soosoo2009 @soosoo2009

محررة ذهبية

شوفوا حريم الاخوان كيف يلدغوا السم(استوفى حقه من الردود )

اااااااااه عانيت وكم عانيت من الحسد والحسودين
بنات انا محتاجة رايكم ودعاؤكم لاني نفسيتي مرررررة تعبانة

انا محسودة مررررة من حريم اخواني حاسدني لاني الوحيدة الي اكملت دراستي وعندي شهادات عليا وتزوجت شخص مرتاح ماديا وكانوا يقولولي من وين طاح عليكي لان تعامله جدا راقي وكان يدلعني مررررة وشخص محترم وله مكانته ومركزه اجتماعيا وكان يقولولي محظوظة لاني الحمدلله جميلة ومتعلمة وكنت موظفة براتب ممتاز وانا وزوجي نعتبر عيلة مثالية وحريم اخواني كل يوم مشاكل عشان موضوع الفلوس لان وضع اخواني مو كويس ماديا ومافي احترام

زوجة الصغير وحدة جاهله للاسف ما اكملت دراستها ومعتقدة بالاسحار والشياطين وكل كلامها فلانة عملت سحر وفانه انسحرت وكل ما شافت وحدة مبسوطة قالت عامله سحر ولسانها في الوجه حلو زي العسل وكنا نحسبها طيبة ومسكينة اول ما تزوجها اخوي كان يهزئها ويسبها قدامنا ويحتقرها ومرة تخاصمت معاها ودخل اخوي قامت تصرخ قلها ما ادخل في مواضيع الحريم قامت قالتله كلمة ضربها كف حقدت عليا بس حقدها بقي في قلبها وكانت موضحتلي بعد ما صالحتها اننا اخوات وانه نسيت كل شي دحين لها 13 سنة متزوجة اخوي والموقف هذا صار قبل 10 سنين ومؤخرا بعد ما خلفت وجابت بناتها صارت تصرخ في اخوي قدامنا وهو ساكت !!! واحنا مو مصدقين عيوننا واذاننا وترميله الحفاظةوتقله نظف البنت وغسلها واخوي يقوم ويغسلها ويغير الحفاظة !! :44: واحنا ما نتدخل ابداااااااااا
المشكلة انه من حسدهم بيتي صار ناااااااااار وانا فقدت وظيفتي وزوجي تغير وفلوسه واحد نصب عليه ودحين صرنا عايشين على الديون ماعندنا حق الايجار والدنيا مقفلة في وجهنا ووضعنا انقلب 180 درجة لكني ما اقول لاحد ولا احد داري عني اي شي عشان كذا حسدهم مستمر

ابدا معاكم بزوجة اخوي الصغير المهم قبل 3 سنين زوجي بدا يتغير معايا ويعاملني بدون احترام ولاحظت تجيه رنات كثيرة ورا بعض وطلبت منه مرة يدق قدامي على نفس الرقم وبعد مشكلة كبيرة قلي انا بصارحك هذي مرة اخوكي دقت وقالتلي انه انتي وامك رحتوا لساحر عشان تسحروني لما سافرت في رحلة العمل الاخيرة وقالتلي انا راح اجيبلك الدليل وصارت تدق كل كرة تسولف وتقفل وتقله خلينا متواصلين وانا اجيبلك الدليل وخليته يدق قدامي وسمعتها باذتي تقله انتبه منها واسحب كل صورك من البيت ولما تروح عند امها لا تشرب قهوة !!!! يحطولك شي بالقهوة وانصدمت وحسيت بانهيار لانه نفس الفترة الي كانت تدق على زوجي كانت يوميا تكلمني ساعتين وثلاثة وتقلي لازم نقرب من بعض اكثر انا ارتاحلك كثير وهي تبغى تسحب مني كيف الاوضاع وهل زوجي فاتحي او ليش صار بالضبط !!!! شي فظيييييييييييييييع خصوصا انه اخوي قبل فترة باع كل عفشه ونقل عند ام زوجته فترة عشان وضعه المادي وامي استاجرتله شقة وجابتله كل الاجهزة والعفش وحرمته كانت تدق تقول لامي بناته يبغوا اغراض وانا ماعندي وولدكم ما يعطيني وام تروح تجيب المقاضي من السوبرماركت الين عندها بالبيت وانا كل فترة وفترة اعطيها مبلغ كبير عشان كنت احزن عليها وانا ما ابغى اقول اني اعطيها بس لازم اوضحلكم عشان تعرفوا اتقي شر من احسنت اليه ولما قلت لامي دقت عليها وقالتلها لاعاد تدخلي بيتي ولا بيت بناتي والمصيبة زوجها الي هو اخوي لما عرف ماسوى ولا شي غير انه قاطعنا وبكذا خلصنا منها والله يكفينا شرها الى يوم الدين لانه عرفنا انها تسال عن اخبارنا وتحاول تستفسر عن التفاصيل لسه

