بسم الله الرحمن الرحيم
السلام عليكم ورحمة الله وبركاته..>>رد السلام واجب وعليه اجر
لاتنسوا الاكثار من الصلاة على النبي صل الله عليه وسلم يوم الجمعة
موضوعي هو كالتالي:
عندنا بالحجاز شوفتين للعروسة
شوفة حريم وشوفة العريس
شوفة الحريم يجوون امه واخواته يشوفون العروسة
واذا اعجبتهم وصار توافق بعدها بكم يوم يتفضل العريس
اول شي بشوفة الحريم في حاجة تقهر مرة
ان الكل يحضر الشوفة
يعني يجوون الخالات والعمات وبناتهم وحريم عيالهم والحبابيب والجيران!
خيير!
احس ان العروسة تنظلم مايبين جمالها بين هذا الكم الهائل من البنات
ويدخلون يسلمون على ام العريس واهله بالدور لدرجة احيانا ام العريس كل مادخلت بنت تسال هذه العروسة!؟
لي صديقة هي الوسطى باخواتها وانخطبت بسن ال21
وهي ماشاء الله جميلة واخواتها عاديات
وبعدين تزوجت هي
وجاء حريم يشوفون اختها الكبيرة
اختها الكبيرة يعني مملوحة بس مليانة شوي
والعريس كان شرطه وحدة نحيفة بس تعرفون حركات الامهات تخليه يشوف بنات الناس يمكن يقتنع
المهم يوم شوفة الاخت الكبرى ان قلت لصديقتي يافلانة انتي لاتدخلي عالحريم
قالتلي ليش
قلتلها صراحة انتي احلى من اختك بفرق كبير وجسمك على طلبات العريس
قالتلي بس انا متزوجة خلاص
قلتلها ادري ماراح يخطبونك لكن جمال اختك ماراح يبين جنبك
والجمال سراق العيون
يعني يسرق البصر مهما ركزوا مع اختك الا مايلفتهم جمالك
مااقتنعت بكلامي وطلع صح
راحت ام العريس وقالت البنت مو مواصفات ولدي وصارت تمدح في اختها الاحلى وتقول ياريت شفناك قبل يخطبوك بيت فلان!
فانا احب يوم شوفة الحريم مايخرج احد مع ام العروسة والعروسة
الا الحريم الكبار
يعني خالتي الكبيرة عمتي الكبيرة
لكن صراحة اللي تعرف نفسها احلى من العروسة لاتيجي
توافقوني الرايي ولا لا؟
تاني نقطة
في عادات في الحجاز برضو يوم شوفة العريس
بعض العوائل تخلي العريس يجي مع امه والبنت مع امها
عشان الاحراج
يعني الاب بس ييسلم ويخرج من الغرفة مايجلس البنت مع الولد
وتدخل امه معه وكدة
واذا عجبته العروسة يكون مع امه هدية ذهب تطلعها الام وتلبسها العروسة
واذا البنت ما عجبته يمشون وخلاص بدون تلبيس واحنا نعرف ان مافي نصيب
وبعضهم يلبس العروسة هديتها منعا للاحراج
المهم اذا صار القبول وجاء وقت تلبيس الهدية الذهب
تلقين البنات مجمعات عالباب كل وحدة بجوال تصور
والحين صارو لهم فرحانات للعروسة
وطبعا تعليقات
وبعضهن تدخل بحجابها طبعا وغطوتها بس على اساس تساعد ام العروسة
في التلبيس
او تصور من قريب او تباشر قهوة
خيييييييييييييييييييير!
احس لو انا مكان العروسة راح اغااااار>>اطلعي برة مسرع حبيتيه! هههه
بجد شي مرة يقهرني
انا حضرت شوفات كثير سواء شوفات حريم او رجال
ولا عمري طلعت قدام ام العريس او قدام العريس نفسه
مع ان البنات اللي بسني كلهن يروحو يقال لهم يباركو للعروسة قدام المعرس
والله مااروح الا لمن يخرج اللي ماارضاه لنفسي ماارضاه لغيره
وكم من عريس انفضح من هالمواقف وطلعت عينه طويلة او يطق حنك مع احد من البنات
حتى شوفة الحريم انقهر لمن يطلعون للام بنات غير العروسة وبعد كاشخات
مارايكن يابنات في هذه المواقف انتم مثلي ولا انا على قول اللي حولي ماعندي ثقة بنفسي؟؟
بعضهن تناقشت معهن يقولو عادي خلي اللي تطلع معي تطلع انا واثقة اني حلوة
ترى انا مااتكلم بحلى ولا مو حلى
اتكلم ان العروسة المفروض تكون محط انظار ام العريس عشان تعرف تتعرف عليها
وتشوف تناسبهم ولا لا
لكن مع شلة بنات تفكير الام يشوش ويمكن الموضوع يسبب حزازايات
وتعجبها وحدة ثانية وتخطبها بنفس الجلسة وتسحب على الاصلية
وصارت كثير
(فيونكة حمرا) @fyonk_hmra_1
محررة فضية
يلزم عليك تسجيل الدخول أولًا لكتابة تعليق.
شمووع غلاها
•
كلام سليم 100%
ورررده
•
,
وعليكم السلام ورحمة الله وبركاته
سلامات يا شوفة
العمات والخالات وبناتهم ماباقي الا بنات الجيران كمان ويكمل الجيش
ماصارت شوفه صار كرنفال
هي ام العروس و اخته وانتهي
اصلا ممكن بنات العمات والخالات زيارتهم لشوفة العروس تسبب غيرة
وحسد وعين
ياما صارت وهم ماحضروا الشوفه اجل وشلون بشوفه
ماكويس الببته
:\
وعليكم السلام ورحمة الله وبركاته
سلامات يا شوفة
العمات والخالات وبناتهم ماباقي الا بنات الجيران كمان ويكمل الجيش
ماصارت شوفه صار كرنفال
هي ام العروس و اخته وانتهي
اصلا ممكن بنات العمات والخالات زيارتهم لشوفة العروس تسبب غيرة
وحسد وعين
ياما صارت وهم ماحضروا الشوفه اجل وشلون بشوفه
ماكويس الببته
:\
بالنسبة لشوفة الام نقدر ما نعلم احد , يجوا اهل العريس وكانها زيارة عاادية
لكن المشكلة في الملكة اللي ماتقدري تسيطري على الوضع يعني انا احس الحياء فطرة والرسول نهى احدهم عن الوعظ بالحياء لانه من الايمان
كيف ترضى على نفسها بالدخول وقدامها رجل غريب والتصوير حتى بدون اذن العروسه
لا وازيدك من الشعر بيت بعضهم تتحجب وتقوم ترقص قدام الرجال !!
لكن المشكلة في الملكة اللي ماتقدري تسيطري على الوضع يعني انا احس الحياء فطرة والرسول نهى احدهم عن الوعظ بالحياء لانه من الايمان
كيف ترضى على نفسها بالدخول وقدامها رجل غريب والتصوير حتى بدون اذن العروسه
لا وازيدك من الشعر بيت بعضهم تتحجب وتقوم ترقص قدام الرجال !!
الصفحة الأخيرة