خواتي الغاليات كيفكم ياحلوات
اليوم أنا جبت لكم أخر عمل لي
وهو بعجينة السراميك طبعآ الكل يعرفها ويعرف مقاديرها
بس أنا مابي أكذب وأقول أني بارعه فنيآ بها لا والله أنا مبتدئه وهذي أول مره أصلحها
وأول ماصلحتها صلحت شي أنا أحبه وأحبه يكون دائمآ في مطبخي
وهو الرطيبات يعني الرطب بس بالأمانه أبيكم تقولون لي رأيكم بصراحه عادي أقبل النقد
أترككم مع الصور
صلحت تقريبآ 11 حبه وكان عندي ملعقه خشب مصطحه لونتها بالون الرملي يعني بني >> تبي تتفلسف
وصلحت من العجينه سله صغيره
وبعد ماخلصت الرطب لصقته بالغراء في السله وعمل كم حبه متناثره وجبت مسمارمنحني أبيض ودخلته في الملعقه حتى حين اعلقها على الجدار أقدر أعلق عليها فوطه أو أي شي
وطلعت معي بشكل اللي شفتوه بصوره
وسويت بعد تشكيله من الخضروات وكان عندي لوح التقطيع صغير من خشب وبعد مالونت الخضروات اللي سويتها من عجينة السراميك لصقتها عليه وبرضك جبت 3مسامير منحني بلون أبيض وحطيتها فيه برضك تنفع جنب الفرن تعلقين عليها مساكات القدور تطلع روعه وهذي صورتها
طلعت رووووعه تنفع جنب الفرن أو المغسله للملاعق
وهذي الصوره تجمع العملين
أتمنى يكون شغلي عجبكم
وأنا بنتظار رأيكم ولو فيه هناك شي غلط ياليت تخبروني
عادي أنتم خواتي وأحب دائمآ أخذ رأيكم بكل شي
بنتظار ردودكم يالغاليات
لكم تحـــيتي
ما شاء الله تبارك الله
ايش الحلاوه هذي والابداع
هذا وانتي مشتغله اول مره ربي يسلم الايادي الحلوه
كل العملين تهبل
تسلم الايادي الحلوه والمبدعة