شوفوا الطبيب وش قال لبنتي ،،، الله يرزقه الفردوس الأعلى من الجنه

مثل كل الأطفال تعبت بنتي .. سنه و 4 شهور .. حراره وكحه وزكااااام ... وغيره من أعراض البرد وتعبت من المستوصفات كل ماأروح لهم يعطون مضاد شراب ولا إبره .. وأنا سمعت عن أخطار المضادات الحيويه .. فقلت لااااااااااااااااااازم أروح لطبيب سعودي >>> والله مو تعصب بس هم بفضل الله تأهيلهم عالي وتعاملهم بلهجتنا طريقتنا ،، المهم ماراح أطول عليكم .. توجهت لمجمع طبي خاص لطبيب سعودي لكن للأسف مالقيت حجز كلها فل !!!! والبنت تعبانه قلت طيب أي واحد غيره مو مشكله لأنه متميز ماشاء الله وماراح يوظف غير ناس متميزين .. ودخلت على طبيب أطفال حضرمي ماشاء الله قممممه في الأدب والأخلاق وصدق من قال الكلمه الطيبه نصف العلاج وجلس يوضح لي ويشرح عن أعراض البرد وكيف يصاب بها الجسم وكيف تعالج ووووووووو يعني حسيت إني صرت دكتوره لحظتها وفهمت كل ششششي .. وبعد مافحصها تمام وهو يلعبها ويضحكها قام صرف لنا 3 أدويه بسسسسسس واحد منها خافض حراره ومافيها مضاد قلتله ماتحتاج مضاد حيوي قال يامدام المضاد جرثووووووومه مايصرف إلا في حالات صعبه أو اتهاب فيروسي شديد ولو صرف لك طبيب في مستوصف تجاري لا تاخذينه خذي بس الخافض ..
وأهممممممم شي وصاني عليه أكثر لها من السوائل لأن الجسم مثل مايقول مع الحراره تتبخر سوائله واحنا مانشوفها طبعا فتستمر الحراره مع الطفل وقت طويل لكن أهم شي تستخدمين الخافض مع الإكثار من السوائل والعصيرات وبإذن الله ماراح تاخذ الحراره وقت طويل .. وعلمني طريقة حساب كمية خافض الحراره .. وهي ضرب وزن الطفل ب 15.. يعني لو وزن طفلك 10 كيلو راح يكون الناتج 150 ملل غرام يعني ياخذ 1 مل و نصف من الأدول مثلاًً .
وربي ولله الحمد يومين بالضبط وبنتي تعافت بفضل الله وحده ثم بمساعدة هذا الطبيب .. اللي أعطاني معلومات ماكنت أعرفها وقلت لاااااازم أفيد أخواتي فيها ..
نسييييييت قاللي لا تخافين من البخار وتقولي يتعود لو احتاج له ضروري ياخذه وماراح يتعود عليه أبداً هو مجرد علاج ..

والله يحفظ للجميع أطفالهم ويحميهم من كل شر