شوفوا الدكتوره ايش قالت لي اليوم

كيفكم بنات سويت ثاني يوم من الدوره تحليل الهرمونات هرمون الحليب والغده الدرقيه قالت تمام وهرمون اف اس اتش7.8 وال اتش 3.9 قالت اف اس اتش تمام وال اتش منخفض شوي وسويت اليوم 14 من الدوره اشعه مهبليه قالت عندي تكيس والله انصدمت والسبت الجاي بسوي تحليل البروجستون تقول عشان تتاكد اذا حصل تبويض او لا وشفت يابنات بورقة الاشعه معلومات عن الرحم
الطول 58.6mm
,والعرض25.8mm
وبطانة الرحم5.1mm
كيف يابنات حجم الرحم عندي طبعا هذا النتيجه باليوم14 من الدوره وانا لمن قالت لي عندي تكيس انصدمت وما عاد سالتها عن الرحم
قالت من الدوره الجايه بتستخدم منشطات معايا قلت لها عن زوجي عنده صديد قالت عادي كلكم تتعالجوا الين يصير الحمل
والله يابنات مصدومه خصوصا اني استخدمت خلطة العسل ومنشطات طبيعيه والدوره انتظمت لي سبع شهور منتظمه
معليش يابنات طولت عليكم بس اكيد احنا حاسين ببعض