بسم الله الرحمن الرحيم
السلام عليكم ورحمة الله وبركاته
بنات حواء ادخل في الموضوع على طول دخلت موضوع لهايدي وهو
كيف ترتبين تسريحتك وادواتك المكياج وعطورات وايش الادوات الي تستخدمينها الكل يقول تجرب
http://forum.hawaaworld.com/showthread.php?t=791646
فقلت اذكر افكاري في موضوع احسن علشان الكل يستفيد والموضوع مفتوح للجميع الي تبي تضيف شيء حياها الله
فكرتي حلوه وان شاء الله تعجبكم اولا سطح تسريحتي ماعليه الا سلال على شكل طوابق حطيت فيها الاشياء الي استخدمها يوميا مثل علبة الفازلين كريم الشمس مرطب للوجه مرطب لليدين مرطب الارجل امشاط كحل وروجين ومسكارا ومحدد وعطري المفضل وكم شباصة وادوات تنضيف الميك اب طبعا ماتركت على التسريحية شي فرشت مفرش عليها وحاطة تحفة وكل شي يقع عليها اشيله على طول ماحب كركبة التسريحة ابدا أما ادراج التسريحة واحد للكريمات والثاني للشبصات الكبار حاطتها في علبة بلاستك والثالث للزيوت حقت الشعر طبعا في علبة على قد الدرج علشان الزيوت تعرفون وسخها في الادراج ودرج للخواتم جمعتها في علبة وعلب الاكسسوارات الي جايه اطقم يعني حلق وسلسله وخاتم وسوارة اما السلاسل الطويله لزقت في دولاب الملابس تعليقات وعلقت القلايد فيها اما السوارات والحلق حطيتها في ادراج بلاستيك صغيرة تجدونها عند محلات البلاستك ودرج للاستشوارات ودرج حطيت في علبة للقرابع الي ماتنتهي مفاتيح بطاريات ازارير مقطعة هلل واشياء كثيرة بقينا في العطور حطيتها في صندوق كبير جانا هدية من العربية للعود طبعا شلت الكرتون الي داخله ملبس مخمل ورصيت العطور عمودية يعني مو نايمة وسكرته وكذا تكون العطور بعيدة عن الغبار طبعا حطيته جوا دولاب الملابس اما ادوات الميك اب فسويت حركة ريحتني كثيرا وهي جبت سلال مستطيلة الشكل ووضعت فيها الارواج والكحل والمحددات كلا على حده وجبت شنطة دبلماسية كذا نسميها وهي شنطة رجال الاعمال هذيك القاسية ورصيت فيها السلال وعلب الميك اب والفرش والاسفنجات يعني تحطي كل شي يتعلق بالميك اب في هذي الشنطة عالعموم الشنطة شلتها فوق باعلى رف تقولون فيها كنز على بابا تدرون ليش علشان افتك من الكركبة الي تحدث عند كل خرجة تحتاج ميك اب انزل شنطتي واحوس بوجهي اذا فيه وقت رجعت كل شي مكانه واذا لا عفستها وصكرتها وفوق على طول بعيد من الايدي العابثة واذا رجعت بالسلامه ارتبها وكذا ارتحت من غبرة العطور وحوسة ادوات الميك اب طبعا بتقولون كل مره نبي نحط روج لازم ننزل الشنطة اقولكم لا تذكروا كلامي فوق وهو (سلال على شكل طوابق حطيت فيها الاشياء الي استخدمها يوميا مثل علبة الفازلين كريم الشمس مرطب للوجه مرطب لليدين مرطب الارجل امشاط كحل وروجين ومسكارا ومحدد ....... يعني الي تستعمليها يوميا خليها على السلال هذي) بس وسلامتكم واذا عجبكم الموضوع ارفعوه ولو بحرف علشان الكل يستفيد ولا تنسون الي استفادت من افكاري تضغط مشكورة غير مأمورة على كلمة شكرا وجزاكم الله خيرا فلقد استفدت منكم الكثير الكثير :39:.
ماضي الذكريات @mady_althkryat
عضوة فعالة
يلزم عليك تسجيل الدخول أولًا لكتابة تعليق.
أخت عمر
•
وشكرا لك..
الصفحة الأخيرة