طيب انتي جزاك الله خيير تربيتك صحيحة بس لييش كذا تبالغي في بعض الاشياء يعني والله شي تافه مايستاهل تنصدمي عشان ماقالتلك بلغت الا في حالة ماتعرف الاحكام الفقهية وعرفيها وفهميها مرة وحدة وانتهينا وانا لما كنت قدها ماقلت لأمي حتى البنت حرة وغلط تجي تغصبيها تقولك كل شي خصوصا لو شي عادي طيب واذا ماقالتلك يمكن تستحي طيب؟؟ والعدوانية تجاه الاجابة دليل على أنها ماتبي تقولك والبنات يمكن عادي تقولهم لأنهم بعمرها وتحسه شي طبيعي فأنتي لاتقعدي تسأليها بحاجات محرجة وكل كبيرة وصغير ، لكن كأم أنا اشد على يدك بقوة أن تنصحيها بحاجات تشربها بذاك الوقت بدون ماتتعمقي معها مثلا قوليلها سوي شاي سخون وكذا زين ترا ويفيدك وحاجة ثانية دايم كلميها كيف الاجواء بالمدرسة ومن حقك تعرفي مين تصاحب وتتعرفي على صاحبتها لأن تصرفها هذا دليل على ان فيه بنات يرفضوه وبعدين يحسسوها ان الغطا شي مو حلوو وييع وش تتغطي انتي صغيرة لا قوليلها تحاول تصاحب بنات ثانيين وانتي اذا عندك نظرة ثاقبة حاولي تنصحيها كيف الصاحبات الجيدين يكونو مثلا قوليلها اذا لقيتي البنت تكلمك بأدب وتحترمك وكذا والا تحافظ على صلاتها وتتغطى صاحبيها ومثلا لاتصاحبي البنت اللي بس تتكلم عن نفسها وتتكبر على زميلاتها وكانها تقوول يوووه انتيي تسوي كذا؟!! لا يعني حاولي شجعيها تلقى صاحبات جيدين والامور الخصوصية ما اتشرط عليك بس انا اقولك رأيي ههههههههههه لأني وحتى وكبرت لسه اكلم امي عن الصاحبات وكييف المجتمع :) ولاتحزني والله يوفقك ويهديها للافضل ان شاء الله ّ بودي كتجربة ليي تشتريلها كتّيب اذكار فيه اذكار الصباح والمساء لأني كنت اخر عمرها تقريبا احاول احافظ عالاذكار ولقيتلي صحبة جيدة والله نورني والحمدلله ;)

^ معلييش نسيت اكتب اشتريلها كتب حق علماء اسلوبهم حلو يعني السهل الممتنع زي مايقولو مو الاسلوب حق العلماء لان بسنها مابتفهم هالاشياء وحاولي تحمليلها محاضرات والا انصحيها تسمع محاضرات جمييلة كذا وجربي اسألي البنات وبيفيدوك ان شاء الله انا احب اسلوب الدكتور سلمان العودة اكثر شي وحتى تكلم كم مرة على البنات بهاذي المرحلة وعلى الحجاب والاشياء ووريها ان الستر شي حلوو وعطيها اياه من جهة اجابية قوليلها انتي حرة على فكرة والرجال الاجانب مايستاهلو يشوفو جمالك الا اذا تزوجتي فارس احلامك هو الوحيد اللي يشوف جمالك ههههههههههه الله يوفقك :)

