شوفوا إختي شصار فيها بعد ما ولدت في المستشفى الخاص .. يمكن تقدرون تساعدونها

ياليت تقولين اي مستشفى اختي ؟
وثاني شي دايما نحذر من ابرة الظهر ونقول انها تسبب صداع والام بالرجل والظهر وانها خطيره والقسم متروس مواضيع تحذر منها
شلون توقعون على ابرة الظهر ؟؟ يبا هذول يبون فلوس زياده وبس
جان ولدت بكمام وبس

وعلى فكره هالشي ماله علاقه اذا ولدت بمستشفى خاص او حكومي لان ابرة الظهر هي الخطيره وكل اللي خذوها ذموها .. اللي عوار برجولها واللي صداع دائم
اعتقد الالم بيطول والله يعينها
وهذا درس لكل وحده في القسم تسال عن ابرة الظهر وتبي تسويها لاني كله احذر منها ومحد يطيعني
الله يشفي اختج يارب بس يمكن تطول الحاله والله اعلم
ومبروك التوام يارب
تحياتي
:26:

المستشفى هي لندن كلنك
ولما جت تولد خلوا زوجها يوقع من دون لا يقرى لأن كان خايف عليها
حتى إهي قالت لما حطوني على السرير طقوني الابره فجأه وأهم كانوا ماسكين إيدي
المهم الحين التفخ جم يقعد لأنج باين عليج عندج خلفيه عن هالأبره الله لا يوفقهم آمين
انزين العلاج شلون ... مافي أمل يعني !!! ولا فيه شئ ممكن يفيدها

اختي هداك الله..
ابرة الظهر يمكن ان تكون لها بعض الاثار الجانبية..ومن قال ان غيرها من المسكنات وحتى الكمامة ليست لها اثار جانبية؟! لكنها ليست السبب في كل الم بعد الولادة !!!
الام الظهر او الارجل يمكن ان تكون من الولادة نفسها..وهذا مثبت علميا..سواء ولادة بابرة او من غير ابرة !
ان اراد المولى سانزل بحث علمي..اترجمه للعربية ..يتحدث عن ابرة الظهر بالتفصيل لقطع الشك باليقين..والتحدث عنها من منظور علمي بحت..وليس من التجارب فقط !
هذا حديث جانبي عن ابرة التخدير في الظهر..
نعود الى موضوع اختك..
يجب ان تذهب فورا الى المستشفى لفحصها سريريا..وكذلك بالدوبلر ..واهم ما في الموضوع هو التاكد ان احوال الاوعية الدموية في رجلها طيبة ولا يوجد مشاكل..
اختي لا تتهاونوا..يجب عرضها على المستشفى فورا..ولا تعتمدي على الطب الشعبي اوغيره في مثل هذه الامور..
شفاها الله وعافاها ..والف مبروك التوأم ..بارك الله لكم..
:26: :26:

اختي مشمسة الزين ... احيانا تزيد السوائل بعد الولاده .. وهذا اللي استوالي انتفخت ريلي من تحت وكانت تعورني بعد ولادتي وتميت شهر كامل وبعدين الحمدالله خفت .. وانا سالت الدكتوره وقالت الانتفاخ بعد الولاده يحصل بعض الاحيان وطبيعي جدا ....
للعلم ما كنت ماخذه ابرة الظهر ... :26: