بسم الله الرحمن الرحيم
بسمه نبدا كل شي
في البدايه احب اوضح اني اكتب الان عن طريق الجوال وبعد صعوبه بالغه في الدخول
فعذراا عن عدم التنسيق
الاغلب عارف من هي شهاليل خصوصا الي تدخل هالقسم كثير
وموضوعي الاخير قبل ايام
احبك موت يازوجة اخوي والله انك اغلى البشر عندي
والي قرت هالموضوع بتعرف تفاصيل قصة حادث اهلي جميعا في ثاني يوم من زواجي
توفت فيه اغلى انسانه على قلبي(زوجة اخوي)
والبقيه ادخلوا العنايه المركزه في حالات حرجه
واخوي كانت حالته حرجه جدا لان سيارتين صدمت سيارة اهلي واحده على باب اخوي والاخرى على باب زوجته الله يرحمها
اخوي كان زي مالاغلبيه يعرف ضربته بالراس نتج عنها كسر باعلى الراس ونزيف بالدماغ
ودخل في مرحلة الغيبوبه وكنا كل يوم نفرح لتحرك فيه عضو
يوم فتح عيونه وفرحنا كثير
ويوم تكلم ونطق اسمه فرحنا اكثر ان عقله سليم
الى ان جاء اليوم الي طلع فيه من العنايه المركزه وبعد عدة ايام طلع من المستشفى والى ان استقرت حالته خبروه بوفاة زوجته رحمها الله
والله لم ارى اخي من قبل بهذا الحال اصبح يبكيها كل يوم
وكل مادخل عليه بغرفته اجده فوق سريرهما يضع وجهه في احضانه ويبكيها بمراره ويترجانا ان لانخرج اي شئ من ملابسها او باقي اغراضها
اصبح لايتكلم الا نادرا ويرفض ان يتحدث لاي شخص لو حتى خوالي او عمامي من شدة حزنه على زوجته
وفي ظهر الاربعاء قبل امس نزل اخوي وانا بجانب امي المشلوله وسلم على امي وكنت دايما اراقب عينيه الحزينه ونظره دائما للاسفل حتى لانرى دموعه
قال لي: ياشهاليل انا طالع للمستشفى الان ابشرك ولدي سيخرج (ولده كانت حالته حرجه جدا كسر بالجمجمه ونزيف بالدماغ وعمره شهر)
ابتسمت وقلت الحمد لك يارب
خرج وبعد اقل من ساعه وخلال مانا اتصفح هذا القسم الا وتفاجئت بمصيبه لم تكن على البال ابدا
والله اكبر مما يتصوره اي عقل
ماحسيت الا والمباحث تداهم بيتنا
حسبي الله ونعم الوكيل
على الي مايخافون ربهم
وربي ماتتوقعون كيف دخولهم علينا
ماراعوا شعور امي
وكيف دخلوا عليها وهي كاشفه وجهها
مامداني اغطيها
وصارت تصرخ بحاله هستيريه وخفت ان تصيبها جلطه ثانيه خصوصا وهي الى الان ماتدري عن وفاة زوجة اخوي وهي تحبها بشكل جنوني
ويوم دخلت المفتشه لغرفة زوجة اخوي قلت لها تكفين فتشي كل شي واخذي راحتك بس برتقالتها الي على سرير ولدها لاتمسكينها ماتت قبل لاتاكلها تكفين مابي ايد غير ايدها تمسكه
وصرت اصرخ في وجههم انتم وش تبون مننا حرام عليكم امي بتموت من الخوف ويتوقف قلبها بسببكم السكارى ومروجين المخدرات يمينا وشمالنا
ومنتديات الشيعه الي كلها سب ولعن في الصحابه وكلها كفر تتكاثر
حنا وش سوينا
وزادت حالة امي بالصراخ واتصلنا بالهلال الاحمر وبعدها سحبوا كل وسائل الاتصال واجهزة الكمبيوتر ولما جت الاسعاف منعوهم من الدخول لاسعاف امي
ويدرون انا من دون غطى وبملابس النوم ان وبنت خالي الي كانت تساعدني برعاية امي
ويصعدون علينا لين هدتتهم ان تقدموا خطوه واحده لافضحهم عند وزارة الداخليه وقتها خافوا
طبعا قبل لايجوون لنا كانوا قرب البيت واول ماطلع اخوي مسكوه واخذوه معهم وهو بطريقه للمستشفى عشان يطلع ولده
حسبي الله ونعم الوكيل ماراعوا حالته النفسيه ولا الصحيه والكسر في راسه لم يجبر
اخذوه وهو بحاجه لادويته ومادري كيف حاله الحين
طبعا امي ماتدري انهم ماسكين اخوي
لو تدري بيتوقف قلبها
كلمة حق وقلتها
والله ياناس احس صرنا بزمن غريب
والسبب والله ثم والله ثم والله وشايه لانه وصلني عن طريق مصادر خاصه وسريه في المباحث وعلى بالهم ماقدر اوصل لاكبر راس
وان ال سعود فاتحين ابوابهم للشعب عشان يشوفون اشباه الرجال الي ماحفضوا ولاصانوا الامانه
رجاء خاص ادعوا ان ربي يفرجها لي ويقوم امي بالسلامه ويرحم حبيبتي وغاليتي ويفك قيد اخوي ويلم شملي بزوجي
ان لله وان اليه راجعون
الحمد لله على مابتليت فيه
فقدوا اطفال اخوي امهم وبينحرمون من ابوهم بعد
بنته سنتين
وابنه شهر
مسؤليتي كبرت حيل
وين اكون لامي المشلوله والا عيال اخوي والا موضوع اخوي والا زوجي الي اهملته تماماا
شهاليلsh @shhalylsh
محررة
هذا الموضوع مغلق.
نورالضلام2009
•
اختي الله يفرج عن اخوك ويردة لكم و ولي اولادة اكثري من الاستغفار وقول لاحو ل ولاقوة الابالله
استغفروه
•
اسأل الله العظيم الى القيوم ذى الجلال والاكرام ان يفرج كربتكم
ويرد اخوك سالم ويعينك ويغفر لمرت اخوك ويسكنها فسيح جناته لاحول ولا قوة الا بالله ان
شاء الله يرجع سالم ويطلعونه بسرعه ما تدرين كيف وضعه الحين
ويرد اخوك سالم ويعينك ويغفر لمرت اخوك ويسكنها فسيح جناته لاحول ولا قوة الا بالله ان
شاء الله يرجع سالم ويطلعونه بسرعه ما تدرين كيف وضعه الحين
اختي الله يفرج عن اخوك ويردة لكم و ولي اولادة اكثري من الاستغفار وقول لاحو ل ولاقوة الاباللهاختي الله يفرج عن اخوك ويردة لكم و ولي اولادة اكثري من الاستغفار وقول لاحو ل ولاقوة الابالله
يااااربيييييييييه وش هذااا
والله همكـ مايشيله اكبر قلب الله يعينكـ حبيبتي
والله همكـ مايشيله اكبر قلب الله يعينكـ حبيبتي
الصفحة الأخيرة