القصه تدل على أنك جدااااا بعيده عن بنتك
معليش الشي ألي مو قادره أستوعبه نهااائي معقوله الآم ما تحس ولا تدري
إذا بنتها بلغت ولا لا ؟؟؟!!!!!! أبفهم بس !!!!
يعني مالاحظتي التعب و الأرهاق على بنتك لا قربت تجيها الدوره ؟!
ماعمرك دخلتي حمامها ولا لاحظتي شي نهائي ؟!
الفوط الصحيه من مين تطلبها و لو أخذت من عندك ما تلاحظين أنها ناقصه !!
مو معقول يختي أنا عندي بنت بعمر بنتك و بلغت الحمد لله بس يكون واضح عليها
إذا بتجيها الدوره ! و موضوع الغطاء يختي لا تشدين عليها لا تخلينها تكره هالسالفه
راعي نفسيتها أنها بمرحلة مراهقه لازم تنصحينها بهدوء و تتفقين معها على وقت
معين تتغطى فيه لا تفرضين هالشي بالقوه عليها لازم من المساير و السياسه و اللين
هالجيل غير عن جيلي وجيلك يبغالهم تعامل بحذر و بأسلوب لطيف و عمل
أتفاقيات ترضي الطرفين و تعملين بجهد لإقناعها
راااااجعي نفسك زين بتعاملك مع بنتك و خلك قريبه منها صح !
لإنك لو فعلا قريبه مايمكن بتجي بنتك الدوره و أنتي ماتدرين !
لو أنك قريبه كان ما تشتت ذهنك و شكيتي هل هي صادقه أو كاذبه !
لو أنك قريبه كان ما أضطرت تتصرف مع الأخرين كذا و تتكلم عنك بهالطريقه !
الخلل عندك دوري عليه حبيبتي و عالجيه و أكسبي بنتك بالمرحله الخطيره هذي
وأكرر ما تنفع القوه مع هالجيل أبددددد لازم تتبعين أسلوب اللطافه و الهدوء
و الإقناع و الصراحه و بكذا بتكسبينها ..
أنا مصادقه بنتي صح تمر علينا مواقف نتهاوش فيها و نزعل بس أرجع
و أتنازل و أحتويها و دايم أردد عليها و أقولها صارحيني بأي شي
يصير معك حتى لو هو كبير و أن ماترددتي بمصارحتي ولا تأخرتي
ساااامحتك و أن حصل العكس بتخسريني و فعلا يا ما سوت شغلات
كبيره و صارحتني و ضغطت على أبو أعصابي و مسكت نفسي و سامحتها و وجهتها
حتى ما تفقد مصداقيتي لما و عدتها ! وحتى أحتويها و حتى فعلا أكون أقرب
أنسان لها ..
كنت أبغاها تسوي بعض الأمور و كانت ترفض بأصرار صرت آتركها فتره
لين يهدأ الوضع بعد كذا أرجع و أفتح الموضوع و أقترح نحط أتفاقيات
ترضينا كلنا و وافقت على شروطي و وافقت على شروطها الأهم بالنهايه
أني أوصل لنتيجه ترضيني أولا و تقتنع فيها ثانيا وما تجاملني و تلعب من وراي
هالمرحله جداااااا متعبه يا ما أنحرمت عيني من النوم بسبب التفكير كيف
بحتويها كيف بكسبها و أفكر كثير بالطرق ألي بتعامل فيها معها
و أفكر بزوايا ثانيه كيف بتتقبل كيف بقنعها يعني هالمرحله يحتاج لها
حذر قوي بالتعامل يا أختي الله يكون بعونا ولا يحرمنا الأجر ...

نفس اختي مبهذلتنا مع الحجاب ويوم تلبس نقاب ماتعرف تلبسه تخليه معوق ونجلس نعدل فيها مع انها ماشاءالله طولي هههههههههههه ولا بالسياره فجأه تطفش وتفكه ونهاوشها وترجع تلبسه معوق ياحواجبها طالعه ياجبهتها هي بعد بثاني متوسط الحين بس الحلو فيها صديقاتها شجعوها عالنقاب وصارت تبي من اول متوسط تقول بلبس زي البنات

عاد الله يعيننا عالمراهقات كم سنه وخلاص بيصيرون واعيات ^ ^

وبنتك زي ماقاالوا البنات م اختلف معهم

انا وخواتي امي تتركنا على راحتنا لا تضغط علينا ولا تقولنا شي وكلنا تغطينا من نفسنا بدول طلب او ضغط
واللي كانوا اهلهم يضغطون عليهم ماصدقوا تزوجوا وطلعوا من سلطة امهاتهم عشان يتفرعون وعباياتهم انواع الموديلات والالوان وهم في بيوت اهلهم مايعرفون الا عبي الراس والغطاوي
يازين الشي اللي يجي من قناعه وياشين اللي يجي بالاجبار