شوفوا تصرفات خطيب اختي واحكموا

اولا السلام عليكم ورحمه الله وبركاته
بدخل بالموضوع على طول واتمنى منكم تفاعل بالردود وشوفو خوفي بمحله ولا لا
اختي الله يسلمكم تقدم لها عريس مايقرب لنا ولا نعرفه جانا عن طريق وحده دلته علينا
المهم جا الولد مع اهله وابوي اعجبه الرجال هو عسكري بالحرم واختي مره محتاره فيه بعد استخاره قالت لي اختي كلمي الحرمه بما اني امون عليها واسحب منها كلام عن مكان شغله بالضبط وفعلا كلمتها وعرفت انه على بوابه ووين مكانها ودوامه متى وارسلت لي صوره له
قالت لي اختي ودي اشوفه لو من بعيد (لان ابوي الله يطول بعمره عنده البنت ماتدخل شوفه شرعيه الا اذا كانت موافقه عليه) واختي ماتبي تعطي موافقتها الا وهي متاكده


الزبده وافقتها الراي بشرط ماتحاول تقرب منه ابد اوتتكلم معاه وقلنا لابوي ودنا ناخذ عمره ورحنا الحرم واخذت اختي ورحنا للبوابه وشفنا الرجال من بعيد بقولكم صفاته عشان تحكمون
اول ماشافنا واقفين قدام البوابه ومافيه زحمه ابد جا على طول وهو يتبوسم وجاب كرسيين وقال ارتاحوا ؟؟؟ بصراحه استغربت حركته
قلت لاختي الرجال نشمي تعوذي من الشيطان لايروح فكرك بعيد


بعدين جا مره ثانيه وقاعد يكلمني انا قال تبين اصب لك زمزم لان زمزم كان عليها زحمه رجااال قلت له لا شكرا راح من حاله وصب كاستين لي ولاختي المشكله يابنات قلت يمكن هو خدوم وباين فعلا اذا نزلت من الحرم حرمه كبيره بالسن يبادر يجبلها كرسي بس ماعجبني فيه انه يوزع ابتسامات على الحريم ويدور طلباتهم دواره عكس زملائه اللي معه!!! وعينه مانزلها من علي اختي ياعمري وسوست وانا بعد


بنات تشوفون حركاته طبيعيه ؟؟ولا ماله امان؟؟
مع العلم سالنا عنه ومدحوه وروحتنا للحرم ابد مااحد درى عنها ابد
والله اني محتارين فيه