بعد ما خلصنا من مصيبتها نجي لزوجة اخوي الكبير مخلصة ثانوي متزوجة من 15 سنة من اخوي واضح وكثير قالولنا من صديقاتها الي يقربونا انها مو مقتنعة فيه كزوج ولما كانت ساكنة معانا كانت تلعننا طول اليوم وهي تكلم اولادها الله يلعن اهلك يا ولد اليهود ياولد الكلاب .... الخ طول اليوم لعن وسب في اولادها علينا واحنا ساكتين الين نقلت واخويا لسه يشتكي انه حتى في بيتها يا عيال الكلاب والله يلعنكم يا عيال اليهود والفاظ نااااااااااابية واخوي مررررررة ضعيف الشخصية بس كل يوم يجي يشتكي لامي وامي تقله اصبر بس تجي مكالمة منها يرد وهي تهاوشه ايوه يا حبيبتي طيب يا عمري بشويش لاتزعلي نفسك !!! والمصيبة دوبه مشتكي منها ويرد قدامنا يتغزل فيها انا كانت علاقتي فيها برضه كويسه وكل ماراحت مناسبة اخذت ذهبي كللللله وتكشخت فيه وعزمتني قبل سنتين على زواج بنت اختها في بللدها والله العظيم سافرت الين هناك لوحدي وصارت مشكلة بيني وبين زوجي وقلتله لازم نرفع راس اخونا وكان عقلي صغير الي زعلت زوجي عشان وحدة زيها وعشان ارفع راس اخوي الي موداري عني وزجته عنده بالدنيا والي فيها المهم الي صار صار وسافرت وحظرت ورفعت راسها وجلست حتى هناك في بيتهم تلعن الالولاد وتقلهم يا عيال اليهود وتغلط على اخوي قدام الحريم بالفاظ مافيها احترام المهم بعد ما رجعت من السفر حطيت في بالي ان هذي الانسانه يجب انه علاقتي فيها لا تتعدى الرسمية لقيتها لما رجعنا ما دقت تقل يشكرا بالعكس دقت تسبني وتلعني في التليفون تقلي انتي نقلتي كلام لوحده وخربطتلي موضوع وقلت احسن جا منها وتقاطعنا لنا سنتين

المشكلة الاخرة الي صارت قبل 10 ايام جتني رسايل على الجوال واستمرت اسبوع وكلها الله يلعنك وانتي وحدة حقيرة وبايرة وماعندك شرف وتقلي الله اعلم كيف سرقتي ولد اللرجال تاقصد زوجي !! وتدعي على بنتي وتشتم وتلعن بصيغة وحدة مغلولة وحاااااااااااااااقدة جدا عليا المهم كل رسايلها الثلث الاخير من الليل وهي بس ترسل اقوم اصلي وادعي ربي يفضحها ومرة جلست افكر افكر قلت الموضوع ما يتعدى حريم اخواني دقيت على اختي قلتلها عندك رقم فلانه على زودجة اخوي الكبير قالتلي ايوه عندها رقم جديد امس كنا في اجتماع امهات في المدرسة واخذت رقمها وطلع نفس الرقم الي يرسلي الرسايل!!!!!!!!!!!!! وهي تحسني انا واختي متقاطعين عشان صارتلنا مشكلة قبل فترة وما كنا نتكلم فترة

دقيت على اخوي اقله يقلي ايوه صحيح قبل فترة صارت مشكلة جات سيرتك فيها وهي انها كانت تغلط عليا في بلدها قدام الحريم عشان كذا زعلت انك قلتيلي قلتله بالله عليك هذا كلام مشكلة بينكم تحلوها بينكم ولا ترفع علي سماعة بكل احرتام وتالني واقلها قدامك لكن ليشتتعدى وتغلط وتسب بالرسايل وحتى قذذف قذفت يقلي معليش معليش كانت معصبة !!!!!!! ورحت لامي دقينا على اهلها في بلدها وهي ماعندهم اخوان ولا رجال غير زوج اختها دق عليها وخاصمها وجلست تبكي دموع التماسيح حسب كلام زوجها اذا كان صادق المهم امي قالتلي راح تجي تعتذرلك وكل يوم اقوال لامي ما بغاها تعتذر دقي زي مادقيتي على زوجة اخوي الثاني وقوليلها ماعاد تدخل بيتنا وانا دحين اجيكم وكلميها قدامي برديلي قلبي قامت امي بعد المكالمة بشوي رجعت تدق عليا وتقلي خلاص لاتجي كلمتها قلتلها يا امي انتي ماكلمتيها ليش تضحكي عليا انتي مو موجوعة وزعلانة عليا تقلي خلاص انا كلمتها وانا عارفة انها ماكلمتها بس امي منحرجة لان زوج اختها الي خاصمها بينه وبين امي مواقف كثيييييير كويسه ومن ضمنها انه كل ما امي تسافر يستضيفها عنده بس المفروض هذا شي وموضعي شي ثاني الله يسامحها المهم قلتلها شكرا جزاكي الله خير لكن لا انتو اهلي ولا اعرفكم الي ما يزعل عليا ويقاطع وحدة اهانتني في شرفي ويدعي على بنتي انا ما ابغاه قامت اختي اخدت السماعة وتخاصمنا وانا اتصلت على مركز الشرطة وشرحتلهم موضوع الرسايل والالفاظ الي موجودة وقلي يعتبر قذف اذا سويتي بلاغ تجي تتعهد اذا مارضيتي تنسجن ويتحول الموضوع للمحكمة وانا ناوية بكرة اروح اقدم البلاغ لان دمي محروق واهلي شايفين كانه شي ماصار وفكرت كمان اروح لقرايبنا المقربين منها وافضحها قدامهم واوريهم الرسايل

وانا وضعي مع زوجي زي الزفت ومرة مشاكل ومابغى اتطلق عشان لا يتشمتوا بس جالسة عشان كذا وعلاقتي مع اهلي صارت زي الزفت لانه مافي احد وقف معايا ابغى رايكم ومشورتكم كيف اتصرف انا مايكفيني انه بس زوج اختها خاصمها لانه ياما راحت للقرايبنا وقالتلهم سوولي وعذبوني وبهذلوني واتهمتنا بالباطل وفي ناس قاطعونا لانهم صدقوها ودحين ممكن نفغس الشي يتكرر عشان كذا نفسي اوديها الشرطة عشان يعرفوا انه معايا حق اخذه منها

وادعولي انا محتاجة جدااااااااااا للدعاء ربي يصلح حالي مع زوجي ويحفظ لي بنتي ويرد كيد الي يكيدنا في نحره

رجااااااااااء خاص انا ابغى نصيحة اخوية او راي سديد او دعاء لكن عقد نفسية وتجريح اسال الله العظيم رب العرش العظيم ان يبتلي اي انسانة تجرحني وتتهمني بالباطل بما يشغلها في نفسها والله لا يسامحها لاني مو ناقصة الي فيني مكفيني

14K

هذا الموضوع مغلق.

ببسي • 13 سنة

لاحول ولاقوه الابالله
حصني نفسك وخلي القران يشتغل ببيتك

لاجل عين • 13 سنة

عندنا وعندك خييييييييير
افضل الحلول الباب اللي يجي منه ريح سده واستريح
ومن خلال تجربتي ان التطنيش وتكبير الراس يعطيك هيبه
ويخلي الكل يحسبلك الف حساب
ابتعدي عن المهاترات لأنك بكذا راح تخسرين كل اللي حولك
تقربي من ربك وامك واخوانك اما زوجات اخوانك فهم بنات الناس لاتعطيتهم اكبر من حجمهم اسفهيهم وعليك بصلاة الليل وربي بينصرك وانتبهي لنفسك وصحتك
بكره لاجاك سكر ولا ضغط ماحد بنافعك

soosoo2009 • 13 سنة

..الاميره ميرال.. :

لا يمكنك مشاهدة هذا التعليق لانتهاكه شروط الاستخدام.

