*الملتقى*

*الملتقى* @almltk_1

كبيرة محررات

شوفوا اخت زوجي ايش صاار لها !!

الملتقى العام

هذي اخت زوجي كانت هي وزوجهاا يتمشون في السياره في خميس مشيط بعدين طلبت دورة المياه وانتم بكرامه
المهم وقفها عند دورات مياه مقابله لجبل
تقول وانا داخله الا في ثنتين حريم من السمر حرمه كبيره وبنتهااا واقفين سألتهم ليش هنا قالوا خفنا ما قدرنا نروح الحمامات نخاااف يكون فيها رجااال تقول جلست معهم اسولف شوي قالت الحرمه خلاص ادخلي الحين اكيد مافيه احد تقول اخت زوجي خلاص يومني بادخل سمعت حس رجاال جوه طبعا الحمامات داخل حوش
المهم تقول قلت لهم لا فيه رجال جوه قالت الحرمه لا لا اكيد مستحيل يكون في احد ادخلي تقول قلت لها طيب ليه ما تخلين بنتك تدخل المهم تقول بانت وجيههم على حقيقتهااا تقول صااارت نظراتهم تخوف مره وكأنها تبغى تمسكني غصب الا ادخل تقول بعدت عنها وقاااعده اقول لا لا وتقول مشيت بسرعه ودخلت سيارة زوجي وباقي زوجي ما قد جاء هوه طبعا زوجها كان في حمامات الرجال
تقول شوي الا واشوف الرجال طلع ومعه الحرمتين اللي كانوا معي ونفس الشكل وركبوا سيااارتهم و راااحوااا
يعني شكلهم والله العاالم متفقين مع بعض ويمكن لهم سواابق في هذي الحركه
تقول وجاء زوجي وخبرته باللي صااار و انا مو مصدقه اني سلمت من شرهم والعياذ بالله منهم !!
و انا يا حلوين نزلت القصه عشاان تنتبهون ومو أي واااحد تثقون فيه
واسأل الله ان يحفظنا جميعا بحفظه وعنايته ورعايته وان يكفينا شر المفسدين والمفسدااات !!


176
12K

يلزم عليك تسجيل الدخول أولًا لكتابة تعليق.

تسجيل دخول

ملكة الغموض
ملكة الغموض
المفروض ما تدخل الوحده الااذا فيه حركه كثيره وعوائل
زوجي هوحياتي
زوجي هوحياتي
الله يحفظ جميع المسلمين والمسلمات
ابتسامه انثى
ابتسامه انثى
لا حول ولا قوة الا بالله

الله يستر علينا وعلى كل المسلمات
{سكون الليل}
{سكون الليل}
اسأل الله ان يحفظنا جميعا بحفظه وعنايته ورعايته وان يكفينا شر المفسدين والمفسدااات
ضفاف الخليج
ضفاف الخليج
اللهم اعصمنا من الناس بما عصمت به سيد الاأنام عليه الصلاة والسلام

حسبنا الله ونعم الوكيل