شوفوا الفرق بالاسعار في اسواق الرياض بالنسبة لفساتين السهرة/قديم

اخواتي العزيزات لأني احبكم وأستفد كثير من المنتدى وتجارب البنات وأفكارهم حبيت أعرض تجربتي مع فساتين السهرة--
كثير من البنات وأنا منهم اذا بغوا يشترون فستان حلوو وراقي يروحون للمجمعات الكبيرة الفخمة وأسعارهم غالبا فوق الألف بس بعد اللي صار لي وبعد ما انقهرت :06:قررت أني ما اروح للمحلات هذه الا اذا مالقيت شي يعجبني بغيرها
ما أطول عليكم---بأقول لكم السالفة
قبل شهرين شريت فستان من الحياة مول ستريش وموديله روووووووعة وغريب وقلت بأشتري هالفستان مهما كان سعره لأني ماراح القاه غير بهالمحل لأن فساتينهم اغلبها ستريتش وموديلاتها حلوة وغريبة وتصلح بعد للعزايم الكبيرة وكان سعره 950 على كلام البايع وسوى لنا تخفيض واخذته ب 750 وانا طايرة من الفرح:32:
احسب نفسي غلبته وأخذته بسعر ولا ارخص---بس الصدمة حصلت أمس--رحت لسوق المنار مول ولقيت نفس فستاني اخوه التوأم ونفس اللون والقماش والكريستالات وانصدمت قلت معقولة القى فستاني بهالسوق المتواضع:D ودخلت المحل وانا يدي على قلبي وسألت عن سعره:06: تدروون بكم يبيعونه؟؟؟
ب400 ريال---قمة القهر---الفرق 350 تخيلووا----سألت البائع عن سبب تفاوت الاسعار الكبير قال أحنا نجيب الفساتين من نفس المصدر يعني اللي بالموسى واللي بالحياة مول واللي بالمنار مول والرياض مول وغيرهم غالبا يجيبون نفس الفساتين ومن نفس المصدر بس تختلف الاسعار بأختلاف أجارات المحلات---واكتشفت ان سبب رخص الفساتين بالمنار مول هو رخص اجاراتهم لأنه سوق كان مقفل فترة واعادوا افتتاحه وتجديده وأغلب الناس ما يعرفونه--ويرخصون بضاعتهم علشان يكسيون زبائن والناس تعرفهم ---وربي يا بنات عندهم فساتين روووعة ورخيصة بنص اسعار باقي المحلات--حبيت أعرفكم على هالسوق لأني ابغالكم الخير والفائدة :27: