شوفوا تطبيقي لتشيز كيك سعد الدين لام رينا22

السلام عليكم ورحمة الله وبركاته

خواتي كان في عضوة حاطة طريقة تشيز كيك زي حلويات سعد الدين
وانا بحياتي ما سويت تشيز كيك مع اني احبه بس كنت مستصعبة اسويه
وقمت وشديت حيلي وقلت يالله خلني اسويه المهم وسويته ....؟؟!!

وطلع



خياااااااااااااااااااااااااااااااااااااااااااااال
يجنن مع انمي غيرت شوي فيه بس والله روعة وسهل مرررررررررررررة
وطبعا لا اعرف انزل صور ولا روابط بس بقولكم تطبيقي والاشياء اللي غيرتها
طبعا تجيبين مقدار نصف كمية كيك ابيض بيتي كروكر وتزودين عليه كم حبة بسكوت دايجستف 8 او 10
وبعد الخلط تحطينها بصينية التشيز كيك اللي تنفك وبما اني خفت لا تسيح الكيكة من وراه خاصة ان نوعية صينية مرررررة رقيقة حطيتها بصينية دائرية عادية اوكي ؟
بعد ما خلصت ((((( احترقت )))) لاني ما كنت عارفة بالضبط كم مدتها بما انها نصف الكمية ومعها بسكوت وانا الفرن ما اعرف له هذاك الزود ....طلعتها تبرد
وغليت ماء واخذت منه نصف كوب واضفت عليه جلي لايم (( ليمون اخضر )) ماحصلت غيره والا طريقة ام رينا جلي اناناس بس ما حصلت بس اتصور ان الاناناس افضل بكثير من اللايم .. وخليته على جنب
وبعدهاقمت جبت 4 دريم ويب وثلاث ارباع كوب حليب المراعي وخلطتهم لين ثخنت .. واضفت عليهم الجلي المذوب بماء .. وخلطت وبعدين جبت 15 جبنة كيري واضفت واحدة واحدة وخلطت ...
بعدين رجعت للكيكة وشلت المحترق وفتت الكيكة وزودت عليها شوية بسكوت مطحون وفركتها بايدي وجبت الصينية اللي تنفك وحطيتها وضغط بايدي عليها عدددل..
بعدين حطيت عليها الخليط السابق وحطيتها بالفريزر لين تجمد ..
وبعد ما جمدت طلعتها كذا خمس دقايق وفكيتها واضفت عليها صلصة الفراولة وكان ودي احط التوت الازرق طعمه افضل .. وبس
وبالنسبة لبسكوت الدايجستف يجي بكرتون احمر وتلقونه عند البساكيت والحشوة بانواعها تلقونها عند الكريمات ومستحضرات الكيك
صدقوني جربوها مرة حلوة
الله يوفق اللي كانت كاتبة الطريقة من جد روعة بالرغم من التغييرات اللي سويتها
ملاحظة (( انا اضفت مع خليط الكيك البسكوت وبعده فتته وزودت عليه يعني بامكانك انتي تسوين الكيك وبعده لما تفركينه وتفتتينه تزودين عليه البسكوت المطحون والله طلع كانه جاهز )) بس اتصور مع جلي الاناناس افض ل ..
تعبت وتعبتكم معاي
جربوها وعطوني رايكم وما تاخذ منك وقت ....

وادعولي ان الله يفرج همي