شوفوا العقوق لوين وصل.... الله المستعان

ابي احكيلكم حكايه يدمى لها القلب
ونا في المستشفى بعد ما ولدت والحمد لله
جلسنا نسولف انا والبنات الي معي عن الالم الي حسيناه وكذا
وحده جابولها بنتها تمزح معاها وتضربها برقه وتقولها كنت بموت عشانك
وسالتني كيف لاني بكريه قلتلها والله صحيح اني طلعت روحي وبغيت اموت بس خلاص اول ماشفته سامحته وان شاء الله يكونون عيالنا بارين بنا لما نكبر بعد هذا التعب
قالت والله بعضهم يعقون اهاليهم بشكل قاسي زي مره واحد(وحكت لنا حكايته ... تقول بلسانها):مره واحد يوم كبر ابوه ولا يقدر يمشي وكثرت طلباته عجزت زوجته منه وزنت على ولده يوديه دار العجزه
وياليته وداه هناك كان ارحم
وهو في طريقه للدوام حطه بكرتونه(يالله العافيه) ورماه في الشارع(لاحول ولا قوة الا بالله)
مر واحد مداوم سمعه وفتح عليه الكرتونه استغرب وساله عن قصته.. قام الشايب يبكي وحكى له بالي صار...(الموت ولا دمعة ابوي وامي)
قاله الرجال طيب يالوالد ابوديك للشرطه تشتكي عليه؟؟؟؟
قاله الشايب لا ياولدي لكن ابطلبك طلب,, ابغاك تشيلني زي ما انا وتوديني للعمل حق ولدي !!!!!!
فعلا شاله الرجال ماقصر ووداه للقايد وحكاله القصه كامله.....
في الصفه القى القايد كلمه بخصوص عقوق الوالدين,,,,
والولد معاهم يستمع للكلمه..
وقال لهم القايد انا عندي مثال حي على كلامي,,,, وجاب الشيبه زي ماهو في كرتونته
تلون وجه الولد وطاح وجهه في الارض(هذا ابوه)
ورمى نفسه عند ابوه يبكي ويترجاه يسامحه,,تتوقعون وش رد ابوه؟؟ قال له:
رح الله لايسامحك(آه ياكبرهالكلمه)وخلصت حكايتها وجلسنا نعلق على قصتها(من جد الم لما ولدك يعقك)
(واما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما..... الايهكلمة (اف) من حرفين شوفوا شتسوي
اجل كيف لاصار العقوق فعل( اللهم اجعلنا من البارين بوالدينا واجعلهم من الراضيين علينا)
(قلبي على ولدي انفطر,,,,, وقلب ولدي علي حجر)