السلام عليكم
خوات عزيزات غاليات
حبيت اقولكم وشصار لبنتي اليوم مع الباص المدرسي الله يحفظ بنياتنا :(
شي يتكرر حوادث الباصات المدرسيه هذه مشكله من يوصل بناتنا غيرهالباصات الله يعيننا
لكن نتوكل على الله ونستودعهن الله والله يحفظهن لنا من كل مكروه
والأم مسكينه تودع عيالها وتحتري جيتهم والله أعلم وشبيصير
كالعادة احتري وصولهن رن الجرس غريبه نسيت المفتاح ويوم فتحت ؟؟؟؟؟:mad:
والبنت معها أختها كل وحده في باص مستقل وبنيتي في الإبتدائي وجهها أصفر وتنتفظ !!!!!! :06:
بسم الله عليك وشصاير ؟؟؟؟
يوم نزلت من الباص وصكت الباب بالعادة سواق الباص رجال محترم يصبر لين تفتح الباب وتدخل
لكن وصل الباص الثاني قام مشى عن طريقه وبنيتي قريبه من الباص توها نازله إلا وحديده في الباص تمسك
تمسك عباية بنيتي ويمشي ويسحبها معه والبنت تمسك العباية وتركض مع الباص والعبايه انشقت وابنيتي تروعت بسم الله عليها :06:
والحمد لله وبفضل الله وعنايته وصل باص اختها ولاحظ البنت وضرب بوري للباص وانتبه ووقف وقف و وقفت البنت
لللللحظات عصيبة ياجعلكن وبنياتكن ما تمرن فيها
حمدت الله شكرته انه سلم ونجا بنيتي وسجدت وصليت شكر للرحمن اللطيف بعباده يستاهل الحمد والشكر
الله يعيننا من تطلع البنت والأم على أعصابها لين ترجع من كثر ما نسمع والله يستر
ونصيحه يأخوات الي بناتها تروح مع باص تكون على اتصال دائم مع محرم الباص وتكرمهم وتحترمهم واذا
كان يستحقون الصدقه تتصدق عليهم او تهديهم اشياء بسيطه بس تفرحهم عامليهم معاملة طيبه هذا بينعكس على
بنتك لأنها بين ايديهم وبكذا تتطمنين انها بأيدي أمينه ما تخافين عليها وتوكلين على الله
والحمد لله على كل حال والله يحمي ويحفظ بنياتناوعيالنا وكل مسلمه ويستر عليهم بالدنيا والأخرة
موج.1 @mog1
محررة
يلزم عليك تسجيل الدخول أولًا لكتابة تعليق.
GOANA
•
الحمد لله على سلامتها ياقلبي لا تنسين تقرين عليها المعوذات كل يوم
الصفحة الأخيرة