السلام عليكم ورحمة الله وبركاته
ابكتب لكن ايش عمل معي جارنا وابغاكم تدعون له بالرحمه
كنت ساكنه بضاحيه صغيره والبيوت مفتوحه وكان عندنا جار عنده 7 بنات
وزوجه ابوي كانت حارمتني ماخرج الا لبيت جارنا
هذا واجلس عندهم مااجي الا ع نومتي
وتعلقت فيهم لو يسافرون اجلس ابكي وكل شوي اخرج اشوف سيارتهم جوا او لا
وابوهم دايم اذا شافني يمسح ع راسي مايقولي غير يابنيتي واذا كلمته يقولي يابوي
والمدرسات كانوا يطلبون منا اغراض من السوق كان يجيبها لي زي بنته واتذكر مره اشترا لي شنطه واغراض وعليها سعرها
وارسلتني زوجه ابوي فلوس قالت وديها له ولما اديتها له قالي انتي بنتي الثامنه ومره فرحت لاني يتيمه ومحرومه وكنت صغيره
واتذكره بمرض ابوي الله يرحمه كان يسال عني ويوديني دايم للبقاله مع بناته
وكان يحبني اكثر من خواتي لان خواتي مسؤلات عنهن خوالهن وانا لا بس مافهمت الا لما كبرت
واول سنه البس العبايه قالت مره ابوي لاتعايدين الصباح اجلسي معي يجون بنات ووزعي عليهن حلويات معي انتي كبرتي وشويه تروح معي لاهلي تعايدي معي وكنت متذمره وطفشانه والعصر خلتني اروح لبيت جارنا وسلمت ع ابوهم وخاصمتني وقالت عيب كبرتي ماتسلمين الحين
وسمحت لي اجيهم كل خميس وبس لانها الاربعاء تروح لاهلها وتاخذني
وشوي شوي تعودت ع بعدهم
ملكت وسوت حفله لجاراتها بالبيت لان زواجي بمدينه وماراح يحضرون
جن خواتي يضحكن مرا قالت امهم اشبكن قالن جارنا لما حطوا الزوالي يرقص بالعصا فرحان وقتها لساء ما جوا الناس والحفله بس حريم
كان اذا جاب لبناته شي لازم يجيب لي حتى حفلات نجاح بناته بكل مراحلهن ينادني اجي ويقولي هذا حفله فلانه ووواسماء بناته ولازم يقول اسمي بعد زواجي سمعت انه مرض وبكيت عليه مرا وكنت ادعي له بالشفا وجاني خبر وفاته زي الصدمه دخل زوجي وانا ابكي مرا ومن بكاءي اطلع صوت واعض البطانيه مابغا اطلع صوت
وحلفت زوجي اروح لديره لعزاهم وهو مستغرب مرا ايش يبكيك ع رجال غريب وصرت حزينه مرا
وفاته كانت برمضان كنت اعمل فطور وارسل صدقه جاريه واحط ماء بالمساجد للناس ووسويت كثير له لانه يستاهل
ربي وفق بناته السبع ماشاءالله تبارك الله كلهن تزوجن وتوظفن ماعدا الصغيره تدرس
جدا بارات بامهن واخلاقهن راقيه جدا محبوبات من الكل دايم احلم فيه وانبسط
بنات اللي خلاني اتذكره بكره زواج اخر بناته
عمل خير في الله يرحمه
يشهد الله علي اني اشتقت له ولكلامه مع ان رجل غريب عني ولامن القبيله
راح ادعي له وماراح انساه من دعائي

لحن الحزن* @lhn_alhzn_2
عضوة نشيطة
يلزم عليك تسجيل الدخول أولًا لكتابة تعليق.

همم نحو المعالي
•
الله يرحمه ويحسن إليه

الله يرحمه ويغفر له
خنقتني العبرة وانا اقرا كلامك
الله يجزيه الجنة ويجمعكم فيها جميع
خنقتني العبرة وانا اقرا كلامك
الله يجزيه الجنة ويجمعكم فيها جميع



الله يرحمه لا تنسينه من الدعاء والصدقه
تم الإرسال بواسطة iPhone بإستخدام منتدى عالم حواء
تم الإرسال بواسطة iPhone بإستخدام منتدى عالم حواء
الصفحة الأخيرة