لا حول و لا قوة الا بالله:

و الله انك صادقة يا ورد الريف ،، انا ما عندي الا بنت وحده و في رابع أبتدائي و حاطه يدي على قلبي من الخوف عليها ،، و الله ان البنات مسوولية ما حسيت بها الا يوم جاءت بنتي ،، و تصدقون حب للبنات كبير بس و الله من خوفي عليهن ما عاد ودي اجيب الا أولاد ،، الله يستر البنت صارت تخوف أكثر من الولد وذا الثاني مشاكله ياسلام شكل ثاني ( الظاهر ما نجيب عيال أحسن ،، أستغفر الله و الحمد لله على كل حال ).....

المشكلة اذا ضمنتي ان تربيتك صح ما تضمنين تربية غيرك خاصة صديقات المدرسة لهم تأثير كبير على بعض ،، تصدقون بنتي هالصغيرة كل يوم جايبه لي سالفة شكل ،، من الأعجاب بالممثلين و المغنين الى ترديد هالاغاني الماجنه لا حول و لا قوة الا بالله ،، و أذكر مرة أيام ما كانت بداية ستار أكاديمي جايه بنتي تسألني عن الخلوي و عطية و تقول ان البنات في الفصل يرشحون الخلوي و يحبونه و ما أدري أيش و انهن يضحكون علي علشان اني ما أسهر و هم يقعدون الى الساعة وحده يتابعون ستار أكاديمي أنا أنصدمت بنات في هالعمر هذا تفكيرهن أجل وش خلو لبنات الثانوي و الجامعة لا حول و لا قوة الا بالله ، بس الحمدلله بنتي معودتها تحكي لي عن كل شيء يصير معها و دايما تسألني هذا حرام و الا حلال ،، ووضحت لها و انتهى الموضوع ...

مهوب بس البنات الي في المدرسة حتى البنات الا في العايلة لهن تأثير أكبر خاصة لو كانو أكبر و علشان جذب انتباهن يقلدونهن ،، أذكر مرة ان أختي نبهتني لرسم في يد بنتي ،، و من غير ما تحس دققت في هالرسم لقيت رسمة قلب و طالع منها رسم سهم و في نهايته كتابة الى حبيبي جواد العلي ،، بصراحة أنا أنصدمت و ضحكت لا حول و لا قوة الا بالله شر البلية ما يضحك ،، سكت عنها شوي و صرت أراقبها و قلت لاختي أسكتي و لا تقولين لها أي شي انا بتصرف ، و بعدين كنت جالسة جنبها أذاكر لها و بعدين مسكت يدها و قلت لها وش هالشخابيط على يدك ،، كم مرةة نبهك أبوك انك ما تكتبين على يدك يالله قومي غسليه ،، فقامت و راحت تغسله قلت نظفيه زين بالصابون ،، و فعلا نظفته و رجعت لي أذاكر له و سكت ،،بعدها بيومين و انا جالسة أسولف معها قلت شوفي يا ماما انتي تدرين انه حرام البنت تتكلم عن رجل غريب عنها و تقول انا أحبه أو معجبه فيه ،،يعني فيه بنات ألحين بس يقولون أنا أحب مثلا جواد العلي أو الخلوى أو مادري أيش هذا عيب و اذا سمعها أحدتقول كذا يضحكون عليها و يقولون وش هالبنت الي ما تستحي لا و بعدين الله بيعاقبها ،،، قالت طيب فلانة و فلانة يقولون كذا ( تقصد بنت عمتها و بنت عمها وحده في خامس ووحده في ثاني متوسط ) قلت وش يقولون ؟؟؟ قالت يقولون شفت جواد العلي يهبل و كل البنات يحبونه ، ردت عليها الثانية: ايه و الله صادقة حتى البنات في الفصل حقي يحبونه سمعتي أغنيته ....... تهبل ........ ،، أنا بصراحة أنفجعت ما توقعت ان هالبنتين تفكيرهن كذا لا و انا دايما أغصب على بنتي تجلس معهن علشانهم الاقرب لعمرها ،، بس مسكت نفسي و قلت لها: هم قالوا كذا ،، قالت ايه و الله ،، قلت طيب ما قلت لهم حرام انكم تسمعون أغاني و تتكلمون عن الرجال كذا ،، قالت لا ما قلت و أصلا لو قلت بيضحكون علي ،، قلت خليهم يضحكون بس أهم شيء انك علمتيهم رأيك واصلا لو درو أمهاتهم انهن يتكلمون كذا راح يعاقبونهن ،، خلاص انتي لا عاد تجلسين معهن ،، قالت انا أصلا ما أحب أجلس معهم ما يقولون الا البزر عني قلت معليش تعالي أجلسي معي انا و أمونة و خلاص أو روحي ألعب كمبيوتر مع الي يلعبون ،، قالت خلاص .....

و الله يا بنات فيني حرة ما دري وشلون أتصرف مع هالبنات لم عرفت عنهم كذا ،، و مادري أمهاتهن يدرون عنهن و الا لا....

معليش العذر و السموحة طولت عليكن بس و الله منقهرة أنتي تربين و تتعبين و يجي غيرك يخرب عليك.....

الله يستر على بناتنا و كل بنات المسلمين و يصلحهن يارب......

أنا في الثانوي ..
الثانوي فيه بلاوي أكثر ..

قبل أسبوع بالضبط .. صارت ((هوشة)) كبييرة بين بنتين والأكثر كان هالضرب في الشارع !!
جدام كل الناس والصبيان اتجمعوا كمان ..
ووحدة منهم .. سحبت حجاب الثانية .. وخلتها من غير حجاب!!
يعني فصختها حجابها .. مسكينة .. والصبيان يطالعون مستانسين !!
وبعضهم قعدوا يصورون الهوشة بكاميرا التلفون !!

مساكم الله بالخير جميعا

حقيقي انبسطت يوم شفت ردودكم وتفاعلكم مع الموضوع الله لا يحرمني منكم جميعا
وبصراحه انا فكرت في الموضوع وقلت ليش مايصير في كل مدرسه او كليه او جامعه يكون فيه نساء مسؤلات عن النظام في المدرسه ويكونون من الجنسيه الحبشيه او السمر لان فيه منهم شخصيات قويه وتخوف ووالله اذكر يوم كنت في الثانويه كانت عندنا فراشه وحده حبشيه بس عليها بنيه وعضلات وطول وعرض يخوف وكانت فارضه شخصيتها علينا وكنا نخافها اكثر من المديره

هااااه وش رايكم في اقتراحي
يالله ساعدوني يامعلمات ومديرات في تطبيقه في جميع المدارس
والله يوفق الجميع

هذا طالبات فماباكم بمدرسات يرضبنا بعض امام الطالبات وكان شبك عنيف بسبب تافه وهو مين الاشيك في المدرسة وانا شفت المنضر وانا طالبة

ومن المفارقات العجيبة أن وحدة أسمها( ود) والثانية (حنان) يعني مالهم من أسمائهم نصيب :(