جزاك الله خير أختي ورده فواحه
وبدعاء المسلم لأخيه المسلم أجر إن شاء الله

وأتمنى من جميع العضوات الدعاء لها بتفريج كربها
وإن شاء الله لو إستجدت أمور أطمنكم

أختي للأسف هذا مريض نفسياً، وأنا اختلف في الراي مع شوكولا
هذا يطفش بلد، وصعب التعامل معاه، يعني يوصلها حدها وإذا طلعت
منها كلمة.. راح نادى الناس عشان يشهدهم ويحرجها قدامهم ..

هو قاعد يستمد قوته من الناس ويحاول يبين صح قدامهم لنفسه
عشان يقنع نفسه انه هو ما غلط، لأنه غلطاته ما يختلف عليها
اثنين ..

إذا صديقتج قوية خليها تشوف محامي .. وتاخذ حقوقها منه لأنه هذا
باجر ما بيفتكر فيها.. وعلى فكرة تراه زوجته اليديده بتطلع فضايحه
باجر لأنه بيتصرف بنفس الأسلوب معاها.. وبيبان قدام الناس

لأنه نفس الشي صار معاي .. وصدقيني

بيرجعلها زاحف بس تستخير وترجع تستخير.. صدقيني الله يبلينا
في هالدنيا عشان الأجر ويمكن الله خاشلها شي أحسن ..

أنا أقولج هالكلام من تجربه .. أنا تعذبت في حياتي وصار عندي عيال
وقلت خلاص وش باقي لي من الدنيا.. لكن رحمة رب العالمين مايقدر
يردها مخلوق.. الله ريحني وعوضني عن كل المعاناة.

قوليلها بيأذيها في الطلاق ومابيعطيها إياه بالساهل، بيتكلم عليها بأكثر
من جذيه قدام الناس .. لا تخليه يسيطر على حياتها حتى بعد افتراقها عنه
لاتخليه يتحكم بنفسيتها .. وتتذكر دايماً أنه مريض نفسياً وتدعي له بالهداية
وتركز على بناتها ولاتحصر حياتها على وش قال وش ما قال.. هي في البداية
بتتفاجأ ليش يقول كذا وكذا؟ وأنا شسويت له كيف يبغي يرجعني ويتكلم علي؟؟

أختي الريال مريض ومايقدر يتحكم بتصرفاته ولايفكر لأبعد من لحظته..

أنا واجهت في طلاقي حتى كلام على شرفي!!! وبعد أسبوع ياي يبغي يرجعني!!
كنت أقول هذا يستعبط ولاغبي؟ كيف يشهر فيني قدام الناس ويبغيني ارجع بيته
بعد ما وصخ سمعتي؟؟؟ لكن سبحانه الله تصرفاته هذي خلت الناس تعرفه على
حقيقته وعرفت وين الصح ووين الغلط...

وأنا للحين ندمانه على السنين اللي ضيعتها بعد انفصالي على أني ما تابعت
حياتي وقعدت مركزة بس عليه وعلى مشاكله.. لأنها ما تنتهي بصراحه..
وخسارة حتى فيه دمعه ..

فلا تخلينها تغلط غلطتي.. خليها تعيش حياتها .. هذا أكثر شي ممكن يستفزه

والشاهد علي ربي .. ما افتكيت من مشاكله إلا بعد الاستخاره!!
مع أني كنت بمجرد التفكير أني أرجع ما أقدر أنام الليل!!!
ولا كنت محتاره بس من كثر ما استمرت المشاكل كنت أقول يمكن
رب العالمين مب كاتبلي الراحه في هالدنيا!! يمكن المفروض افهم
انه لازم ارجع!!! وقمت صليت الاستخاره لأني تعبت فعلاً

ماتتصورين مشكلة طلاقي اللي استمرت اربع سنين!!!!
بعد صلاة الاستخارة بيومين انحلت!! انحلت بطريقة بسيييطه جداً
وأنا قاعده مكاني معززه مكرمه شوفي رحمة الخالق!

وتنبيه هو يبغي يرجعها لأنه ما يقبل بالخسارة

السلام عليكم

أختي الغاليه روحــ لك ـــي

الله يعوضك خير إن شاء الله
أختي إنتي قلتي كلام يدخل القلب مباشره
لأنك مريتي بنفس التجربه 000 ((إسال مجرب ولاتسأل طبيب ))

وفعلا الإستخاره لازم تكن مع المسلم في كل خطوه من خطوات حياته
وسبحان الله أتوقع إنه تزوج هذه عشان الله يفضحه قدام الناس
ويعرفوا بلاااااويه (( الله ينتقم لصديقتي منه ))
الله يخسف بكل ظالم

وملاحظتك بمحلها هو مايبغى يخسر شي يبغاها تبقى عنده ومع زوجه جديده بعد
(((متكبررررررررر )) يحسب الدنيا على مزاجه
حسبي الله ونعم الوكيل

وجزاكي الله خير أختي على الرد

مااقول الا حسبي الله على اللي مايرحم

والله يا حبيبتي الله يصبرك على ما بلاكي والله لا يبلينا --المهم لو عندك سند في هدي الدنيا ابوك اخوان ممكن الوحده تسيب زي كده رجال ما يقدرها لان الوحده ايش تبغى من زوجها الا الحنان والحب والاهتمام بس لو الوحده ما عندها احد في هدي الدنيا ايش يسوي الا بس يصبر والله يعينيك على ما بلاكي