شوفوا ايش سوت دخلت غرفة نومها وخذت .... ..

السلام عليكم
الموضوع ومافيه البارح دقت علي اختي منهاره وتبكي وتقولي عن وحده الرجال اصحاب والحريم مع بعض ويتزاورون ويطلعون ويسهرون مع بعض اللي صار انو البارح كان عندها حريم وعزمت هذي الحرمه طبعا زوج اختي مو موجود في البيت طالع من بدري
جت الحرمه ودخلت عليها قالت تكفين ابغى غرفتك ماكملت لبس ومكياج واختي مسييييييييييكنه عالنيه ودخلتها غرفتهاواثقه فيها وانا هزئتها قلتها مفروض مااحد يدخل غرفتك ابدا ابدا ابد مهما كانت الثقه بينكم غرفة النوم خط احمر بس امي وخواتي قالت ايش تبغين اسوي هي ادخلني غرفتها قلت حتى انتي لاتدخلين غرفة احد
الزبده مالكم بالطويله تقول غرفتي مقفله بس فتحتها للحرمه ودخلت ولبست وبعد ماطلعت قفلتها ولما جلسنا قامت تتكلم عن الخيانه والرجال اللي يخون زوجته والحرمه لاتثق بالرجال وتجيب سواليف عن رجال يحبون حريمهم وخانوهم
لان اختي زوجها ماخذها عن حب ويحبها ويموووت فيها
اعو ذ بالله من شر النفوس الحاقده
طلعوا الحريم قالت هذي الحرمه ابغى اغراضي من الغرفه دخلت اختي لقت الدولاب مفتوح وفنيلة زوجها الداخليه مطلعه من الدرج وعليها طبعات روج على رقبة الفنيله
عاد الله كاشفها تقول اختي زوجي ماعنده الا فنيلتين وحده لابسها والثانييه توي كاويتها وصفطتها قبل لاتدخل الغرفه
لما شافتها اختي قالت ايش هذا قالت هدي هدي واختي تقول قاعده تخزني بعيونها تبغى تشوف ردة فعلي
قالت انا اصلا واثقه في زوجي
بس تقول انصدمت ماتوقعتها بهالخبث
يابنات انا من اول اقول لاختي ابتعدي عنها لان كلامها وحركاته ابعد من ماتتوقعونه لايردها لادين ولا سلوم ولا تستحي
بس تقول ايش اسوي الرجال زملاء ويوميا يطلعون وزوجها يحرررررررج زوجي بالغصب تجيب زوجتك ولا انا احط زوجتي عندكم
يوم قالت لزوجها قالها انا من اول مابغاك تتعرفين عليها لكن مستحي من زوجها الرجال كلهم باستراحه وحده
المشكله كلمت اختي وحده ثانيه معاهم في الشله قالت والله ان سواليفها كثيره وقد شفت منها اكثر من كذا بس لازم نوقفها عند حدها ونقطعها
زوجها مسكين وطيب بس هي الله المستعان
اختي محتاره تقول ايش اسوي معها
قلت لها اقطعيها نهائيا وزوجها يقول خلينا نتدرج شوي شوي لين خلاص نقطعهم لان الرجال بيحرجني ويسالني بيحلفني باهلي ايش فيكم السواليف هذي صعبه ماتنقال
الله يكفينا واياكم من فيهم شر وحقد وحسد