطر اننا مانسهر ولانطول اكثر من الساعه ذيك مو حلوه حرمه كبيره تنتظر ونضطر نرجع البيت وتتدخل حتى في لبسه ولو انا موجوده روح البس كذا وسوي كذا وتهاوشه وتخزه قدامي وانا هذا زوجي مااتحمل اشوفه كذا ينصرخ عليه ويتهاوش بهالطريقه واكيد هذا امه مايقدر يقول لها اي شي احسه ينحرج امامي كثير وانا اسوي روحي مو منتبهه ومو مهتمه حتى ماينحرجوان بغت شي وماسواه لها تقلب البيت ع راسا وتزعل منه وماتكلمه ويضطر يراضيها ويسوي اللي تبغاه حتى انها ماتسال لو فاضي ولابتطلعو ولامشغولين لاتبغى طلباتها تتنفذ حتى مانقدر مرات نطلع برى ولازم يستاذن منها فكل طلعاتنا حتى مرات يقول لي اذا تبغى تطلعي استاذني من امي قولي لها بطلع المكان الفلاني قلت له ماله داعي لانها تعرف وين نحن طالعين قال لي حتى ولو طيب ومرات لو طلعنا انا وياه تقول ابغى اروح طلعوني معكم وتخترب طلعتنا وانا وياه مخصصين ايام يطلع فيها اهله و مشاوير طلباتهم وايام يخصصها لي نطلع بروحنا وحاى هالشي صار فشهر عسلنا المفروض هذا ايام لي ومن حقي نطلع بروحنا ويدلعني بس احترمت اهله وقلت مو مشكله ايام لي وايام لهم وهو ماعنده خوان ووقت مانطلع بروحنا تقول ابغى اروح حتى السفر لو يبغى يسافر تقلب عليه البيت ومن صغره لين كبر مايسافر غير مرات معدوده وقليله جدا بس لما سافر معي سكتت غصب عنها لانه كان شهر عسلنا وقالت لي لما سافرتو انا بكيت لاني مو متعوده ولدي يبعد عني واشياء كثيره تقهر وتسبب لنا مشاكل بسبب هالموضوع ويقول لي خلاص تعودت على ان ارضيها وماازعلها طيب انا ماقلت انه مايبرها ولايكسر كلامها بس يوقفها شوي عن حدها ماتتدخل فينا ترى تعبت لسى في بدايتنا من حقي افرح واتمشى واطلع وهو مكسور يعرف هالشي وقال لي انا عارف انه نفسك تكوني زيهم بس هذا امي ومامتعود انه اكسر كلامها ومااسمحلك تردي عليها حتى لو هي غلطت ..حسيت نفسي بنفجر فيوم فوجهها بس امسك نفسي اعرف فهالحاله كل شي بينقلب علي وبسبب لنفسي بالمشاكل شو اسوي شورو علي لاتقولو طلعي من البيت واسكنو بروحكم مستحيل هالشي بيصير... مو من حقي تكون لي خصوصيات معه حتى بشهر العسل ماتهنيت كل يوووووم مشاوير بس سكتت لانه ولدها ومن الازم انه يخدم اهله بس ابغى تخف شوي عننا هالضغط انا ماكتبت هالشي الا احس نفسي صرت ابغى انفجر فيها اقول لها لهنا وبس