لو سمحتي اذا عندك راي معين او عقدة معينة اكتبيها في موضوع مستقل انا كتبت مشكلة معينة وابغى نصيحة البنات في مشكلتي

Maha Mohammed Ali • 13 سنة

مالك الا الدعاء

والله يوفقك ويفك همك وكربتك

ياما ناس ما كانوا شي و صاروا شي من فضل الله. اعرفهم شخصيا, والعكس

شكر الله من اسباب دوام النعم

وبالنسبة لزوجات اخوانك, الله يخلف عليهم ويعينك

الصراحة مو صاحيين, مريضين

( شيخه ) • 13 سنة

اختي مشكلتك اهملتي نفسك وزوجك واهلك وركزتي على زوجات اخوانك المرضى الي تتعامل مع السحره ولي الفاظها واطيه واخلاقها شوارعيه

انتي من طيب نيتك سافرتي وتعنيتي لجل زوجة اخو حاقده ومانابك الا السب والفضايح .....طيب هل استفدتي من هالدرس ؟؟؟

كان هالدرس بمثابة دوره تعليميه ترشدك كيف تعاملي الناس وبالذات الأهل .......يعني احذري وطنشي واهتمي بحياتك لانهم مستعدين للشماته في حال طلاقك لاسمح الله حتى الرسول قال ألا وشماتة الأعداء ..... لأننا بشر ممكن نمرض ونعتل بسبب الشماته

ألي صار الحين انتهى فكري بالأهم .... كيف اغير حياتي للأفضل ؟؟؟

أول خطوه اصلح بيني وبين ربي حتى يصلح بيني وبين الناس ( اهتمي بعبادتك وبالذات قيام ليل ودعاء لو ركعتين)

تقربي اكثر من زوجك بأي وسيله هو يرغب فيها ولا تجيبين له سيرة الي حصل من مكالمات اعتبريها معاكسات وانتهت

تقربي لأختك لأن سياسة الاعداء هي فرق تسد زوجات اخوانك يفرحهم تفرقتكم لأنكم ان اجتمعتوا على راي بتقوون فحاولي تتقربين اكثر واكثر لأختك وان كان عندك غيرها خلكم على قلب واحد وتقاضي عن اسائتهم مو لشي لوجه الله ولأنهم خوات مايتعوضون ولجل تكوني قويه بهم

الخطوه الي بعدها والأهم تقربي لوالدتك ولا تحطيها بمواقف محرجه تتصل لحد ولا تشكين لها من زوجات عيالها مهما كان هذيلا عيالها وقلب الأم يصفح مهما كانت الأخطاء سواء منهم او من زوجاتهم واسأليني انا ام وجده وعندي زوجات ابناء

وحاولي قدر المستطاع التواصل مع اخوانك هذيلا عزوتك بعد الزوج لا يمر الاسبوع الا انتي مكلمتهم مرتين على الاقل ولاتجيبين لهم طاري زوجاتهم خلي علاقتك بهم أخويه حتى يحسون بهالشي ويقوونه من ناحيتهم وتكسبين ثقتهم بهالطريقه وصلتي رحم وكسبتي اخوه وسند وعزوه وريحتي والدتك

خلي عهد بينك وبين نفسك ماتجيبين سيرة زوجات اخوانك على الاقل شهر ليما تتعودين وتنسين الي صار لان فيه بيوت يصير فيها اكثر ويتجاوزون وتستمر حياتهم مافيه حد خالي من الهم والمشاكل

اذا صادف وجود زوجات اخوانك عندكم او في اي مكان لاتضعفين خلك قويه لانك ماغلطتي وخلك على طول مع اختك لايشوفونكم متفرقين ولاتكلمينهم ابدآ ماعدا السلام لانه لوجه الله

لاتخلين المشاكل تهدم حياتك زوجات اخوانك على عمايلهم متمسكين بازواجهم وحياتهم ماشيه

طاقة الحزن والقهر والتفكير الي تستنزف صحتك حوليها لشيء اهم .... كيف أبدأ بتغيير حياتي للأفضل ؟؟؟

الأجابه عليج

الله ينصرك على من ارد بك سؤآ ويشغله في نفسه