السلام عليكم ورحمة الله وبركاته
أقروا الكلام لأخر شي لوسمحتوا
خواتي أنا تصرفت تصرف وحبيت أخذ رايكم هل اللي سويته صح ولا لا بس قبل هذا بقول مقدمة عن الوضع اللي عايشينه
أنا متزوجه وعندي بيت وأزور أهلي بين الفترة والثانيه وعندي خوات أصغر مني لسا بنات وحدة بثالث ثانوي والثانية بأول ثانوي وأمي عمرها بالاربعين كتب لها ربي أنها تحمل وهي عندها آلام بالركب ومع الحمل الله يكون بعونها
أخواني الكبار وهم أثنين متزوجين بنات عمي وهم خوات (وهم خوات زوجي) أخوي الكبير ... زوجته هي الثانيه بس لظروفه ماقدر يفتح بيت ثاني فسكنها عند أهلي( وهو عايش بديرة بعيده عن اهلي) أخوي الثاني عايش معنا وله غرفتين وحمام وأنتم بالكرامه........ كلهم صار لهم أربع سنين من تزوجوا وأنا تزوجت قبلهم بسنه وكانوا خواتي لسا صغار بالمتوسط وماكانت أمي تشد عليهم بالشغل بس بالثنوي صارت تشد بس مهما كان عمر شغل البنت مثل شغل الحرمه وخاصة أن البنات يدرسون
بيت اهلي فله كبيرة مع ملحق كبير وحوش كبيييير .... ولا فيه شغاله أمي رافضتها من يوم كنت بنت وألحين بعد رافضتها
خواتي مع حريم أخواني صاروا أربع وأمي الخامسة وكلن يشتغل بالبيت وحريم أخواني أتفقوا أنه يقسمون الشغل وصار لكل وحده يوم معادا أمي خارج القسمة وهذا كلامهم( طبعا حريم أخواني يشتغلون بالاشياء المشتركة يعني غرف أخواني وخواتي والاشياء اللي تخصنا مالهم شغل فيها على طلب أمي)
البيت نظيف بس نظافه بالظاهر يعني كل مرة يتغبر نظفوا تنظيف ظاهر ويتكنس وينمسح وووو كل الشغل بس ظاهر
أمي تدرس محو الامية والله أنها تشتغل وتتعب كثير بس البيت كبير قلت لها تجيب شغاله قالت كل الاربع شغلهم على روس الاصابع فكيف لجبت شغاله أكسر ظهر الحرمة ليه
أطفال أخواني مثل باقي الاطفال يعفسون البيت وشخبطون على الجدران وووووو
بعد المقدمة نجي للموضوع
المهم .... اليوم طفح فيني الكيل كل مرة أجي للبيت ما أحس بنظافه من قلب .... كتبت على ورقه بخط عريض وعلقتها على شباك المطبخ من داخل يعني اللي تغسل تشوفها كتبت فيها بمعنى.....
ا(((لكلام لكم ياأربع ...ناظروا قدامكم وتلفتوا يمين شمال عاجبكم المنظر اللي تشوفونه ليه عجزانيين تنظفون المطبخ تنظيف شامل مرة بالاسبوع ولا تنفضون البيت مرة بالشهر عيب عليكم والله عيب أنتم واجهة البيت فشلة لجونا ناس بيقولون أبد هالبيت مافيه أوادم )))
أختي قرت الكلام وسكتت لأني دايم أهاوشها
وبعدها رحت الملحق جالسة أسولف أنا وأمي الاّ وزوجة أخوي الثاني داخله وهاتك كلام ووووووووو
بس بختصر الكلام عليكم وبقول اللي أوجعني قالت هذا مو بيتي ..الله يلعن أبليسك صار لك أربع سنين قاعده بالبيت وتقولين هذا مو بيتي الضيف مدة ضيافته ثلاث أيام وأنتي أربع سنين
الثاني جات لفوق وهاتك كلام وووووووو واللي باخذه من كلام قالت لي .... الله لا يهينك أجلسي مسحي ونظفي في بيت أهلك.......... والله مو عيب أنظف ببيت أهلي بس عيب لما أجي أنا وأختي الكبيره نفرك وننظف... مساعده أيه بس نفرك ليه مافي البيت عرب أختي الكبيرة لما تجي وربي الشاهد تنظف وتتشتغل حتى لما يكون الشغل على حريم أخواني تشتغل بيومهم موكفايه الفرك اللي تسويه ببيتها اللي وجهها صار أسود من الشغل( أهل زوجها اللي هم أهل حريم أخواني عايشين معها بالبيت)
