السلام عليكم و رحمة الله و بركاته
كيفكم يا عسولات ؟ الله يهون علينا و عليكم و يتمم لنا كلنا على خير يارب ياكريم :27:
قبل 3 أسابيع رحت أسطون و سويت سونار و قالت لي بنت .. فرحت مررررره لأن هذا أول حمل لي و انا ماعندي خوات و كنت أتمنى تكون بنت عشان اذا كبرت تصير صديقتي مو بنتي زي علاقتي بأمي الله يحفطها و يعطيها طولة العمر يارب ..
بس والله يا بنات لحظة ما قالت ( هي شكلها بنت ) التفتت على زوجي و لقيت وجهه متصففففففق حتى ابتسامه ما ابتسم .. مع ان هذا اول حمل يعني ماتقولون عندي 3 والا 4 عشان يزعل :44:
هو الله يهديه من حملت و هو يناديني يا أم فلان على اسم عمي اللي هو أبوه و دايم يفكر وش بيسوي ان جا و حتى مسج الولاده كتبه هو بنفسه من زود الحماس .. يعني أبد أبد ماحط في باله ان ممكن تكون بنت !
و أنا كنت دايم أقول له طيب لو جاتك بنت بتزعل ؟ و كان يقول لا والله اللي يجي من الله حياه الله .. بس يوم شفت ردة فعله بالمستشفى عرفت انه مرررره كان متأمل بالولد :(
عاد أمس رحت لمستشفى الرعايه و سويت سونار مره ثانيه لأني بسافر و أبي أتطمن على كل شي قبل لا أركب الطياره .. و هي تحوس بالسونار كانت جمبها وحده هنديه الله العالم انها توها تتدرب او جديده المهم انها كانت تحاكيها بالانجليزي و انا الحمدلله لغتي زينه بما اني درست طب و ما كملت و أعرف أغلب المصطلحات الطبيه .. و هي تقول لها شوفي عشان هذي بنهاية الخامس لازم نستخدم السونار الكبير مو الصغير و شوفي هذا الراس و شوفي هذا العمود الفقري و شوفي هذا القلب و شوفي و شوفي .. بعدين قالت شوفي مو باينه الخصيتين فشكلها بنت .. طبعا كل هذا بالانجليزي قمت انا نطيت من مكاني قلت بنت ؟؟؟ :icon33:
قامت انخرعت الدكتوره و تلعثمت و قالت شكلها كذا بس لا تحطين ببالك ميه بالميه انها بنت لأنه ما يبين زين الا بالسابع لأن أحيانا تكون الخصيتين مو نازله و ماتنزل الا بالسابع عشان كذا أنا ما أأكد لك شي قبل السابع .. يعني مدري هي جالسه تواسيني والا هذا الكلام صدق !!!
و بكل الأحوال أحمدك يارب و أشكر فضلك على كل شي و أدري إن غيري يتمنى البنات بس والله أنا بعد ردة فعل زوجي ضاق صدري و صرت أتمناها ولد بس عشانه استغفر الله :icon33:
على العموم .. بس حبيت أتأكد من المعلومه اللي قالتها الدكتوره .. أحد يعرف عنها شي ؟
و سواء بنت أو ولد كلهم نعمة من ربي الحمدلله .. أهم شي تمام الخلق و العافيه .. و الله يتمم لي و لكم على خير يا بنات :39:
:
رد وحده من الخوات :
وليش انخرعتي !!
والله على كذا يحق للدكتورات انهم يخبوا ومايعلمونا عن الجنس
او يكذبوا علينا بعذرهم بصراحة ماالومهم لانهم اكيد شايفين نوعيات مثلك
وايش فيها البنت انا ماعندي خوات وبكري ولد والحين قالتلي الدكتورة بنت وطاااااااايرة من الفرحة يارب حسن خلقها وخلقها يارب
ردي عليها :
أول شي يا أختي .. أنا طول الموضوع و أنا أحمد ربي و أشكره على كل شي سواء بنت أو ولد .. و مو الغرض من كتابتي للموضوع إني داخله أتحلطم عشان دريت انها بنت .. أنا بس حبيت أتأكد من معلومة الدكتوره هل هي صحيحه اننا مانقدر نجزم الا بالشهر السابع او لا ؟
و بعدين وش اللي ( نوعيات مثلك ) ؟!!
أنا لأني أكبر من إني أرد عليك بالمثل مابقول الا الله يسامحك بس .. و ياليت قبل لا تتفلتين على خلق الله تفهمين الموضوع صح الله يصلحك :)
و في رد أخت ثانيه بعد تقول ان في ناس تسقط و احمدي ربك انتي ماتحتاجين أحد يواسيك !!
يا حبيبتي أنا ما طلبت أحد يواسيني بس جالسه اسأل عن شي هو صحيح والا لا .. و أنا ما اعترضت على شي عشان تردين كذا !! تكفون يا جماعه افهموني عاد ما بجلس أمسك رد رد و أوضح لكم وش قصدي
و ياليت اللي داخله عشان تكتب شي يغثني تتعوذ من ابليس و لا تكتب شي لأني ما اعترضت على شي ربي كاتبه ولله الحمد بس جالسه ( أستفسر )
و جزا الله خير لكل وحده من الخوات اللي دعولي و ربي يعطيكم مثل دعواتكم و أحلى يارب :)
راجيـة الجنـه @ragy_algnh_3
عضوة فعالة
يلزم عليك تسجيل الدخول أولًا لكتابة تعليق.
محبة الخير2007
•
الله يرزقك بالي تتمنيه سالم معافى
وليش انخرعتي !!
والله على كذا يحق للدكتورات انهم يخبوا ومايعلمونا عن الجنس
او يكذبوا علينا بعذرهم بصراحة ماالومهم لانهم اكيد شايفين نوعيات مثلك
وايش فيها البنت انا ماعندي خوات وبكري ولد والحين قالتلي الدكتورة بنت وطاااااااايرة من الفرحة يارب حسن خلقها وخلقها يارب
والله على كذا يحق للدكتورات انهم يخبوا ومايعلمونا عن الجنس
او يكذبوا علينا بعذرهم بصراحة ماالومهم لانهم اكيد شايفين نوعيات مثلك
وايش فيها البنت انا ماعندي خوات وبكري ولد والحين قالتلي الدكتورة بنت وطاااااااايرة من الفرحة يارب حسن خلقها وخلقها يارب
حبيبتي حلو البكر يكون بنت بس الرجال يحبون بكرهم يكون ولد اهم شي تقومين بالسلامه انتي والبيبي وعموما جنس الجنين يبين بالخامس اكثر شي لان جهازه التناسلي متكون خلاص وان شاءالله تجيبين لها أخو
الصفحة الأخيرة