كوبونات الراقية تسجيل الدخول

**حبيبة نجد**

شوفوا الموقف اللي حطوني فيه مكتب إشراف العويقيله؟؟؟؟؟؟؟

الطالبات والمعلمات •

السلام عليكم ورحمة الله وبركاته.....اتمنى من موضوعي هذا إيصال صوت الحق إلي المسؤوليين
أنااود سرد مشكلتي واتمنى ان اجد صدور رحبه لذلك والنظر في موضوعي من قبل من له شأن في ذلك مشكلتي هي مع موجهه للصفوف المبكرة وأنامعلمه ومكلفه بإدارة المدرسة مع الأسف الشديد على نفسي وراح احكي لكم المشكلة بدأت بإتصال الموجه بعد ثلاثة شهور من الدراسه وبعدإنتهاء الفترة الأولى من تقويم الطالبات تطلب مني كرت العائلة لكل طالبه في الصف الأول لمعرفت ماإذاكانت تحت السن القانوني للدراسة ام لا فارسلت لهاماطلبت علمابأن طلبهامتأخرجداجدااا:( :( وكان من ضمن الطالبات طالبه من مواليد1422هوطالبه من مواليد1421هالطالبه الأولى مستمعه لانهاصغيره اماالثانيه فهي عند استلام ملفهاكانت قد بلغت6سنوات وشهران فاتفاجأفي اليوم التالي بإتصالهاتطلب مني صرف الطالبتان :( :( قلت لهاوبأسلوب راقي ومؤدب جداجدا إحتراما لها:الطالبه الأولي مستمعه ولم يتم تقويمهاويحق لي ولي أهلهاإبقائهامستمعه؟؟أما الثانيه فهي في سن قانوني ؟؟؟؟قاطعتني بقولها (اصرفيهم كلهم اوترى عليكم المسؤوليه لان السن القانوني هو6سنوات و9شهور)فاقلت امري لله واستدعيت وليه امرهاوفهمتهاالموضوع من طقطق للسلام عليكم وان هذاأمر من التوجيه (اشرهه على اللي يسمع كلامهم)وبعد كذااشتكى ولي أمرهاعند المندوب واتفأجابإتصالهاعلي تقولي لي من اللي قالك اصرفيها؟؟؟؟؟؟والله الذي لاإله إلا هو انهامتصله في معلماتي تتأكد انناصرفنا الطالبه وتذكرها بالاسم؟؟؟؟المشكله إنهاحاطه الخطأعلي ليش على شأنك موجه ماتغلطين وتطلعني قدام المندوب وأهل البنت انااللى غلطانه؟؟؟؟
اخواتي خلاصة الكلام انني اتصلت في مديرة مكتب الأشراف ابي احطهافي الصورة علما بأني سألتها قبل تفصل الطالبه وقالت لي ارد عليك ولارد علي احد؟بعد النقاش قالتي حصل خيير بكل برود وارسلي لي كرت العائله مره ثانيه مع العلم بإنهاالمرة العاشرة اللي ارسل لها اوراق بس ماادري وين يودونها:( بالله عليم ماهوشي يقهر الوحده تتصل تعطي اوامر وإذاجتي تناقشيها تقاطعك ولاتخليك تكملين كلامك لأنها بجلالة قدرهامايناقش معها بس قولي سمعا وطاعه؟؟؟؟وش رايكم بالله بها الموقف ؟؟انامن بكره راح اكتب خطاب إخلاء مسؤوليتي من إدارة المدرسه وماعلي إلامن مواد وخليهم يبلشون بتكليف احد غيري هذا اللي يرد كرامتي وش رايكم؟؟؟؟
10
2K

يلزم عليك تسجيل الدخول أولًا لكتابة تعليق.

تسجيل دخول

عسل صافي
عسل صافي •
بعض ممع عندنا من هاالموجهات الوحده منهم تنسى نفسها ولا كأن أحد يفهم غيرها بها الدنيا
**حبيبة نجد**
**حبيبة نجد** •
والله إنك صادقه ياعسل صافي وكأن مافيه أحد يفهم غيرهم حسبي الله ونعم الوكيل ؟؟؟؟؟
اخواتي اللي قرأوالموضوع؟وش السالفه مافيه تعليق أبدا؟؟طيب عطوني رآيكم برفع الخطاب لإخلاء المسؤلية من الإدارة؟؟؟؟؟أوافرضي انحطيتي بهاالموقف وش تسويين ؟؟بليييز ردوعلي ترآني مقهورة من اللي حصل اليوم ولاتقهروني زيادة اناافضفض لكم ابي رآيكم موتقرون وتطلعون؟؟
fossi
fossi •
لا تحرقين اعصابك ولا شيء استأذني من الدوام وروحي لحد مكتب الاشراف اللي ذكرتيه وخلي عنك تلفون ما تلفون

ما حك جلدك مثل ظفرك وادخلي على مديرة الاشراف نفسها وفهميها السالفه من اولها وخليها تسوي مواجهه بينك

وبين راعية الفصول الدنيا اللي تشتغل بلا ذمه او اخلاص ولو اضظريتي الى الحلف وكل وحدة فيكم تحلف وتبري

ذمتها .. اما انك تكتفين بتدريس موادك هذا مو حل بل هروب من المشكله اذا لك حق تشبثي حتى تثبتي انك الصح

والغلط منها بس ما هي قد كلمتها .. ونصيحه للايام اللي جايه اذا الله عطاك عمر اي احد يكلمك ويطلب شيء قولي لها

هاتي خطاب موضح فيه الطلب المراد تنفيذه حتى تكون ورقه تنجيك ساعة اللزوم .. وسلامي لديار الشمال ..
**حبيبة نجد**
**حبيبة نجد** •
مشكورة اختfoSSI على الرد وكلامك صحيح لازم اتشبث بكلامي دامي على حق ورآيك مثل رآي زوجي يقول لاتنفذين شي إلا بخطاب رسمي أماالتليفونات فماتسمن ولاتغني من جوع ساعة الزوم...وسلامك وصل لديار الشمال ياعزيزتي لكن ديار الشمال ماعادت ديار الشمال اللي أنت خابره؟؟؟؟
بنت الشرق الحزين
بنت الشرق الحزين •
fossi fossi :
لا تحرقين اعصابك ولا شيء استأذني من الدوام وروحي لحد مكتب الاشراف اللي ذكرتيه وخلي عنك تلفون ما تلفون ما حك جلدك مثل ظفرك وادخلي على مديرة الاشراف نفسها وفهميها السالفه من اولها وخليها تسوي مواجهه بينك وبين راعية الفصول الدنيا اللي تشتغل بلا ذمه او اخلاص ولو اضظريتي الى الحلف وكل وحدة فيكم تحلف وتبري ذمتها .. اما انك تكتفين بتدريس موادك هذا مو حل بل هروب من المشكله اذا لك حق تشبثي حتى تثبتي انك الصح والغلط منها بس ما هي قد كلمتها .. ونصيحه للايام اللي جايه اذا الله عطاك عمر اي احد يكلمك ويطلب شيء قولي لها هاتي خطاب موضح فيه الطلب المراد تنفيذه حتى تكون ورقه تنجيك ساعة اللزوم .. وسلامي لديار الشمال ..
لا تحرقين اعصابك ولا شيء استأذني من الدوام وروحي لحد مكتب الاشراف اللي ذكرتيه وخلي عنك تلفون ما...
هذا هو الي لازم ينعمل الى متى نخاف وماناخذحقوقنا في هالبلد هذا ابسط شي تعمليه للكذابة وينقال مشرفة تربوية وين التربية ووينك يامن تدعينا مشرفة