أنا اللي بعرفه الكلام اللي قلته لهم فيه شي أمكن نبرتي بالكتابة كانت حاده شوي بس وربي الشاهد أني ما كتبت هالكلام الا أبي مصلحت الجميع مو لأني حماتهم وأبي أقعد عليهم لا وربي طيلة الاربع سنين وأنا ساكته ويوم تكلمت كتبت هالكلام بورقه لأني ما أبي أتصادم معاهم وهم من قبل مثل خواتي لكن ردهم كان قوي
فياليت تنصحوني وتوجهوني هل اللي قلته عيب علي وأني تدخلت بشي مايعنيني والله أن أمي كاتمة على اللي بخاطرها وساكته
أنا لي بيتي بس لما أجي زيارة لأهلي وكان فيه ظيوف والله أتفشل من حمام الحريم ولا الورد المغبر ولا الجدران المشخمطة ولا بعد ياكثر المناسبات اللي تجي في بيت أهلي
في الاخير أقول سواء كان خواتي ولا حريم أخواني كلهم يشتغلون ووأنا أشهد أنهم يطبخون ويكنسونويمسحون لكن شغلهم على روس الاصابع أما الشغل العميق مرة ولا مرتين بالسنه دواليب المطبخ عليها وسخ الثلاجة تنظيف على الماشي الحمامات رشه كلوركس والجدران والابواب باللعنة
جدران المطبخ ؟؟؟ الدرج ينمسح أيه بس جدار الدرج ؟؟؟؟ الملحق بالنادر وووو
( بتقولون وش اللي دريني وأنا ببيت بروحي أنا كل شهر جاية عند أهلي يعني ما أطول عنهم وأشوف كل شي بعيني)
أبي آرائكم الهادفة الله يسعدكم لأني والله ما أحب أظلم أحد ولا أحد يظلمني لعلى وعسى أقدر أصلح شي لأخطيت
كل اللي ردوا كلامكم على عيني وراسي
أحنا ماقلنا نظفوا غرفنا وحمماماتنا الله يكرمكم قلنا المطبخ اللي يحوسون فيه مجلس الحريم اللي يستقبلون ضيوفهم فيه مجالس الرجال اللي أخوانهم إذا جاو نامو فيه وبربي أن الفراش يجلس كذا يوم مايتسفط ولا ينظفون عدل ولا الحوش اللي ينشرون غسيلهم فيه ويقعدون فيه ولا المكان اللي يغسلون فيه هدومهم
وإذا مو ملزومين فيه كل وحده تقضب باب غرفتها وراها والله مو عجازانين عن لقمتنا ولا عن شغل البيت أنا أتكلم عن الاشياء المشتركه فقط
وش فيكم أنا ماقلت يشتغلون لنا ويخدمونا الله لايحدنا على شغلهم بس خذوها بالعقل أنتي عايشة ببيت حمولتك ومطخبهم ومطبخك واحد وكل شي بالمطبخ تتشتركون فيه المواعين الفرن والثلاجة والدواليب وكل شي ومجالس الحريم تستقبلون فيه ضيوفكم وأطفالكم يستخدمون حمامات العامه مثل حمام الحريم
والغساله تغسلون هدومكم فيها مجالس الرجال أخوانكم يجون فيها وغرفة المعيشه تقعدون معنا فيها وعيالكم اللي يشخبط على الجدران واللي يكب العصير على الارضيات والكنبات والدرج كلم تمشون عليه مثلنا( أكيد مايطيرون هههه) وعيالكم ماسكين القلم وشخخخخخخخخخخبط على جدرانه
في هذي الحاله تقولون لا مانبي نشتغل فيه كفايه شغل ظاهر ومو لازم أننا نفرك يوم من الايام المطبخ ومو لازم نفرك الجدران ومو لازم ننظف المجالس وننفضها لو مرة كل شهرين
وأما باقي البيت لا والله ما أحد يلزمكم فيه ولا تخدمون حمولتكم أنا إذا خدمتهم من باب المجامله بس....أما الاماكن المشتركة مو عيب علينا بعدما نستخدمها نقول أحنا مو خدم عند حمولتنا ؟؟؟؟ على كذا بقضب باب غرفتي علي ولا راح أستخدم المطبخ ولا أستقبل ضيوفي ولا أخواني وهدومي بغسلها بغرفتي ولا راح أشاركم ببيتهم عشان ما أشاركهم تنظيف!!!!!!!!!!!!!!!!!!!!!!!!!!!!!!!
