انا ماادري ليه تسوون مقارنات خليها بحالها وبالاخير راح يتبين من الافضل

بالمعامله الطيبه واذا كانت الوحده منافقه لابد من انها تبين على حقيقتها بيوم من الايام

لانه تعبنا من الكرف على قولة شهاليل ومااحد معبرنا واللي تدلع وسافهه العالم حتى لو كانت ماتسوى ضفرك

هي اللي تنهاب ويكون لها مكانه

اهم شي رضا الله ثم ازواجنا

حياك الله اختي الكريمه ..

اختي العزيزه .. عاملي الناس كما تحبي ان يعاملوك ..

عامليهم بالطيب وكما تربيتي وتعودت .. والتمسي لهم الاعذار دوما ..

( وخالق الناس بخلق حسن )

مادام انها لم تسء لك بشكل واضح .. ولم تتجاوز حدودها فالافضل ان تعامليها بالحسنى .. وتنتظري الاجر من الله فقط ..

ولاتحاولي المقارنه بينك وبينها ابدا ابدا .. فليس لك عندها شيء وليس لها عندك شيء .. كل منكن امراه مسؤوله عن بيت ولها زوج فانتبهي من المقارنه ..


من اجل راحتك النفسيه ... لاتفسري تصرفاتها .. وانسي الاحداث بمجرد خروجك من المجلس ..

صدقيني الحساسية الزايده امر سيء جدا جدا .. فحاولي التغلب عليها بعدم الاستسلام لها وبعدم تحميل الامور اكثر مما تحتمل ...

واذا حسيتي في قلبك غل عليها بسبب تصرف فادعي لها .. فان هذا يطفئ النار في داخلك .. قد يكون هذا التصرف غريب وعجيب .. لكنه يريحك ..

اختي الحبيبه .. لاتفكري في الامور الماضيه ولماذا تصرفت كذا ولماذا فعلت كذا ...

اريحي نفسك وتصرفي من مبدأ حب الخير للاخرين ...

وترفعي بنفسك عن الامور التافهه ..

وبالنسبه للرقم .. الافضل ان تتصلي عليها وتطلبيه منها وبطريقه عادية جدا .. لعل هناك سبب في تاخرها ..

يابنت الحلال
لاتهتمين فيها ولاتشيلين منها هم
هي تسوي كذاعشان تغيظك
لا تغلطين في حقها واسفهيها وكذلك اهل زوجك قدريهم ولاتعطينهم عمرك مره
ولوغلطوا هي او هم ردي عليهم بالمعروف حتى مايتمادون ولا يقولون غلطت علينا
وهالنوعيه من السلفات منتشرين زي الجراد
طنشششششششششششششششششششششششششششششششي

الله يعطيكم العافيه يارب
اختي ادعو للتسامح وانا العسل كله
جزاكم الله كل خير على النصيحه بس ادعوا لي اني اصير مطنشه لانه مو طبعي بس الدنيا راح تعلمنا اكيد
اختي قلص والله اني عارفه اني راح اتعب بس شخصيتي انا للاسف كذا تسلمين ع المرور
حبيبتي فينوس الرقم الله لا يحوجني له منها لان مامر كم ساعه الا والموضوع تدبر
بس من جد المفروض كان سويت لها نفس كلامك واحرجتها لكن قدر الله وماشاء فعلا اخذت منها درس وبالنسبه لسالفة التطنيش هذي يبغالي وقت الين مااتعود عليها.
الاخت stylish
يعطيك العافيه بس ادعي لي ان اصير زيكم اطنش واعدي بس يمكن لاني لسه صغيره وتجاربي في المواقف هذي معدومه
اختي sweet lemon
صدقيني المجتمع هو اللي فرض هذي المقارنات البايخه
وللاسف حبيبتي المنافق هو اللي يكسب في بعض المجتمعات
اختي ماويه تسلمي ع نصايحك الغاليه وكلامك الصح واتمنى اوصل للمستوى هذا من التفكير والايجابيه في الحياه
اختي رؤيا خير
باذن الله ثم بفضل نصايحكم راح احاول اطنشها وماتعامل معاها بنفس اسلوبها
اما بالنسه اني احسن الظن فيها فعندي مشكله فيها لاني اعرفها لو ماكانت قاصده الحركه ذي كان اتصلت من جوال زوجها رقمي موجود بجواله زي مارقمها بجوال زوجي للضروره يعني لكن ما اقول الاحسبي الله ونعم الوكيل

خففتوا علي
الله يفرج همومكم يارب وييسر لكم اموركم

ياالغاليه احمدي ربك انك ما غلطي في حقها واعطيها طنش لانها والله اذا هي كذا راح تهلكها الغيره وتقصر عمرها وحاولي تنسيها طلعيها من تفكيرك