السلام عليكم.. كيفكم وكيف رمضان وإياكم.. يازين هالشهر وأيامه وربي ماأشوف أهلي مجتمعين إلا في هالشهر الكريم...
أنا بأتكلم ع اللي سمعته البارح.. صليت التراويح أمس في المسجد وماشاء الله هالجامع فيه محاضرات وتحفيظ قرآن وبرامج كثييييييره الله يوفقهم لكل خير وبعد التراويح يجي شيخ ويلقي محاضرة مختصرة.. للمعلومية هذا الجامع اسمه جامع الإمام البخاري ف أبها والإمام فيه الشيخ سعد الحجري حفظه الله وابنه حمزة وأيش تبون أقول عنهم ماشاء الله ف أنصحكم اللي من أبها تروح لها بس ليله وربي ماعاد تتمنى الطلوع من هالمسجد..
المهم البارح كان شيخ ماشاء الله تبارك الله والله شوي وأبكي من القهر لمن خلص وكلها ربع ساعة بس رووووووعه..
تكلم عن صلة الأرحام والقاطعين الرحم واستدل بدليل من القرآن بأن من يقطع رحمه عليه لعنة الله فماالفائدة من صومه وقرائته للقرآن وتهجده ودعائه...
الشي الثاني تكلم عن الغيبة وآآآآه من كلام مؤثر جد..
الشي الثالث تكلم عن... المسلسلات والأشياء اللي تبطل صومنا وشوي تكلم عن مشاهدتها وذكر طاش ماطاش وقال إن الشيخ عبدالعزيز آل الشيخ وذكر شيخين كمان بس ماأتذكر أسماؤهم أفتوا بتحريم مشاهدتها وماسواها... وذكر الفتوى كاملة بأن مشاهدتها حرااااااااااااااااااااااااام..
وتكلم عن الأب اللي جايب لعياله قنوات ونت وما يراقبهم ولا يحرص عليهم وإنهم يجرونك للنار ومن هالكلام واستدل بحديث الرسول صلى الله عليه وسلم.. قال النبي صلى الله عليه وسلم : { ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة }
وتكلم عن اللي يفطر ف رمضان بسبب معاشرة أهله وقال والله بالأمس شخص أرسل له رسالة يقول ((أنا اليوم نزل مني ...؟؟.. فماحكم صيامي..؟؟)) بأتكلم بالصريح ولا حياء ف الدين ع قولته يقول كلمته وسألته في يقظة أم منام قال لا في يقظة فسأله مالسبب هل شاهدت شيء قال أي والله شفت شي... الله وأعلم وش هالشي ولكن وش اللي بيقدر يشوفه نهار رمضان إلا التلفزيون... ويقول واحد السنة الماضية قاله أنا عاشرت أهلي 6 أيام ف رمضان وطلعت كفارته صيام سنة وشهرين تخيلواااااا......
والله كلام مؤثر مررررره وشيخ طليق في الكلام ماشاء الله تحسي كلامه يدخل للصميم بجد....
والله تمنيت إني سجلت المحاضرة لكان نزلتها لكم.. وربي ناس من أقاربي بنفس الحي يقولوا سمعوه من بيتهم وهو يتكلم...
اللي أبيكم تعرفونه يابنات إن المسلسلات وطاش وهالخرابيط ابتعدوا عنها الله يرضى عليكم وش فايدة الصوم والدعاء والمصيبة إنه محرم مشاهدتها ومن شوي أشوف تجمع لأحد المسلسلات واللي متابعاته لييييييييييش مايكون التجمع لشي يفيد صومك ونفسك.. اللهم لك الحمد والشكر أنا ماأشوف تلفزيون من زمااااان ولا ف رمضان... نبي الخير ف كل مكان والله ماكتبت هالموضوع إلا للفائدة وممكن البعض تجهل الحكم... عسى الله ييسر أمورنا ويكتب لنا كل خيييييييييير ويتوفانا وهو راضي عنا ياااارب العالمين....
أم ريفانا @am_ryfana_1
محررة
يلزم عليك تسجيل الدخول أولًا لكتابة تعليق.
لارين3
•
الله يجزاك خير
الصفحة الأخيرة