مساء الخير بنات حواء الطيبات
مادري كيف ابتدي بس اليوم وبعد الاحداث السابقه لصديقتي قررت انها تروح لبيتها وتاخذ كل ما يخصها لانها كانت رايحه لبيت اهلها بدون اي شي حتي بدون ملابسها وعندما اتت قبل اسبوع وعندها امل تكمل باقي العده في بيتها بس حسبي الله على كل ظالم دقت البارح على ابن زوجها تبي المفاتيح قال لها اصلن مالك بيت والبيت بعته
ونهارت صديقتي ياعمري عليها ورجعت ودقت عليه اليوم تبي تروح تاخذ اغراضها قالها رجلي على رجلك في البيت المهم رحت معها على اساس اساعدها وهو بس رايح راد في البيت ويصارخ علينا ويقول بسرعه اطلعوو حتى انا خفت منه شكله ابد ما يريح حسبي الله عليه مادري على ايش خايف حتي ياعمري صديقتي في العده ومثل ماتعرفون الي في العده ما يصلح تطلع من البيت في الليل وطلبت منه انها تبقى في البيت وترتب اغراضها على راحتها رفض وحلف ماتقعد ابد في البيت حتى وحنا قاعدين في الغرفه نرتب الاغرض دخل علينا زي الثور الهايج يقول اطلعو براء ومين هذي الي معك خليها تطلع براء وقعد يضرب بيده على التسريحه ويصارخ بس الحمد لله كانت عباتي ما فصختها لاني من شفته توقعت انه يسوي كذا وصديقتي بس تحسب عليه وهو وكانه مو مسوي شي وكل مكان نروح له نرتب اغراض يجي فيه وحتى اغراض المطبخ رفض انها تاخذ شي قال بتشترينهن ولاا اتركيهن يالله يابنات مو قهر هذا كله تخيلي اغراضك وممتلكاتك يساومك عندهم الله يصبرها قسم بالله كسرت خاطري ودعيت عليه يوم بغيت اطلع من البيت التفت عليه ودعيت عليه في وجهه وقعد يصارخ وطلعني براء بس قهرني وعجزت اتحمل اشوف صديقتي بهذا المنظر ولم اتوقع ان فيه ناس بهذة البشاعه والقسوه واول مره اتطاول على رجال بحياتى انا مستغربه كيف انسان مسلم يفعل كذا وديننا يوصي باالارمله واليتيم قمه البشاعه يابنات كيف نسي الساعي على الارمله واليتيم وعظم اجره عند الله تمنيت ساعتها انني اقدر اشتري البيت وربي لو استطيع انني ما تردد دقيقه واحده ولا تنزل دمعتها يالله بس العين بصيره واليد قصيره
حياتي الدعوه @hyaty_aldaaoh
عضوة جديدة
يلزم عليك تسجيل الدخول أولًا لكتابة تعليق.
ام حمودى الدلوع
•
حسبى الله ونعم الوكيل فيه
ليش طيب طردها من بيتها مافيه قانون مافيه محاكم توقفه عند حده ماتقدر تشتكيه وش قصتها ؟؟
حبيبتي شوفي القصه في الجزء الاول من القصه ما عرفت كيف انزل الرابط حق موضوعي الاول والله على الظالم
الصفحة الأخيرة