شوفوايش صارلبنتي اليوم

السلام عليكم ورحمة الله وبركاته
يابنات انا بنتي كانت مريضه من بداية السنه وقالو لنا فيها عين ومس وسحر
بس كل المشايخ اتفقو على السحربس والحمدلله عالجتها وخفت الحمدلله وملكت علىى واحد مرررررره طيب وابن حلال ويخاف الله المهم....
ملكتها كانت في 28شعبان وكانت مره فرحانه ومبسوطه بس بعد 4ايام بدأت تتغير وتقول مو هو هذا الانسان اللي اناشفته ووافقت عليه ....وصارت بس تبكي واحنا طنشناها وصارت مره كئيبه وعصبيه وبس ناااااااااااااااايمه طول اليوم :44:
المهم بعد العيد مباشرة قالت ماابغاه وماني قادره اطل في وجهه كأن احدخانقني من حلقي وصارت بس تبكي وكلمنا الولدوفهمناه الوضع وقال انا مستعد ااجل الفرح واستناها وبعد اسبوع كلمني وقالي خلاص انا حاطلقها والحمدلله خفت كتير واتحسنت تماما
المهم انا صرت اوديها عندشيخ يقرأعليها ويرقيها لمدة شهر والحمدلله اتحسنت كتير المهم اليوم كلمتني وقالت انا مابغ اتطلق (لأن الولد لسه مارسل الورقه حقتها)ابغى ارجع بس ااجل الفرح وبعدها بساعه يمكن البنت مررررررررررره تعبت وطاحت عليه واتشنجت وصارت زي ازل مره تعبت فيها وصارت تقول الله يخليكم ماابغى اتزوج خلاص ومررررررررره تعبت انا على طول حطيت لها مسك وخليتها تقرأسورة البقره والحمدلله بس تقول جسمها كله يوجعها
انتو ايش رأيكم يكون السحر يتجددلها لماتفكر في الزواج ولا ايش الحكايه ؟؟؟
والله العظيم نفسيتي زي الزفت من دي الحكايه وتقول كمان تحس شي يتحرك من بطنها لصدرها يطلع وينزل وكانها تبغ تستفرغ بس مافي شي والله تعبت تعبت ولله الحمد نفسي افرح بيها بس خاااااايفه عليها خايفه ومو عارفه ايش اسوي كلماقالولي علي شيخ رحت ووديتها وتتعب عند المشايخ وترجع تتحسن
حسبي الله ونعم الوكيل في كل من يأذي الناس والله اني عمري مااذيت احد واحب الخير للكل بس من اللي يتمنى لي الشر حسبي الله ونعم الوكيل فيه
اللهم من ارادني اواراد ابنائي اواهل بيتي بسوء فرد كيده في نحره واشغله في نفسه حسبنا الله ونعم الوكيل
دعواتكم لبنتي ولولدي ورأيكم في اللي بيصير لها دا
ايش هو؟؟
الله المستعان