اللي علقوا على أسلوبي كلامكم على العين والراس بس بقولكم شغله
مرة جو لبيتي كل وحدة على حده كان فيه شغلة يبون يسوونها وأنا قلت عنك بأسلوب مازح ومداعبة وأبتسامة صغيرة
وصلوها لأخوي ولأمي وهاتك هواش فيني شككوني بنفسي
قالي أخوهم لا تمزحين معاهم لأنهم بسرعه يزعلون قلنا بلاش مزح
مرة بعد فيه سالفة مو متذكرتها بس قالوا عني أني أعاملهم معاملة ضيوف ولاني معتبرتهم من أهل البيت وجلسوا يعاتبون بالهشي
طبعا وصل الموضوع لأمي وجلست هواش فيني
وألحين قلت بجرب الرساله وهالمرة ببيت أهلي ولأول مرة أتدخل بالبيت وهذا من باب النصح مو النقد
لأن أي وحده تنقدني عشان مصلحتي برحب فيها وأنا هذا قصدي
ماعجبهم وكان بالامكان يجون بأسلوب يتفاهمون فيه معي مثل ما أسوي بالعاده معهم بس دخلوا علي ينافخون
أثرت أعصابهم أنا أسفة بس من حر مافيني
أنا بشتغل ببيت أهلي ومو عجزانه بس أنا نصحت ما تآمرت ولا تحكمت ولا نقدت
وعلى العموم الله يصلح الحال
الموضوع كان لمجرد النصح طالع من حرة
غرت عليهم وما أبي أحد يتكلم عليهم أسلوبي بنظركم غلط على عيني بس جاتهم أمي بالطيب والكلام الزين والعتاب الخفيف وكلمة أمهم ولا فيه فايدة
أنا عشانهم وخواتي كتبت هالورقه وربي شاهد علي أني مالي نية خبيثة لا أوامر ولا نقد ولا تحكم
لما أتضايق منهم أجي لهم بهداوة وهم دخلوا ينافخون علي
كان اللي ماعجبها كلامي تقول بكل صراحة هذا مو بيتي وتروح مو تنافخ
كنت أبي أجي أوضح لهم موقفي اليوم بعد المغرب لكن أخوي توه جاي من الدوام ودخل علي ببدلة الشغل
جلس ينافخ فيني وهو ماسواها من يوم تزوجت ويسب ويشتم
وعلى أيش تظنون ؟؟؟؟؟....... على سالفة قديمة صار لها أكثر من شهر ونص
وهي أن زوجته كانت متضايقة وتفضفض لي وأنا أسولف لها وأهديها لكن هي خذت كلامي اللي مر عليه أكثر من شهر واليوم بالذات تقوله لأخوي
وش هالحركه تبي تحرض أخوي
بس بعد هالتصرف عرفت أنها بايعتها بايعتها وكنها ماصدقت تجي سالفة وتقوم الدنيا عليها
وأنا عادي لا قومت الدنيا ولا دخلت لا أبوي ولا أخواني ولا زوجي حتى وحده من خواتي اللي بالبيت ماتدري عن شي
لأني معتبرة الموضوع سوء تفاهم وبيعدي
بس خلاص شغالة أمي بتجي قريب والله لا يحد أمي لا على خواتي ولا على حريم أخواني
على العموم الموضوع بالنسبة لي منتهي وكل تحياتي لكل من نصحني ووجهي سواء قسى علي ولا لطف علي
انتم كلكم خوات ولا زعلت أبد من أي وحده وكلامكم باخذه بالحسبان وحده وحده
والله يعطيكم العافية
على سنقة عشرة @aal_snk_aashr
محررة فضية
هذا الموضوع مغلق.
شوفي الغلا..
صعب جدآ من حريم إخوانك يقبلون توجيهك لهم بخصوص النظافه لآنه اتهام لهم بأنهم ماهم نظيفات حتى لو كانوا فعلا تنظيفهم خارجي ومن برا لبرا..يبون يسمعون كلمة شكر وثناء وبعدها نبهيهم بس بطريقة لطيفة آما تكتبين لهم توجيهك بورقة وتعليقها بشبآك المطبخ إسمحيلي ماحبيتها منك آبد..!!
