السلام عليكم اختي والله عورتي قلبي بس بقولك شي ولا تزعلين انتي مكنتيه من نفسك وهذي مشكلة بنات الناس الأجاويد يسكتون ويتحملون على أمل ان الرجل يحس من نفسه ويستحي من تصرفاته وينعدل بس هذا وهم لأنه راح يتمادى اكثر واكثر ويخليكي بيزة ماتسوين ويتهمك بمالا يطاق عشان يبرر فعايله الشينة وصدقيني يا اختي انه هالنوعية من الرجال لما يتزوجون من هالبنات اللي رايحيين فيها ولا عندهم أهل ولا سنع وعدل ولا أصل ولا فصل ويصيرون مثل المزابل في بيوتهم ومايهتمون بازواجهم هذول يصيرون مثل العسل على القلب والرجال معاهم يمشي معاهم عدل يمشونه على عجين مايلخبطوش على قولة المصريين ويعطونة بالجزمة فوق راسه ويسكت ويستحمل ويمدح فيها. شوفي اختي صحيح مافي كرامة بين الأزواج بس كل شي له حدود والوحدة ممكن تسكت وتصبر ايه بس لما يكون الرجل سنع ويعرف الأصول لكن اذا ماكان جذيه فماله داعي تستحملين ولا تصبرين لأنه ماراح يحس وراح يعتبر مسامحتك حقه ضعف وغباء ونصيحة مني اطلبي منه الطلاق وخذي كل حقوقك منه ولا تستحين اللي مايستحي لا تستحين منه وهو اللي ابتدا بالظلم ولا تشعرين بالضعف لوجود الطفال بالعكس يتربون من غير ابو أحسن بوايد مايتربون مع أبو بهالشخصية ويتربون في جو كله مشاحنات ومشاكل ويلقون امهم تنهان كل دقيقة جدامهم هذل راح يترك اثر سلبي على شخصياتهم بعدين. انا سكت على زوجي لحد ما مثلك طفح فيني الكيل وتركت البيت ورحت لأهلي وبين كل وقت والثاني اروح الشقة اجيب لي شوية هدوم مثل الحرامية وهو قاعد متمتع بالشقة بروحه وعلى اجهزتي وأثاثي كله من حلالي من غير ااحساس نهائي وفوق هذا طلعني حرامية واروح الشقة عشان ابوق اوراقه مالت عليه واصلا يومها انا خذيت اوراقي انا الشخصية وطلعني حرامية وبواقة وقلتله اذا فينا حرامي فهو انت اللي قاعد على اثاثي واجهزتي وهدومي اللي جايبتها بحلالي.شوفي اختي لا تسمعين للكلام المعسول ومحاولته انه يرضيكي تراه كله خداع وغش انا كان زوجي يتصل فيني يبكي وهو توه راجع من طلعته مع صديقته. فحسبي الله ونعم الوكيل.

السلام عليكم
عزيزاتي 000

home2004
um hamooda
عفريته هانم
الراغبة في الخير
غرشوب رعبوب
رحوووبه
لوزة الأمورة
كان على بالي
بدويه في باريس
torn_heart
جزاكم الله خير
وأرجو منكم الدعاء لها بان يفرج الله كربتها

لاحول ولا قوة الا با الله
الله يصبرها
اختي من رايي
انها تحمل شوي وترجع عشان االبنات ويمكن ماحب الجديده
وحن لصاحبتك وعرف قدرها
والله يصلح شانهم ويهديه ويسخره لها وعليها باالدعاء فان سهام الليل لاتخطئ

أقول لليقولون ترجع عشان بناتها مو كافي الذل اللي شافته؟؟؟ أنتم ليش تحبون تتذلون و تقولون عشان عيالنا الحين بناتها يوم يشوفون أيشلون يعامل أمهم أيشلون بيتربون؟ أكيد راح يقولون هذا شئ عادي و لو أزواجهم سووا فيهم نفس الشئ ما راح يزعلون لأنهم تربوا على الشئ هذا بين أمهم و أبوهم. أكرم لها تتطلق و تخلي المحكمة و أهله يلزموه بمصاريف بناته. كافي ذل. لازم تعيش بكرامة

هذا مريض نفسيا