شوفوا ايش اللي صار معاي وادعولي

السلام عليكم ورحمة الله وبركاته
انا عضوة قديمة هنا بس انقطعت عن المنتدى لظروفي الخاصة
واتمنى كلكم تكونو بصحة وعافيه وربي يرزقنا الذرية الصالحة
انا بقول لكم ايش صار معاي
بس عشان تعرفون ان النفسيه اهم شيء
بس ابي منكم تدعون لي
والله مارجعت عضويتي الا عشان اكتب لكم الموضوع وارفع من معنوياتكم وطمعانه بدعواتكن الحلوة لي بظهر الغيب
انا كنت مقدمة على عملية حقن مجهري
واخذت الابر المنشطة لفترة وباليوم السادس من الابر المنشطة رحت لدكتورة عشان كنت حاسة بتعب يعني ماجاء ببالي اسوي سونار او اي شي
وكنت حاسة بحرارة وتعب وكنت خايفه انه فرط تنشيط
ولما كشفت علي سونار داخلي قالت عندك بويضات بس عندك كيس كبير على المبيض انا انجيت اشلون كيس كيف جاء ومتى
قلت دكتورة تأكدي يمكن بويضة كبيرة
قالت انا مو اختصاصي عقم وماعقم انا بسوي لك صور سونار وانتي اعرضيها عطبيبك المختص
وسوت لي الصور وانا ميته خوف ان الكيس يأثر ع العملية او تنلغي لاسمح الله
وماكنت واثقه بهذي الدكتورة ورحت دكتور ثاني وشاف قال فعلا في كيس
قال مااقدر اعطيك شيء ودكتوري طلب مني استمر ع الابر المنشطة وفي تحليل طلب مني اسويه عشان يشوف مستوى الاباضة واذا كان مرتفع التحليل تتأجل العملية بس انا ماسويت التحليل قلت اسويه الزيارة الجايه بعد: 3ايام
وكانت نفسيتي من اول مابديت بالابر زي الزفت وطول الًوقت ابكي مع اني مصليه استخارة وانا مختارة هذا الشهر بالذات وحالتي حاله وذبحني التفكير وبكيت طلعت كل اللي بخاطري وتوكلت على الله وقلت اللي فيه خير يجيبه ربنا وريحت نفسي من التفكير تماما وكنت جالسة عند التلفزيون وعطست وحسيت نزل مني مويه بس م اخذت ببالي ورحت بعدها بيومين لدكتور ثاني وقلت له دكتور شوف ايش وضع الكيس كبر؟؟ قال ماني شايف كيس
قلت دكتور تأكد انا رايحة دكتورين وكلهم قالو في كيس ومعي الصور قال يمكن انفجر الحمدلله وفعلت الكيس راح
وعرفت انه جاء بالنفسيه وراح بالنفسيه وحتى الدكتور قال النفسيه لها عامل موهم
والحمدلله ربي تمم لي عمليتي على خير
وانا الحين بفترة الانتظار
ادعولي الله يثبت لي اجنتي واطلع حامل
ادعولي بالثلث الاخير من الليل
نفسي افرح وافرح زوجي ً
الله يرزقني ويرزقكم بالذرية الصالحة يارب