!..ميرندا..! :

وش تبين أكثر من كذا .. شغلة إنهم بينفضون لك البيت هذي إنسيها لأن الواحد عساه يسويها في بيته اللي ملكه موب بيت مشترك ينظف هو من جهه وغيره يحوس من جهه .. وكثر الله خيرهم اللي ينظفون بعد .. راحمين الشغاله ولا رحمتوا زوجات اخوانك !! معليش اخوانك مالهم 4 سنين من تزوجوا يعني ماهنا من أطفال .. وعيالك إذا جوا يصيروا مؤدبين وإلا بس عيالهم الحواسين !! هذا بالإضافه إلى إنهم عيال اخوانك موب عيال ناس غرب يعني لازم تستحملونهم موب ضيوف عليكم .. والله ما أقدر أقول لزوجة اخوي تعالي ظفي حوسة اخوانك أنا أظفها لأن أنا وهي واحد .. قووووووووووويه .. وما ألومهم في ردة فعلهم عليك .. لأن لكل فعل ردة فعل .. صادقه هذا مو بيتك من اعرستي خلاص صار هذاك بيتك وبيت اهلك للي ساكنين فيه الحق ماينزعل منه .. تجين وتروحين ضيفه.. الكلام هذا توجهينه لخواتك موب لهن .. وش انتي عشان تتأمرين عليهن .. تخيلي إنك بموقفهن وتجي وحده منهن تقول نظفي على سنع ياللي فيك مالافيك .. ماتحسين إنك كأنك خدامه عندها .. ياشيخه فيك تناقض عجيب تقولين يشتغلون ومايشتغلون .. ترى موب مشكلتهم إن تنظيفهم مايعجبك .. يعني عشانك تسوينه لازم هم يسوونه .. لا تقيسينهم بنفسك لكل شخص كيان .. أنتي لك بيت مستقل الوقت اللي تشتهين فيه تضفين تضفين لبسك على كيف كيفك موب محصور بلبس معين حريتهم مقيده ..أشياء كثيره هم محرومين منها .. ووقتهم موب كله على كيفهم مثلك .. غير كذا والله اللي يشتغل في بيته موب مثل اللي يشتغل في بيت موب له يعني ياما حبا وياما برك <<مثل عندنا مدري تعرفينه أو لا ياتعاملينه كأنهم ضيوف ياتهينينهم .. أختي لا تبررين لنفسك وتعطين مبررات لتصرفك لازم تحكمين عقلك هل هالشي صح أو غلط ؟؟ يمكني بكلامي كنت بصف حريم اخوانك لكن الحق يقال أنتي أخطأتي خطا كبير بحقهن .. يمكن لهن عيوب وكلنا لنا عيوب لكن في هالموضوع لا تدخلين سوالف ثانيه على السالفه الأصليه وتقولين هن يسوون وهن يفعلن .. أنتي طلبتي ردنا على الموقف لا تخلطين المواقف في بعض لأن بعض ردودك تقولين هن يسوون وهن كذا .. قد يكون في مواقف هن يغلطن عليك لكن هنا الشهادة لله ماغلطن في شي .. اللي مايعجبكم من شغلهم خلي خواتك يكملونه

وش تبين أكثر من كذا .. شغلة إنهم بينفضون لك البيت هذي إنسيها لأن الواحد عساه يسويها في بيته اللي...