سُبحان الله البيت فلا وخوآتك يدرسون وآمك الله يعطيها الصحه والعافيه حامل وتعبانه وهم ثنتين وش بيلحقون عليه برآيك يعني بيجلسون يفركون ويدعكون طول يومهم حاطات روسهم بالتنظيف..لاتنسين انهم متزوجآت يبون يهتمون بآنفسهم ويبون يجلسون مع ازواجهم ويحسون انهم ستات بيت وفعلا كل الظروف إنتم بحاجة خدامه..
لاتزعلين من ردة فعل حريم آخوانك لكل فعل ردة فعل يعني طبيعي انقهرت لما قرت الورقه
لاحظي انك مااخطيتي لما نبهتنيهم لكن اسلوبك كان خطأ×خطأ
مردهم بيفهمون إنك ماتبين أحد يتكلم عليهم وعلى مستوى نظافة البيت خاصه الزوار لكن يابنت الحلال الي مايعجبك اطلبيه من خواتك تمونين عليهم أكثر حتى مايصير بينك وبين حريم اخوانك حساسيه..
إن شاء الله ماتكونين خطأتي بحق آحد ومن حقك توضحين لهم الموقف عشآن مايشيلون بخواطرهم مهما كآن والله يعينيك اقنعي الوالده تقدم على خدامه وترتاحين من كل هالشيء
صعب جدآ من حريم إخوانك يقبلون توجيهك لهم بخصوص النظافه لآنه اتهام لهم بأنهم ماهم نظيفات حتى لو كانوا فعلا تنظيفهم خارجي ومن برا لبرا..يبون يسمعون كلمة شكر وثناء وبعدها نبهيهم بس بطريقة لطيفة آما تكتبين لهم توجيهك بورقة وتعليقها بشبآك المطبخ إسمحيلي ماحبيتها منك آبد..!!
سُبحان الله البيت فلا وخوآتك يدرسون وآمك الله يعطيها الصحه والعافيه حامل وتعبانه وهم ثنتين وش بيلحقون عليه برآيك يعني بيجلسون يفركون ويدعكون طول يومهم حاطات روسهم بالتنظيف..لاتنسين انهم متزوجآت يبون يهتمون بآنفسهم ويبون يجلسون مع ازواجهم ويحسون انهم ستات بيت وفعلا كل الظروف إنتم بحاجة خدامه..
لاتزعلين من ردة فعل حريم آخوانك لكل فعل ردة فعل يعني طبيعي انقهرت لما قرت الورقه
لاحظي انك مااخطيتي لما نبهتنيهم لكن اسلوبك كان خطأ×خطأ
مردهم بيفهمون إنك ماتبين أحد يتكلم عليهم وعلى مستوى نظافة البيت خاصه الزوار لكن يابنت الحلال الي مايعجبك اطلبيه من خواتك تمونين عليهم أكثر حتى مايصير بينك وبين حريم اخوانك حساسيه..
إن شاء الله ماتكونين خطأتي بحق آحد ومن حقك توضحين لهم الموقف عشآن مايشيلون بخواطرهم مهما كآن والله يعينيك اقنعي الوالده تقدم على خدامه وترتاحين من كل هالشيء
شوفي ياختي تبين الصراحه هم مو ملزومين ينظفون بيت اهلك التنظيف لملحقهم
بس الي يستخدمونه
البيت على خواتك
شوفي اول زوجه اخوي عندنا لها ملحق لحالها مانطلب منها تنظف بيتنا لاننا حنا الي نوسخه وحنا الي مسئولين عنه
هم ماتزوجو عشان يكرفون للعائله هم مسئولين فقط عن ازواجهم وعيالهم وغرفهم فقط
المفروض الدور الارضي خواتك المساولات عنه كله لاتقولين صغيرات حنا من يومنا برابع ابتدائي وحنا ننظف
وشوفي الشغل لاصار على ناس كثار ماراح يتقن كل واحد يقول الي بعدي ينظفه افضل مني يعني كلن يعتمد على الثاني
فعشان كذا انصحكم تجيبون خادمه قولي لاخوانك جيبو شغاله وريحو روسكم
اتمنى ماتزعلين
بس الي يستخدمونه
البيت على خواتك
شوفي اول زوجه اخوي عندنا لها ملحق لحالها مانطلب منها تنظف بيتنا لاننا حنا الي نوسخه وحنا الي مسئولين عنه
هم ماتزوجو عشان يكرفون للعائله هم مسئولين فقط عن ازواجهم وعيالهم وغرفهم فقط
المفروض الدور الارضي خواتك المساولات عنه كله لاتقولين صغيرات حنا من يومنا برابع ابتدائي وحنا ننظف
وشوفي الشغل لاصار على ناس كثار ماراح يتقن كل واحد يقول الي بعدي ينظفه افضل مني يعني كلن يعتمد على الثاني
فعشان كذا انصحكم تجيبون خادمه قولي لاخوانك جيبو شغاله وريحو روسكم
اتمنى ماتزعلين
آذكــآر
•
الله يصلح الحــال ...ويسر اموركم ..
