شوفوا العطور وهووس الروائح وش سوى ببنتي

السلام عليكم حوائيااااات
السالفه ياطويلات العمر ان انا والعياذ بالله من كلمة انا اعشق العطور والبخور بشكل مو طبيعي
ودايما مسنتره بهالقسم وقسم الاناقه وخاصة العطور
اشتري العطور بشكل مو طبيعي سواء خاصه للبس او للبيت من مخلطات وعود وبخور ومستكه
وادوات التنظيف اركز على قوة الشركه والرائحه الجميله
لما اخلص من تنظيف البيت انظف السيراميك وشوفوا الريحه ياسلام مع البخور الفواح
والفواحات الجانبيه
وفي طريقه بهالقسم الرائع حلوه انه تجيبي قدر صغير وتحطي في مويه مغليه عالنار وتضيفي عليه قطرات من اي سائل عطري وشوفي البيت كيف يفوح بالريحه الخوقااااقيه
وقبل لايجي زوجي من الدوام احمم بنتي ام ثلاث سنين وبعد مااخلص ابخ جسمها ببخاخ معطر من زهور الريف
والبسها ملابسها واعطر ملابسها بعطر زهور الريف
وانا بعد مثلها واقوى بعد
طبعا زوجي انصرع من الروائع شي من السيراميك وشي من الجو بسبب البخور وشي مننا انا وبنتي
بعد فتره بسيطه بنتي تعبت وانكتمت والله العظيم بغت تروح مني لولا لطف الله
الدكتور حذرني من الروائح والعطور والبخور والتدخين
الحمدلله جلست اسبوعين عالبخار والحمدلله تحسنت حالتها
والحين انا هجدت كثيييييبر وتركت جنان الروائح
وصرت مره بالاسبوع ابخر البيت
والحمدلله على كل حال
حبيت اسدح تجربتي عشان الكل يستفيد وياخذ حذره بعد