شوفوا حالت بناتــــــــــــــــــــــــــ ــي

ياحليلهم بناتك زي بنات خالتي خجولاااات
بنتي كذا مره خجوله حتى بالروضه
وماتعرف تدافع عن نفسها حتى ولد عمتها الصغير تخاف منه مع انه اصغر منها بسنتين بس لان مانخالط ناس كثير ابد يمكن علشان كذا

قلة الاختلاط تسبب اشياء واااااااااااايد بس ايش نسوي لو كده هو الوضع انا من راييى تعززين ثقتهم بنسهم ولازم تلعبين معهم وتشاركينهم وتخلينهم زى صديقاتك لانه حتى انتى محتاجه ناس تسولفين معهم وبعدين 11 سنه ماشاء يعنى كبيرة تكلموا عن اى شي وفى كل شي ولاتحاولين تقارنينهم بالناس الاخرين لانه ده الشي يضرهم اكثر وعيالنا كم مرة بيكبرون قدامهم هى مرة واحده بس

ماعندي ناس بس جاره وناتها خبيثات قويات اكلوا بناتي

ماشاء الله تبارك الرحمن الله خليلك هم ويكبروا ويكونوا عرايس قمرات
وكل الناس تشهد بأخلاقهم وتربيتهم عين ربي حافظتهم
شوية شوية مع التقدم في السن والاختلاط مع البنات في المدرسة حيخف الخجل

أهم شيء تعززين أختلاطهم مع بنات بنفس عمرهم وحلو بعد إذا خالطوا فئات عمريه مختلفه من المجتمع المدرسة طبعاً أمر مفروغ منه وشيء أساسي , والأهل والأقارب شيء أساسي لكن بما أنك مثل ماذكرت بعيدة وتزورينهم بعد فترة طويلة لازم تعوضين النقص اللي حاسين فيه بناتك ومسبب لهم شوية خجل .. الخجل طبعاً صفة محمودة وهو ملح البنات لكن إذا زاد عن الحد الطبيعي بيتعب بناتك شوي .. أنت عوضيهم سجليهم العصر بدور تحفيظ مآآآره حلو لأنه يكون فيه فصول للصغار وفصول للكبار وحتى فصول للجدات وطبيعي بناتك بيحتكون معهم خصوصاً إذا حصل فقرات وأنشطة في الدار , في الصيفية سجلي بناتك في نوادي صيفية للفتيات , إذا عندكم جيران زوريهم أنت وبناتك مع بعض يعني قهوة عصر أو مغرب مثلاً ساعتين أنت بتكونين مع الأم وبناتك مع بنات الجيران يلعبون وبكذا إن شاء الله ماراح تحصل مضايقات لبناتك لأنك بتكونين معاهم والبنات بيحسون بالأمان وأنت بعد , حلو بعد تشجعين بناتك على المشاركة في الإذاعة المدرسية لأنها تكسر حاجر الخجل وتكون شخصية قيادية ..
ولآ تنسين ((أنت وأبوهم)) أهم ناس موجودين بحياتهم سولفوا معاهم دردشوا وشجعوهم على الحوار والنقاش العفوي معكم
في جلسة أسرية وديه ..

الله يحفظ بناتك ويرزقك برهم ونفعهم يآآآآآآآآآآآآ رب ..