بسم اللّه الرحمن الرحيم
**
السلام عليكم ورحمة اللّه وبركاته
**
*
أهلاً فيكم أخواتي الكريمات
ومثل ماتعرفون إن شاء اللّه إن رغبتنا في هذا المنتدى هو الإفاده والإستفاده من بعض
فمثل ما إستفدت منكم وددت أن تستفيدوا مني من خلال أي شيء قمت بتجربته ونفعني بفضل من اللّه وبلا حول مني ولا قوه ..
وهي يا أخوات ..
كل أسبوع : آخذ ربع حزمة جرجير " ع حسب طول الشعر "
وبيضه / وملعقة سدر / وملعقة حنا / ومحلب / وشوية زيت عافيه / وشوية مويه عشان تنخلط
وإللي ماتبي الحنا يأثر على شعرها إذا نيتها تصبغه أو هو مصبوغ بإمكانها تآخذ السد بدل منه
المهم كل هالحاجات إللي ذكرتها تخلطينها بالخلاط وتجيك عجينه لينه وتحطينها ع شعرك لمدة 5 ساعات وتحطين عليها كيس نايلون (( نايلون حق لف المأكولات ))
وإذا غسلتي شعرك لا تحطين شامبو ع طول جففي بالفوطه ودهنيه بزيت إللي إنتي متعوده عليه ومن بكره إغسليه بشامبو ..
وأنا منقعه حلبه وآخذ منها ساعات وأخلطه مع الجرجير واللّه إن الحلبه تروح ريحتها إذا نقتيها المهم مثل ماقلت لكم أخذ شوية حلبه ومويتها وأخلطها مع الجرجير وأحطها ع شعري وإني ما أشم ريحتها لأن الحلبه إذا كانت منقعها تروح ريحتها ..
وهكذا يعني بالأسبوع تصيرين حاطه لك كم خلطه تحطينها ع شعرك وبتشوفين الفرق وطبعاً بالإهتمام بتلاحظين شعرك شلون بيصير
وياللًه خلونا نهتم شوي ونعمل برنامج ونتفق عليه عشان تطلعون ع العيد إن اللّه أحيانا وعافانا ملكات بالجمال والروعه بالشعر وهذا لكم شهرين ع العيد وياللّه من تشد حيلها معااااااي .. وحياكم وتأكدوا ماعمري كتبت لكم شي هنا إلا مجربته أنا وبنتي ..
دمتم بخير
أختكم
!! برقع جنز زري !!
!! برقع جنز زري !! @brkaa_gnz_zry
مشرفة موقع المرشد ******* www.almorshid.net
يلزم عليك تسجيل الدخول أولًا لكتابة تعليق.
humna
•
thank you
الصفحة الأخيرة