كيفكم يا بنات ان شاء الله بخير
حبيت اقولكم على شي صار معي في المعرض الوطني
ومثل ما تعرفون لما يفتح المعرض الشاطرة اللي تروح هناك قبل الثانية
المهم ما اطول عليكم وانا ماشيه في المعرض لفت نظري بعض الخواتم والاكسسوارات في احد الكشكات
المهم وانا واقفه أسعر الاكسسوارات واذا واحد وقف قريب مني وكان من رجال الهيئه وكانت معه بنت عمرها تقريبآ8 سنوات وصارت البنت تأشر بيدها على اكسسوارات معينه وهو يقولها جزاك الله خير جزاك الله خيرورجعت البنت وأشرت كمان على اكسسوارات معلقه ثاني مره وهو يقول لها جزاك الله خير
المهم جاء في بالي ان البنت فازت في مسابقه او جاوبت على سؤال ديني وجالسه تختار هديتها وبعد ما أشرت البنت على الاكسسوارات راحت بعيد عنا وظل رجل الهيئه واقف ويسأل البائع الهندي بعد ما اخذ جميع الاكسسوارات اللي أشرت عليها البنت
وين الأقامة قام الهندي ونادي <شكله المسؤول عنهم>وكان من جنسية عربيه وجاء الرجل
وسأله رجل الهيئه وين الأقامه قال البائع في السياره قاله رجل الهيئه ليه ماهي معك روح جيبها سكت البائع وقاله رجل الهيئه وش فيك كلامي ماهو عاجبك
المهم راح البائع يجيب له الأقامه
وبصراحه صار فيني فضول ابي اعرف ايش السالفه وظليت انتظر البائع وماجاء اتأخر اضطريت اروح للبيت
ولما وصلت البيت لقيت زوجة خالي قالت لي ابي اروح للمعرض الوطني وبالله عليكي امشي معي
وبصراحه استحيت اردها قلت يالله مشينا
وانا امشي في المعرض وصلت للكشك اللي صارت فيه السالفه وكنت متردده اسأل ولا لا
المهم الفضول ذبحني فسألته ايش صار اليوم مع رجل الهيئه قال كانت الاكسسوارات عليها رسمه مرسى السفينه والرسمه على شكل صليب
بعد كذا قمت اختار بعض الخواتم ابي اشتريها وانا واختار لقيت خاتم عليه رسمه فرعونيه على شكل صليب
ولما حاسبت البائع وقبل ما امشي قلت له شف هالخاتم ايش الرسمه اللي عليه
فقال بصوت عالي الله اكبر -وبعد كذا مشيت
فالحين يا بنات ابي اسألكم هل هذا الموقف صدفه ام مقصود ان هذي الاشياء تباع بالمملكه من قبل جهه معينه
واتمنى التفاعل مع الموضوع وابي اشوف ردودكم