السلام عليكم ورحمة الله وبركاته <<<< ردوا السلام
هذا ياعزيزاتي وياحبيباتي قررت اليوم اني اعرس :icon28::icon28: واول مافكرت فيه اني احجز قصر افراح قبل اي شئ تخبرون الحين قصور الافراح يبيلها سنة حجز قبل لا تعطي العروس مهرها المفروض الرجال يحجز قصر وصارت الاسعار بالناااااار والفلوس عند العروس والعروس تبي رجال والرجال يبي ولد والولد يبي حليب والحليب عند البقرة والبقر يبون حشيش و الحشيش فوق الجبل
و الجبل يبي مطر
و المطر من عند الله لا اله الا الله
سموا المولد عبدالله
>>>>>>>>>> زودتها صح ماتنعطى وجه بس ابيكم تحنون للماضي وتحفظونها عيالكم
امزح معكم هذا الله يسلمكم زواج بنت خالتي
الموهيم ياغالياتي ابي قصور افراح جربتوها وتكون حلوة واسعارها في متناول اليد وحبذا لو حطيتوا اسعارها ماابي منقول ابي شئ تعرفين سعره
<<< ههههه متعوب على ذا الكلمة
وتكون على طريق الملك عبدالله والشيخ جابر يعني شرق الرياض مو بقلعة وادرين
شكرا لكم ماتقصرون ان شاء الله معي عسى اللي ماتزوجت تعرس الصيف ذا بأخر شهر شعبان واللي متزوجة زوجها مايعرس عليها اللهم آمييييين
يلزم عليك تسجيل الدخول أولًا لكتابة تعليق.
دمعه الندم
•
هلا حبيبتي علي طريق جابر كثير قاعات ونضيفات مثل قاعه ليالي العرب وقاعه درة المملكه وقاعه درة العروس وليله حياتي وكثير واكثر شي ب18 الف ريال والله يوفقكم
الصفحة الأخيرة