المهم هذا الموقف صار لنا طاال عمركم بعيد الاضحى طبعا رحنا انا واهلي لملاهي بجده وكنا مرره مستانسين لعبنا وانبسطنا حتى امي ذاك اليوم رجعت لايام الشباب والمراهقه كانت تلعب مع ابوي وفالتها ع الاخر الله يحفضها ربي ويطول بعمرها المهم كنا زي ماقلت مررره مبسوطين اللا اثنين
هم اختي اللي اصغر مني طبعا مااهي صغيره بالثانويه واما الثانيه نسخه مصغره عن اختي اللي هي اختي الصغيره اخر العنقود اولى ابتدائي مثل اختي جبااانه مررره يعني هم الاثنين داايم كذا يحرمون انفسهم من اللعب عااد اختي الصغيره اقنعناها تلعب مع اختها اللي اكبر منها بسنه ومع ولدي عمره ثلاث سنواات وقسم انه اشجع منها الله يحفظه بالغصب خليناها تلعب معهم لعبة العربات اللي تدور حول نفسها اتوقع هاللعبه للي اعمارهم سنتين المهم بسطت اختي وكيفت عليها ههههههه تخيلوا ولدي يقول هذي اللعبه مو حلوووه اصلا ماافي الا هي لحالها تلعب فيها اختها وولدي عيوا مايلعبوا معها مرره ثاانيه ههههه وقسم لو تشوفوا شكلها يفطس من الضحك لحالها في اللعبه ذي وكل ماقلنا لها العبي لعبه ثاانيه تعي تقول ابي العب الفيل خخخخخخخ فالاخير خلاها بوي تلعب نفس اللعبه وعطى الحارس اكثر من تذكره حتى تكفيها الين نخرج طبعا معها اخوي انتهينا من اختي الصغيره جاء دووور الكبيره هههههههه تخيلوا لعبنا كلنا انا وزوجي واخواني وهي ياااحراام تكسر الخاطر المهم مادري ايش طرا على اختي وتحمست وقالتلي اشرايك نلعب القطار السريع انا ع طووول فهيت فيها انتي مستوعبه اللي تقولينه انتي مااركبتي ولا لعبه في حيااتك حتى وانتي صغيره خفتي من لعبة الفناجيل اللي تدور باقي تبين تلعبين القطار وشوفت الاخت سكتت وماقالت شي 
انا ع طووول قلتلها تدرين انسي انا باروح اجيب التذاكر وانا في خااطري يااارب انها مااتهون المهم كلمت زوجي قلتله بسرعه جيب لنا التذاكر قال ليش قلت ابي العب انا واختي القطار قالي اي اخت انا اللي اعرف ان ماعندك غير اختك اللي لو تموتين ماااركبت معك قلتله لا ابشرك انفكت العقده وهي اللي قالتلي حسيت انو زوجي مو مصدقني وراح قص التذاكر وجينا عند اللحظه الحاسمه وقف القطار وقال الحارس يالله اركبوا وفعلا ركبوا اللي يبون يلعبون بقي انا واختي اللي هونت في اللحظه الاخيره بس انا يوم شفت اختي الصغيره اتركوا ذيك اللي تركناها تلعب الفيل اللي اكبر منها ومعها كان اخوي الوسط قلتلها شوفي هذي اختك اصغر منك وماشاء الله عليها ماخافت وفعلا اختي ذي الصغيره مدري على منو طالعه شجاعه لدرجه ماتوقعوها عااد ماصدقت واختي توافق ومن حسن حظنا كنا في المرتبه الاخيره ههههههه اخوي الكبير وزوجي واقفين يناظرونا المهم ركبنا وربطنا الحزام وشوي القطار يتحرك بدا يمشي شوي شوي حتى صاار سريع مررره الا وانا اسمع ذيك الصيحه اللي تقول كنها قنبله
وشوي انا اصيح معها والله اللعبه كاانت تخوف خصوصا احنا اللي كنا في المرتبه الاخيره وبعدها انا بدات في موجاات من الصياح 
وكنت ماااسكه بايدي في حاااجه اقولكم هي بعدين خلاص انا شوي قلبي ويطيح صح انها وناااسه بس تخوف اختي ماسمعت لها اي صوت عقب القنبله اللي اطلقتها والحمد الله انو وقف القطار اخيرا انا احس بالدنيا تلف وتدور شوي وجااني اخوي ميت ظحك بينفجر تعرفون كيف قالي الله يكسر ابليسك فكي البنت قطعتي اذنها من ركبتي وانتي مااسكتها وفعلا اناظر الا انا ماسكه اذن اختي وبقووه بعد من دون ماحس وانا على بالي ماسكه في الحديده اللي قدام مانلام من شدة الخوف خصوصا لي فتره مالعبت القطاار وقمت اتاسف من اختي مالحظت عليها اي تجاوب قاام زوجي قال يالله انزلو الركاب يبون يركبون قلت لاختي انزلي مافي تجاوب اناظر في البنت اثاريه اغمي عليها جينا