ردد معي
سبحان الله والحمدلله ولاإله إلا الله والله اكبر
سبحان الله وبحمده سبحان الله العظيم عدد كل شئ
لاحول ولاقوه إلا بالله
استغفرك يارب واتوب إليه...
ردد معي
سبحان الله والحمدلله ولاإله إلا الله والله اكبر
سبحان الله وبحمده سبحان الله العظيم عدد كل شئ
لاحول ولاقوه إلا بالله
استغفرك يارب واتوب إليه...
خواتي فروحة...... والنظرة الخجوله ...... وحربية ودق التحية كلامكم على عيني وراسي وأن شاءالله باخذه بالحسبان
أخواني ماندخلهم أبد بشغل البيت أخوي الكبير عصبي مرة ومانبي مشاكل معى زوجته والثاني ساحب نفسه من أمور الحريم وهذا اللي نبيه
أمي قد كلمت الجميع مباشرة ومافاد قلت أكتب بورقه وأن شاءالله تفيد وخاب ظني
وأنا ما أبي حريم أخواني يصيرون شغالات عند أهلي لاوالله ما أرضاها لنفس أجل كيف أرضاها لغيري
في بالبيت أماكن يشتركون حريم أخواني مع أهلي فيها بالبيت وهي غرف الضيافة مثل المجالس وملحقاتها وغرفة المعيشه والاحواش والمطبخ
أما باقي البيت أمي رافضه أنهم يشتغلون فيه لأنها تخص أهلي دون الحريم
فاللي أقصدة أنهم مقصرات بالاشياء المشتركة سواء خواتي ولا حريم أخواني
أخواني ماندخلهم أبد بشغل البيت أخوي الكبير عصبي مرة ومانبي مشاكل معى زوجته والثاني ساحب نفسه من أمور الحريم وهذا اللي نبيه
أمي قد كلمت الجميع مباشرة ومافاد قلت أكتب بورقه وأن شاءالله تفيد وخاب ظني
وأنا ما أبي حريم أخواني يصيرون شغالات عند أهلي لاوالله ما أرضاها لنفس أجل كيف أرضاها لغيري
في بالبيت أماكن يشتركون حريم أخواني مع أهلي فيها بالبيت وهي غرف الضيافة مثل المجالس وملحقاتها وغرفة المعيشه والاحواش والمطبخ
أما باقي البيت أمي رافضه أنهم يشتغلون فيه لأنها تخص أهلي دون الحريم
فاللي أقصدة أنهم مقصرات بالاشياء المشتركة سواء خواتي ولا حريم أخواني
الصفحة الأخيرة
بالنسبه للوضع هذا اغلب اوضاع البيوت اللي ساكنينها حريم العيال ..يعني اكثر من وحده ..
بالنسبه لتصرفك انتي احسه عااااادي ..خاصه انه ماوجهتي لهم الكلام بشكل مباشر ..
لكن اسمحي لي ولا تزعلين مني .شكل حريم اخوانك فيهم شر وطلعوه ..وخاصه انه الثنتين جوك ,,
بس شوفي الحريم لازم فوق راسهم احد ويفضل الريجيل ..يعني لو انك مسكتي اخوك وقلتي له عن الوضع من الى طبعا بدون زوجته ماتدري ..وهو يقسم الشغل بينهن ويتابع..
وانتي الحين خلاااااص كتبتي الورقه وانتهينا ...وش تبغين تسوين تبغين تروحين تعتذرين !!
مالها داعي وانتي ماظلمتي احد وقصد من هذا نظافة البيت ..والمفروض تجي منهن هو بعد بيتهن والحريم والناس بيشرهون عليهن لان امك حرمه كبيره ..
بس انتي بعد هذا مالك الا التطنيش ..علشان ماتكبر السالفه وتتعبون كلكم ..