عادي حبيبتي
يمكن كل وحده بالمنتدى مرت عليها هالمواقف

واحسن تصرف بهالمواقف هو
انج تباركين للحامل وتدعين لها بثبات الحمل وانتي مبتسمه :) هذا الي كنت اسويه ليما الله عوضني ورزقني

والله انكم دعستوا على جرحي ..... لي قريبه كنت اعتبرها اختي وحبيبتي ومكمن اسراري وكنا نعاني انا معاها من نفس الوضع بالنسبه لتأخر الحمل كتب لها ربي وحملت والله يشهد اني فرحت لها وانفتحت الدنيا في وجهي وحسيت بكرم ربي وانه بيرزقني مثلها وكأن اللي بتجيبه طفلي مو طفلها من وناستي لها وطول التسع شهور وانا اشيلها واحط وكل ما اشتهت شي طرت سويته لها حتى اهلها ماسوولها مثلي وجابت البيبي وعقب كم شهر يوم شافتني اتكلم عن بنت اختي الصغيره اللي اعتبرها مثل بنتي تدرون وشقالت (القرعه تتدلع بشعر بنت اختها) بسخريه نست كل شي وانها مرت بنفس وضعي ؟؟سؤالي هو كيف جاها قلب تجرحني؟؟:( لاكن الله كريم ماينسى عبده والله يرزقنا وياكم يارب

مرحبا اخواتي..

الله يعين كلنا نعاني من هذي المواقف كنت انا مررررررررررررررررة اتحسس من موضوع الحمل بشكل فضيع بس الحمد لله بعدما تطمنت على نفسي والحمد لله كله بفضل الدعاء واني اقدر احمل اليوم قبل بكرة بس المشكلة عند زوجي وان شاء الله راح تنحل بفضل ربي سبحانه ماعاد يهمننننننننننننني اي احد..

تصدقين لدرجة اني ارجع البيت في بعض المرات وانا متضايقة واجلس ابكي بعدها بشوي اوقف واحس ان سبب البكاء ماله داعي واني ما احس ان شفقانه مرة على الاطفال والله ثم والله انه بالدعاء ربي رضيت عن ربي وعن نفسي ورضيت بقضاءه علي وبإذن الله راح يرضيني ..

الحين في جمعاتنا صرت اخذ الاطفال ساعات والاعبهم بس مش مرررة حتى هم لاحظوا هذي القوة فيني والشخصية فتغيرت الحال تماما صاروا يحترمون وجودي ونضحك ودايما جايتهم فرحانه واضحك وكاشخة وكل من كلمني عن موضوع الاطفال ارد بشكل رسمي وردودي مافيها اي ضعف ولا مسكنه حتى عيالهم الصغار ساعات الاعبهم وساعات اطنشهم لانهم مش عيالي فسبحان الله نفسيتي جدا متغيرة الحمد لله ياكثر النعم اللي عندي وحاسديني عليها وانا ماراح اسمح لأي احد يكسرني او يمسك علي موضوع عدم الخلفة ...

من جد يالغالية ترا مريت بكل اللي مريتي فيه والتحزبات والدنيا والمساسر بينهم بين بعض والكلام عن الامومة وما ادري ايش بس ولله الحمد الحال تغير تماما جدا وصار كلة لصالحي لان شخصيتي جدا صارت قوية وهذا بفضل الله وحدة..

ويالغالية اذا الوحدة مننا بينت ضعفها وحساسيتها وانها تتضايق من طاري الحمل صدقيني بتزيد عليها الضغوط وبياخذةن عليها مدخل وبيقعدون في كل مرة يجيبون هالطاري لانهم يدرون انه يضايقنا..

بس اذا الوحدة منا بينت شخصيتها الصارمة وتاخذ وتعطي في موضوع العيال وتبين ان الحال طبيعي حتى مع عدم وجودهم لانهم بإذن واحد احد ومع الاخذ بالاسباب راح يجون فصدقيني المجتمع راح يحترمها ويقدرها وماراح يتمادون معاها في موضوع العيال....


معللللللليش طولت في كلامي بس والله من قهري عليكم ابغاكم تتقون بالله سبحانه ولاتجعلون لهالبشر مدخل عليكم ولاتجعلون هالموضوع وسيلة ضغط عليكم..وترا يعني شي طبيعي اي وحدة راح تحمل بعد زواجها اذا هي سليمة وزوجها سليم يعني هذا الشي مفروض يكون شي من المسلمات عندنا بس وش يدريكم اذا صبرنا واحتسبنا وخففنا من موضوع الحساسية من هالموضوع ان ربي يرزقنا اضعاف اللي حملت من اول مرة وترا هذا شي طبيعي يعني مهب منها ولا من اختراعها هذا من الله شيء طبيعي ممكن بعض الحريم يعتبر الحمل من اول الزواج شيء خارق للعادة ويبدون يخبون الموضوع ويتساسرون ولا هو شي عااادي جدا كل الناس الطبيعين راح يحملون بس الله قدر علينا نتأخر شوي وبإذن الله كلها فترة وتعدي ونترس بيووتنا عيياااااااااااااااااال...

يله عاد بلا هالاحزززززززززززززان !!!!!

يارب يرزقك الذريه الصالحه