ورشيناها بالمويه بس مافاقت نزلتها انا واخوي على الكراسي اللي قدام واسوي نفسي اني اصحيها وشوي اطيح فيها تصفيق من جد اخذت راحتي في التكفيخ لاتلوموني ياما ذقت الويلات منها وقلت يابنت فرصه جااتك لاتفوتيها الكل لاحظ علي ايش ذا التصفيق وع طووول قامت علي امي قومه طبعا امي بغت تنجن وقالت هذا انتي انتي السبب ترستي راسها حتى اقنعتيها وانا مو معهم ميته ضحك وفرحانه اني انتقمت واخيرا طبعا اختي فاقت ايه التكفيخ عطى دوره بس كانت فيها شوي دووخه وبعدها الرحله خربت علينا امي خافت ع اختي وقالت يالله مشينا وفعلا مشينا واحنا عند البوابه الا اختي الصغيره تقول وين رزان الا واحنا تذكرنا انا البنت نسيناها عند الفيل ههههههه وع طوول رااح لها اخوي والبنت مسنتره ع الفيل وداخله جو فالتها ولا بعد الحارس اللي عندها دلعها شغلها انشودة ديمه الاولى اتوقع كلكم عاارفينها خخخخخخ جابها اخوي وع طوول اتجهنا لشقه كاانت كبيره مرره قلت لزوجي خلينا نام اليوم عندهم قال مافي مشكله المهم اختي دخلتها امي غرفتها وع طوول ناامت وانا سولفت شوي معهم وبعدين دخلت الغرفه ونمت جاء الصبح وبدات افتح عيوني وحسيت انو فيه واحد واقف ع راسي فتحت عيوني واناظر الا هي اختي والشرار طالع من عيونها انا ع طوول ابتسمت وقلت هاااي
حيا الله هالوجه اللي يفتح النفس من الصبح ماتشوفين شر خوفتينا عليك واحاول الطف الجو انا وجهي ع طووول وبدون ماكمل قالتلي خلي الكذاب وشوفي قسما بالله لاخذ حقي قلتلها وانا ايش سويتلك قاالت شوفي اذني وشفت اذنها وقسم اني فطست من الضحك :hahaha::hahaha:طبعا جوا قلبي والله لو اطلعه لا تذبحني تخيلوا يابنات ااذنها اليمين كانت صفيره وحمراء وكانها مسفوطه والثانيه كبيره ومتفتحه ههههه قلتلها عاادي ماشوف فيها شي قالت تحسبيني كمان نسيت التكفيخ امس عااد انا دورولي ماتلقوني شوي واغوس جوة ملابسي من الخوف هي جسم ماشاء الله وانا يااحليلي بجنبها قلتلها ياشيخه العني الشيطان وهدي بالك هذا كله من وساوس الشيطان ابي اهرب منها ماني قادره وبطني قاام عورني ياااربي الفكه كيف انفر بجلدي عرفت مافي طريقه الا انا نبدا حلقة المصارعه وفعلا بدات الحلقه وتكفخت وترفست وكل شي المهم جو اخواتي الصغار ومادراك ماالصغار انذل مخلوقات ربي وع طوول نادوا اخواني وبعد هم ماصدقوا وجو ولقونا في معارك طاحنه مابين بوقس وكف وسحب بالشعر ورفس عااد هم الحين احسن لحظه عندهم يمارسون هواياتهم مع انهم اصغر منا الا انا مانقدر عليهم اجسام ماشاء الله وقاموا علينا بدال مايفرعون صرنا انا واختي نقولهم خلاص وربي بطلنا بس خلاص مافي فايده الا انا نادي امي وخواتي الصغار قاموا يشجعون قو قو ايوا ايوا عاشوا 
وبعداستغاثه راحت وحده منهم ونادت امي وجت امي وخاصمتنا فضحتونا الله يصلحكم الحين ايش يقولون عنا اصحاب الفندق وغسلتنا غسله محترمه وقشعتني من الغرفه يالله روحي شقتك احسنلك زوجك يبغاك وانا طالعه قلت خلني امر المرايه اشوف شكلي قبل لافجع زوجي وفعلا شفت شكلي وقسم انه يخرع 
لو يشوفه جني ليهرب زبطت حاالي ورحتله وكان عارف انو بتصير مضاربات اصلا من الصياح اللي وصل لاخر الدنيا قالي مين انتصر قلتله كالعاده اخواتي الصغار واخواني ههههههههه لانه متعود علي انا واختي مضاربات داايم ههههه وهم بالعاده المنتصرينوبس خلصت الحتوته يارب كنت خفيفة ظل عليكم لكن صدقوني مهما قلتلكم مو زي لما تعيشي الموقف بنفسك
الحين ابي كل وحده منكم تذكر لنا من هالمواقف اللي تفرفش ع القلب وتوسعه يالله نبي نضحك ونتونس وابي منكم انكم تدعون لاختي انها تجيب نسبه زينه في القدرات وربي هي حبيبه وغاليه حيل ع قلبي
ومشكورين على الوقت اللي قضيتوه مع قصتي القميله هوع هوع