شوفوا اش سوت في ولدي الله يبلى يده بالكسر

عندي سلفه كل الصافت الشينه فيها ظاهرها الي يشوفها يقووول مسكينه وهي اكبر نمامه وحسوده لو شافت معك شي زين ينقلب وجهها مشكلتي انها ساكنه معنا بعماره وحده عمارتنا فيها دورين وملحقين مفتوحه على بعض
صارت لي مشاكل مع اهل زوجي بسببها تجيني وتقووول اليوم قالووو وقالووو فيك وعندها اسلوب في تصوير والاخراج وماتنسى تحط عليها البهارات وهم بعد مايقصرون يمشون معك بوجهين ماعلينا فيهم كنت ساكنه عندهم بغرفه
وربي يسر لنا بعد سنه ونصف وبصراحه بعد الي لقيته منهم بنينا ملحقنا وخلصناه بصعوبه ياررب لك الحمد
من يوم ماطلعت الملحق وانا شوي نوعا ما احس براحه بس احس بمراقبه فين راحت من فين جت ومين جا عندك ومين رحت عنده بس عندي استطاعه اني اصبر عشان خاطر زوجي الي وقف معايه ويدري اني طيبه وماابي المشاكل

الي ماقدرت اصبر عليه هي سلفتي الله ياخذ عمرها
تخيلوااااااا
ولدي عمره سنه وشهرين يروح عندها احيانا يطلع مع عيالها والله مره من المرات سمعت صياحه وانا تحت جيت ولا يده ناشبه ارسلت بنتها عمرها ست سنوات تطرده وسكرت على يده الباب وهي يصيح من يده الي قاهرني ماطلعت على طول يوم سمعته يصيح قلت شكله يبي لعبه ماطلعت الا بعد ماطول صياحه الله يبلى يدها بالكسر تقول انها تصلي وش ذا الخشوع الي جاها والله لو حيوان يارب تغفرلي بقطع صلاتي واشوف اش فيه فضحتها بنتها قالت ان هي ارسلتها تطرده
سكتت ماتكلمت مره ثانيه جابته لي وهوميت من الصياح وماسك يده هالمره طلعت قالت بكل وقاحه الباب تسكر على يده وماقالت مين وكيف قلبي انحرق على ولدي شلته ورحت لشقتي وانا مقهوره من هالادميه صرت اتعامل معها برسميه واحاول اني امنعه بس احيانا يروح مع عيالها وانا ماادري عنه والله مره من المرات سمعتها وهي تهاوش ولده ليش تجيبه معاك وهو الله عشان عندها غرفة العاب لعيالها يروح عشان يلعب وبيتها عادي جدا اثاث بسيط لاتحف ومافي شي تخاف عليه بس كذا ماتحب عيال غيرها صرت اتحشاها ماأروح عندها وامنعه انا وابوه واخلي ابوه ينزل يجيبه اذا سمعت انه دخل بيتها بصراحه كرهتها وصرت اذا لقيتها تحت عند اهل زوجي مااسولف معها
الغريب ان عيالها لا احترام ويدخلون يفتشون في المطبخ ويحوسووون الدنيا وهم اكبر من ولدي وانا اتعامل مهم على انهم اطفال وهم بعد يحبوني
انا حاليا عند اهلي وبرجع لبيتي بعد كم يوم احس اني مضايقه من هالمخلوقه كيف اتعامل معاها انا وربي يشهد اني طيبه مع الكل واتعامل بحسن نيه واحب اساعد الاخرين قولولي اش اسوي حطو نفسكم في مكاني كيف اتصرف معها كيف اوقفها عند حدها سوت بيني وبين اهله مشاكل وفرقت بيني وبين سلفتي الثانيه صارت ماعد تجيني ولاتسهر عندي زي قبل الغريب كانت هذي الثانيه تقول لي انتي طيبه واحس انك على نياتك فجأه تغيرت الي شككني ان سلفتي الحقوده كانت بس لازق فيها وانا قاطعتها صرت اذا لقيتها اتعامل معها عادي لاني ماقد ذكرتها لاعند غريب ولا قريب بشر بكيفها انا مقهوره على ولدي واسفه على الاطاله لاني من جد مقهوره