شوفوا الاعراض لما استخدمت الحناء مع المس والسحر

بسم الله
هالموضوع خاص لاخواتي خاصه للس فيهم مس او تشوف احلام تحرش نتيجه بدايه التعب او ممكن دخول جن جديد ..
بصراحه وحتى ما أطول عليكم انا حطيت حناء على جزء كامل قريب من الركبه من الفخذ ولفيت عليه بلاستك حق زباله وانتم بكرامه ..وانا تقريبا لب سنين مع هالتعب اللي فيني خاصه جن خارجي يعني احمي جزء من جسمي يدخل لي من جهه ثانيه وهكذا ومن هالشي عرفت ان الجن مو بس يسكن بجسمك ..يدور حواليك وممكن يدخل ويطلع ويتناوب مع غيره لاجل هالشي ما تنفعك الرقيه لوحدها ..ضروري تستغل باقي وقتك تتعبه باي طريقه او اقل شي تحمي نفسك من الاذى ما يتطور ...
المهم لما ربطت الجهتين لاحظت المس احس فيه يعني اذا ظهر وكلنا نعرف المس يسكن من بعد السره لاسفل القدم ..لاحظت عصب الرجلين بشده الفخذ تشد وتنكمش شوي شوي لبعض لكن كل هالشي ما الاحظه بدون الحناء ..وسبحان الله يوم حطيته كان كلما يدخل او المنطقه تشد احس فيها ولما احس يطلع من الجسم مباشره ...تخيلوا قبل ادهن جسم كامل بزيت زيتون ولا الاحظ هالشي ..حتى وقت النوم يصير اهدا لان المنطقه محميه بإذن الله ..صحيح انه يوصل للراس من مناطق ثانيه لكن فرحت ان هالشي يضايقه وممكن تطبقه وتعيش حياتك وهو يتعذب ...مره من المرات تركته لثاني يوم ..قمت فجأه من النوم وكأن فيه شي يشد كتوفي وبعدها جا بخيالي يقول فك المربوط فك المربوط ..فقلت بنفسي الان التعب بالكتوف وش دخل المربوط بعدها حاولت ارجع انام خلاني اتقلب وكل شوي وكأن شي يقرصني لاجل ما انام ..ويتكرر هالشي براسي افك المربوط ...
المهم طورت هالشي وتركته يصبغ المنطقه لاجل اشوف هل الاثر ينفع او لا ..في الحقيقه كان يتأذى لكن لما بدا اللون يختفي احتجت اعيد هالشي مره ثانيه ....
وهنا فائده للاخوات وخاصه للي في البيت دايم انها تسوي عجينه سدر او اي شي حتى لو عجينه طحين وتصب عليها ماء تقرأ فيه ايه الكرسي والمعوذات ثلاث مرات وتنفث فيها وتخلطه بالعجينه وتدهن كامل عورتها الجزء الأمامي وتلبس وانتم بكرامه حفاظه وهالشي مباح حتى بأوقات العذر الشرعي لانه اثر من القران مو القران نفسه،..نفس فتوى صب الماء في دورات المياه ...المهم هالطريقه تمنع الجن يوصل للراس وهو بالعوره وايضا التحرش او الاحساس بالشهوه الزائد
البال مفتوح لك اي خلطه اي عجينه المهم ان تقرأين فيه لك ..وخطأ تستخدمين ماء مرقي وهو مرقي لغيرك فالأفضل تزيدين القراءه عليه،وكل اللي ذكرته ماياخذ منك عشر دقايق وهالشي كافي بإذن الله وان زدتي لامانع لكن كافي ..
انا من مواضيع الدهان والتدقيق لاحظت الزيوت ما تعطي نتيجه قويه ولا حتى لمده طويله كل نص ساعه تقريبا لازم تدهن لان الاعراض ترجع لنفس المكان ..لكن الأشياء اللي تكون مثل عسل او عجينه او خلطه تعطي مفعول أقوى...وقارنت بين الأمرين لما كان الجن يسبب لي صداع وضغط عالي جدا ..جربت الزيت لكن ما يحل لي المشكله بدهان الراس ..لكن دهنت بعسل وتقريبا خمس دقايق وراح الضغط مباشره اللي كان يجلس معي ٣ ايام ومتعبني