موضوعي وانتوا بسلامه ولدي بالتمهيدي وطلبوه نوتة واجبات ومالقينا الا هالشكل ومو مناسب له كطفل وولد كمان ....(علوم رجاجيييل ) يعني ابغى ستايل مناسب لطفل ولما بديت كانت الساعه تقريبا 3 الفجر يعني لا مكتبات ولا غيره
فقلت لازم مايروح به بكره الا مضبط واخذت خامات جددا بسيييطه واليكم العمل والنتيجه
هذا الدفتر قبل اي اضافات
دورت ورق لونه مناسب او تغليف مالقيت ومن حسن الحظ كنت عند اهلي العصراخذت ذا من عند اختي الورق مقوى يجي ع مجموعة الكتب المدرسيه لونه حلو وخامته كمان
قلبت الورق المقوى وبديت الشغل
غلفته بهالورق وما كفى قمت حطيته بس للوجه والظهر حطيت لون ابيض الامام زينته بصوره اخذتها من برواز قديم كان بغرفة الصغار وخيوط مدري شسمها بس مررره حلو ه للاعمال وحطيت استكرات وقصصت من تجليد لاصق عندي بعض الاشكال واشكال من الفلين المضغوط وشرايط (ما جا عبالي اصور كل الخامات ) ما تكلفت بالاشيا كلها من بقايا اعمال سويتها قبل
وبكذا انتهى من قدام .....وهذي صورته
صوره ثــــــــــــــآآآنيه
والخلف حطيت اعواد ايسكريم ملونه ورسمت ع قماش الجوخ شكل تمساح وركبت له التفاصيل برضو بالقماش ارسم واقص والصق الاصابع مدري وشهي وعيون وظهر التمساح وورود من ورق ملون
الدفتر من الخلف .......
وغلفته بنايلون للحفاظ ع نظافته ..........
والحمد لله انبسط فيه مرررره وراح التحفيظ وهو مبسوووط وهذا اهم شي عندي :27:
شكرا لمتابعتكم ......