شوفوا تصرف بنتي وطمنوني الله لايفجعكم في غالي

يابنات ماودي اطول السالفه الموضوع باختصار بستشيركم بموقف صار اليوم وقلبي معورني على بنتي قبل اقول اللى صار ابغى اعطيكم نبذه عن بنتي وحياتنا بشكل مختصر ... بنتي بصف ثاني وعندي ولد بصف ثالث شقتي ايجار صار لي فيها 3 سنوات ومره متطمنه فيها عمري ماخفت من شي .. بنتي طبيعيه ماتعاني من اي مرض نفسي او جسدي ولله الحمد متفوق في دراستها .. اللى صار ذاكرنا وزيينا الدفاتر وتعشت ونامت كانت الساعه 9 وتاكدت انها نامت هي واخوها وانا جلست لحالي بغرفتي ومافي احد بالبيت غيرنا المهم بعد ساعتين بنتي قامت من نومها ومشيت من غرفتها لغرفه تانيه انا مسويتها غرفة غسيل والالعاب الزايده وهدي الغرفه في اخر الشقه وبنتي في الطبيعي تخاف تروح للغرفه هدي لحالها دايما تقول لي ياماما بعيده عن غفتك وغرفتي وانا اخاف اروح لحالي .. اللى صار انها مشيت وهي نايمه وفتحت نور الغرفه ودخلت ووقفت في وسط الغرفه وتبرزت في ملابسها انا اتفاجئت فيها جايه غرفتي وتبغى تبكي وحكتني اللى صار بس كانت تحسب انها بس اتبولت قولت لها تعالي ياماما لاتخافي تعالي نغسل المهم يوم جيت اروشها واغير لها ملابسها اكتشفت انها متبرزه اللله يكرمكم ,.. انصدمت قولت لها ياماما ايش اللى صار قالت .. ياماما انا شفت حلم اني مشيت لغرفة الملابس وتبولت في ملابسي وماحسيت اني صاحيه غير وانا واقفه في الغرفه وملابسي ماهي نظيفه ...... انا مصدومه ماادري مافي في راسي اي فكره وهدا اللى قالقني يعني ايش ممكن يكون بنتيي عمرها ماساوتها انها تقوم من نومها بهدي السهوله بالعكس نومها تقيل ومن يوم منعت عنها الحفاض وعلمت على الحمام الله يكرمكم وهي ماشيه عى هدا النظام من وهي 3 سنوات وفي نفس الوقت هي تخاف وهي صاحيه تروح لغرفة الغسيل لحالها يعني معقوله هدا كله اتغير من دون سبب ...
طمننوني انا خافه عليها هل هدا نفسي ولا جن بسم الله ولا ايش اللى صار لبنتي ويمكن انا مكبره السالفه ... ودي اعرف ارائكم يمكن انا من فجعتي على بنتي كبرت الموضوع
مع العلم انها مبسوطه في مدرستها وتحب صحباتها ومعلمتها وهي ماتفارقني ابدا ولا عمري اخليها تروح مكان لحالها ولا اخليها مع سواق ولا شغاله ماعندي شغاله من الاساس .. فيدوني ايش ممكن يكون ؟؟؟؟