شوشتي طايره ومحبوسه بالبيت

ادري العنوان يضحك بس وش اسوي
انا يابنات ولدت تقريبا من شهر بعمليه
ونفاسي ببيتي
المولود ماخذ كل وقتي وخاصة مع الرضاعه الطبيعيه
ماقدر اروح مكان ودي اروح مشغل واصبغ واقص واجدد نفسي مليت.
بس ترضيع وتحفيظ وتسكيت طول الوقت
استغرب من اللي باخر النفاس تقدر تدور الاسواق براحتها وتنقي وتختار وتروح المشاغل وانتو عارفين وش كثر الواحد يطول عندهم وياخذ وقت
لو بشفط للمولود حليب ماتوقع راح يكفي لاني كنت اروح عندهم وماخلص الا بعد خمس ساعات
ودي اروح السوق واشتري واتنقي براحتي
احيانا افكر اقطع الرضاعه الطبيعيه واستخدم صناعي اريحلي
كل زميلاتي من بعد الاربعين من سوق لسوق ومشاوير بس تسوي هالرضعه وتعطيها له اما الطبيعي احراج ومو باي مكان يمكن ارضعه
وانا ماحب ارضع قدام احد ابد حتي لو حاطه مريله ماحب احراج
مليت وتعبت وجهي شاحب من قلة النوم
وشوشتي طااايره ههههههههه وطفشت من البيت ونفس الرتم كل يوم
حفاظه رضاعه حفاظه رضاعه وهكذا
وش اسوي قولولي يمكن عندكم افكار او طرق مو معقوله الكل مثلي
زوجي يقول انتي تبالغين برعاية المولود لاني ماحب احطه عند احد اذا طلعت يبيني احطه عند خواتي مو متزوجات وغشيمات مايعرفون يتصرفون ومايحبون يمسكون ولايغيرون الحفاظ طفلي الا ول انهلك من التسلخ كانوا ينتظروني لحد مارجع واغيرله يقولون نقرف واجي القاه متقطع من الصياح متسلخ واتعب معه كريمات وسهر
يابنات اللي عندها حلول تساعدني يمكن تفيدني واقدر انظم نفسي
ارجوكم