السلام عليكم يابنات حواء
كيف حالكم ياحوائيات تبون تعرفون وش حصل معي اليوم قبل الفجر؟؟!
انا بدخل بالقصه على طول وابيكم تقولون لي وش تتوقعون وراها ومين ممكن يكون:mad:
اليوم قبل الفجر بربع ساعه تقريبا كنت نايمه جنب زوجي وفجأه دق جوالي وقمت وانا مستغربه مين بيدق علي في هالوقت واشوف الرقم طلع رقم غريب!!!! مااعرفه استغربت اكثر بس قلت يمكن واحد من اهلي..... لان اخوي دايما يغير رقمه ويدق علي الصبح بس ماقد سواها ودق قبل الفجر واجلس كويس وافتح الخط
انا:الو واسمع صوت رجاااال غريب قال: الو
انا:نعم بعدين قفل الخط بوجهي:mad:<<<اخلصي علينا
اصبروا لاتعصبوووون باكمل
المهم اني ماحطيت في بالي شي حطيت الجوال وزوجي سألني مين؟؟<<<<زوجي نومه خفيف اي شي يصحيه <<<واحنا وش دخلنا:39:
مالكم بالطويله انا قلت زوجي رقم ما اعرفه!!! الحمدلله زوجي مو من النوع اللي يشك بدون سبب واضح
بعد ين سكتنا الا والاقي جوالي يدق من جديد...!!! ونفس الرقم انا اعطيت زوجي قلت:رد عليه
فتح زوجي الخط وقال:نعم؟ تتوقعون قفل ؟لااااااا
قال لزوجي :مين معاي؟
زوجي :انت اللي متصل المفروض انا اسأل؟
الرجال:انتوا داقين علي
زوجي:لا ياخي ما دقين انت غلطان
قفل الخط ....<<< بتقولون وش الغريب؟؟!!!
الغريب انه بعدها دق بس على مين؟؟؟ على جوال زوجي!!!!
زوجي ردقال: نعم؟
الرجال :انتوا دقيتوا علي
هنا زوجي عصب قال مادقين عليك وانت دقيت على جواال قبل خمس دقايق وقلنا لك غلطان ولاعاد تتعودهاوتدق!!:mad:
قفل زوجي الخط بوجهه وقال انتي دقيتي عليه؟؟ قلت لااااطبعا <<تحسبون الموضوع انتهى هنا؟؟لااااا خلوكم معي وشوفوا وش سوا الحقير بعدين؟؟!!
بعدين ادن الفجر وزوجي صحا الاولاد وراحوا توضأوا وغيروا ملابسهم وراحوا المسجد وبعدين زوجي رجع نام لين يجي وقت دواامهواولادي جهزت لهم فطوروفطرواا وتجهزوا للمدرسه وراحوا
وانا قلت خليني انظف البيت وارتب وقمت اشتغل في البيت لين الساعه 8 وبعدين رحت اصحي زوجي للدوام ورحت جهزت له الفطور وفجأه جتني رساله على جوالي وزوجي كان بالحمام تكرمون
فتحتها طلعت من نفس الرقم وتقول((لمن الباشا اللي جنبك يروح دقي عليه ضروريعشان لاتحصل مشاكل انصحك)):mad:
انا عصبت مين هالوقح ووش يبغى المهم لما خرج زوجي من الحمام حضرت له الفطور وعطيته جوالي وقلت شوف هالوقح وش مرسل مسك زوجي الجوال وقرأ الرساله وبعدين قال هدا واحد يعرفني؟! بعدين فكرت قلت لو انه زي مايقول اني انا دقيت وشلون عرف رقمك؟ ولو قلت ان(فوفو)اقصدبنتي عمرها4 سنوات دقت وهي تلعب بالجوال من رقمي وشلون وصل لرقم جوالك ودق عليه قال :رقمه عندي وبأدق عليه من رقمي الثانيواشوف وش عنده؟!واعرف اشلون اتصرف معاه... وارجع اقول ان زوجي واثق فيني والحمدلله ومستحيل يشك فيني حتى لو واحد بالميه....الحمدلله ربي معاي
بس ابي اعرف انتوا وش تتوقعون وراء هالمكالمه؟؟ ومين ممكن يكون هالشخص؟ انا قلت يمكن ماخد الرقم من جوال زجي بدون مايدري؟كيف عرف جوالي وجوال زوجي ادا كان ماسرق الرقم من جوال زوجي والله اني افكر؟؟بس اناعارفه نفسي وواثقه من نفسي واني ماسويت شي غلط بس ليه الحقاره والتهديد؟؟ ليش صار الواحد يهدد الناس ويقلق راحتهم...عشان يوصل للي يبغاه؟؟
يعني يا اكلمه يايهددني؟! صارت الدنيا عجيبه قل الحيا وماعاد فيه خوف من الله الا من رحم ربي
لو كان يعرف زوجي وش هالحقاره والجراءه عشان يسرق رقمي ويهددني بعد؟ صدق الدنيا ماعاد فيها امان الواحد كافي خيره شره والمصايب تتحدف عليه من كل مكان
اللهم استرنا فوق الارض وتحت الارض ويوم العرض انت ولي دلك والقادر عليه
انتظر ردودكم وانا باخد فره في المنتدى وارجع لكم:27:محدثتكم سحايب النماص مراسلت عالم حواء على الارض
سحايب النماص @shayb_alnmas
عضوة نشيطة
يلزم عليك تسجيل الدخول أولًا لكتابة تعليق.
ام اقماري
•
ادعي ان الله يسلط عليه ويكفيكم شره ويشل جسمه
طنشوه ولا تردو عليه لو يرسل 100 رسالة .. لان زوجك لو دق عليه بيعرف انه استفزه .. طنشوووه والله بيمل
ويمكن يكون احد مسلطه ياذيكم .. من العيلة او من اصدقائه
هالدنيا فيها ناس فيهم دنائة نفس بشكل مو طبيعي
ويمكن يكون احد مسلطه ياذيكم .. من العيلة او من اصدقائه
هالدنيا فيها ناس فيهم دنائة نفس بشكل مو طبيعي
الله يستر منه .....
هاذا شكله ناوي شر ....الله يكفيكم شره
طيب وراه ماسويتي خطه انتي وزوجك ولعبتو عليه ودقتي وقلتي راح زوجي وهو طبعآ يكون جنبك
وشوفتو وش عنده ...
بديت اقلق وانا مالي دخل في الموضوع .......بس لزوم الشرافه
وبنسبه لرقم اذا كنتي انتي وزوجك معكم رديف بيطلع رقمك .. او جوالك باسم زوجك بسهووووووووله يجيبه..!!
الله يكفيكم شرره ويبعد عنكم عيال الحرام .. والله يستر عليكم منه
هاذا شكله ناوي شر ....الله يكفيكم شره
طيب وراه ماسويتي خطه انتي وزوجك ولعبتو عليه ودقتي وقلتي راح زوجي وهو طبعآ يكون جنبك
وشوفتو وش عنده ...
بديت اقلق وانا مالي دخل في الموضوع .......بس لزوم الشرافه
وبنسبه لرقم اذا كنتي انتي وزوجك معكم رديف بيطلع رقمك .. او جوالك باسم زوجك بسهووووووووله يجيبه..!!
الله يكفيكم شرره ويبعد عنكم عيال الحرام .. والله يستر عليكم منه
الصفحة الأخيرة