شوفوا بعد موته وش صار فيها ؟؟؟؟؟؟ وادعولها

مساء الخير ياحوائيات
قريت هالموضوع في منتدى ثاني وقطعت قلبي صاحبه الموضوع حسيت باحساسهم لاني فاقده امي وابوي الله يرحمهم ويرحم اموات المسلمين :44::44: والله يفرج همها يارب ويخلي لهم امهم ويرحم ابوهم ونسخته هنا عشان ندعي لهم بهالشهر الكريم ونكسب الاجر ان شاءالله ...







السلام عليكم ورحمة الله وبركاته
الشهر مبارك عليم جميعا
بصراحه انا كنت اتابع الفراشه من فتره طويله بس ماكنت منتسبه وهالقسم ادخله اكثر من غيره واشوف تعاونكم وحبكم لبعض ماشاءالله كنكم خوات وهذا اللي حمسني اني اسجل عشان افضفض لكم شي مما بقلبي ..........((الله يفرج همي وهم جميع المسلمات ياررررررررررررب))
وحبيت تكون اول مشاركه لي في هالقسم ... بس اعذرني ترا كلامي مو مرتب بس والله من القهر اللي فيني
انا بنت عمري 27 سنه وخواني ثلاث بنات وولدين وكلهم اصغر مني كنا عايشين مرتاحين وابوي مايقصر علينا بشي ابدا عسى الله مايحرمه اجر فرحتنا بشي منه
المهم ابوي توفى الله يرحمه قبل سنتين ومن مات ماشفنا يوم راحه بسبة عمي الله ياخذ حقنا منه
امي طيبه لابعد الحدود ولاتحب المشاكل وعمي تولى حلالنا كله ولاعطانا ورثنا ولاندري كم عند ابوي ويالله يعطينا بالشهر 2000 ريال مصروف لنا كلنا واحيانا 2500بالله وس تسوي الالفين بهالوقت ؟؟؟ خصوصنا اننا عايله من 7 اشخاص مع ان ابوي قبل يموت كان راتبه 12400 وانا مااعرف كم يخصمون اذا كان الشخص ميت؟؟
وكل ماجيت بتفاهم معه على المصروف او اطالبه بورثنا حلفت على امي مااتكلم وتقول ربي بيبارك في فلوسنا بس لاتخسرون عمانك ابيهم يكونون سند لعيالي لاكبرو ((اخوي الكبير عمره 13 سنه)) وسند لكم يمكن مااعيش لكم دوم ((امي عندها فشل كلوي وتسوي غسيل مرتين بالاسبوع ))
والله يابنات ملييييييييييييييييييييييييييييييت من وضعنا لي فتره ماشريت لبس عشان مااقصر على اخواني لانهم يدرسون وابيهم يفرحون زي اللي بسنهم حياتي كلها في المطبخ وحالتي حاله حتى اللي بيفكر يخطبني وبيشوف شكلي بيغير رايه مااقدر اللبس الل ابيه ولا اشتري مكياج زي البنات ولاش من اللي تتمناه اي بنت بسني
والله اني انقهر واجلس اصيح كل ليله من الفقر وفلوسي ابوي وش كثرها ليه عمي يحرمنا منه ؟؟؟ ويحلها لنفسه وعياله
اختي اللي عمرها 16 سنه كل ماجونا بنات عمي تجلس تبكي لان لبسها مايواجه ويفشلها وهم وقحات لاشافوها قالو يوه تنورتك هذي وبلوزتك شفناها في الهرم يوم رحنا نقضي لشغالتنا قبل تسافر؟؟؟؟ تخيلو وخذت اختي فكره انهم يشبهونا الشغاله لانه فعلا لبس اختي من الهرم مع انه حلو ومرتب بس كرهوها فيه.........
واللي قهرني يابنات وشايله همه ان امي مابقى احد ماتسلفت منه لين وصلت الديون عليها 5400 وهم عارفين ان ابوي مخلي لنا سارتين وبيت في الخرج وكم ارض وحقوقه من الشغل وكللللللللل هذي ماندري وين وداها عمي لاننا من غبائنا ومن تسلطه وفرض شخصيته عطيناه توكيل عام واخرتها جلس يتمنن علينا بالريال
والله يابنات ان همي هم مايعلمه الا ربي من كل الجهات مجتمعه المشاكل
واخااااااااااااااااااااف امي يصير لها شي لانها مريضه والله مامصبرنا على لدنيا وهمها وظلم عمي الوجود امي والله يابنات احيان ابكي كل مااتخيل اني بفقد امي

ياررررررررررررررررب تخليها لنا ولانذوق حزنها
وتفرح قلبها بزواجي وزواجي خواتي وتخف عنها المسؤليه
يارررررررررررررررب مالنا غيرها احد غيرك وانت ادرى بوضعنا
يارررررررررررررررب قاسينا كثير وصبرنا وحمدنا وشكرنا فلا تحرمنا امي
يارررررررررررررررب جعل يومي قبل يومها لو بساعه ياااااااااااااارب


تكفوووووون يابنات ادعولي بهالليالي الفضيله ان ربي يخلي لنا امي ويعينها على تسديد دينها ويرزقنا من واسع فضله ولا يحوجنا لا لعمي ولا لغير
حسبي الله ونعم اوكيل فيك ياعمي حسيب مقتدر الله ينتقم لنا منك في هالليالي الكريمه مثل ماعيشتنا بفقر وخير ابوي عليك ووهو حي وهو ميت ياجعل حلال هالايتام جمره ببطنك يااااارب