تعبت أكابر @taabt_akabr_1

عضوة نشيطة

شوفوا حالي كيف كان وكيف صار ، للأسوء .. ساعدووني الله يفرج همومنا

السلام عليكم ورحمة الله وبركاته

كيف حالكم يا حوائيات إن شاء الله تمام ؟

بقولكم سالفتي .. اممم انا بنت بالثانوي مثل اي بنت تتمنى كل شيء يتوفر لها

ما اطالب اهلي بأي شي لو احلف لكم اني اقل انسانه بالدنيا تطلب ..

عكس بنات هالأيام من طلع البلاك بيري وهم كل شيء يبونه

المهم احنا ناس ع قد حالنا .. امي تحاول بقدر الامكان توفر لنا اللي نبيه وولاتبخل علينا ابد

والله ودي مثل كل قريباتي يكون عندي كل شيء ونسافر ونطلع ، لكن الحمدلله ع كل حال

المهم قبل كنت راضيه والحمدلله يعني عندي قناعه باللي انا فيه

لكن زادت الحاله والله اني من شهرين ابي شيء وولا جاني وشكله موب جايني والحمدلله : )

صرت اشوف البنات في البلاك بيري انواع الشراء و السفرات قسم بالله وكل ملابسهم جديد في جديد

ويقولون انهم مايشترون الا بـ +500 وبالألوف ع اشياء سخيفه .. صرت انغبن ( جعلكم ماتصيرون مكاني )

وربي اقول قبل شوي يارب تعجل لي بالزوج كود ينفرج همي .. وفوق كل هذا لما اطلب شي من اخواني

يذلوني فيه ثم يسوونه .. يعني عرفتوا اجتمعت من كل الجهات .. وغير هذا انا خلقه نفسيا تعبانه وقاعده اعالج

والله اني فهم مايعلم به الا ربي ، ابي ارجع مثل اول ماتهمني الفلوس .. الحين دايم اقول لأمي بس ابي 10 الاف احقق بها الاشياء اللي ابيها

هذا جزء من معاناتي مابي اقول لكم كل شيء ، لكن حابه تعطونني حل ..

ابي يكون همي الآخره وبس ، غير انني رجعت للأغاني بعد وصرت ما اذكر ربي كثير

ابي اتغيرّ كود ربي يبعد عني هم الدنيا ويجعل همي الآخره يارب

لا اله الا انت سبحانك اني كنت من الظالمين

:44:

يلزم عليك تسجيل الدخول أولًا لكتابة تعليق.

تسجيل دخول

مدام نفيخـه • 13 سنة

الله يصلح حالك ويفرج همك ويرزقك الزوج الصالح ..

حبيبه هاشم • 13 سنة

الله يفرجها يارب

حياتي عدن • 13 سنة

الله يصلح حالك ويفرج همك ويرزقك الزوج الصالح ..

*هذاك اول * • 13 سنة

حبيبتي الله يفرج همك

(وردة الزهور) • 13 سنة

وعليكم السلام ورحمة الله وبركاته
اولاانصحك ان تنظري لمن هو اقل منك حلا
وتحمدي الله على النعم التي ترفلين بها
((وان تعدوانعمة الله لاتحصوها))
وانتي ماشاءالله بالثانوي ولسى صغيره
والدنياقدامك,ان شاءالله بكرى تتوظفين وتتزوجين وتتحققين كل اللي ببالك _ووقتهالاتنسين الوالده وردي لهاالجميل وبري بها
بس عليك بالصبروالدعاءوالاستغفار
والله يشفيك ويرزقك ماتتمنين