انا ندمت من قبل اعرف ندمت على طول والله

استغفرالله علئ مانطقت به السنتناا .....
وعزائنا ان الله غفور رحيم

الله يرزقك بالولد البااار اللي يسر خاطرك وخاطر ابوه

الله يغفرلك ..أهم شي إنك تبتي وندمتي

والله يرزقك بالولد السليم المعافى ..ويخليلك الأميرات اللي عندك..ماشاءالله تبارك الله

كل حرف بكتبه ماتبينه لا انتي ولا اللي مثلك بس بكتبه وماعلي من اي انتقاد يجيني منك او من غيرك بكتب اللي يرضي ضميري قدام الله ..

يالله وش كثر انتي انانيه يوم دريتي انه ولد تبينه والبنت ماتبينها !! انتي اصلا مو ندمانه عشانه ضعيف وبيطيح لا انتي ندمتي لانه ولد والا لو تتأكدين انها بنت ماتفرق معك لو تموت جعلني مو من الشامتين فيك واشكالك ظالمه والله ماتقدرين نعمة ربي قادر ياخذ منك بناتك في لمحة عين ماقريتي ولاشفتي الرجال اللي ماتوا سته عياله في حريق في لحظه كلهم ماتوا وكتب قصته وهو يبكي وشوفيه في التويتر يمكن يرجع لك عقلك

ماتدرين لو هالولد اللي طايره فيه ينومك في الشارع ولا يقوم فيك الا بناتك ادري كلامي ماتبينه بس لازم اقوله للحين نوعيتك موجوده في المجتمع والحمدلله يارب اني مو مثلكم وبعدين تعالي فرحانه بالولد ليش بيستلم العرش بعد ابوه والا بيروح من صباح الله يزرع ويحصد يجيب لكم لقمه ترى ماتوا اللي يبون عيال عشان هالاسباب الحين البنات ابرك من العيال الا من رحم الله اقل شي قدام عيني وفيه احاديث عن فضل من ربى بنات واحسن تربيتهم بالجنه ان شاء الله وكل بنت تحجب والديها عن النار بامر الله ..

وعشان ماتجيني وحده مسويه فاهمه تقول ماجربتي لا انا ماعندي الا بنات وكل بنت اغلى من الثانيه عندي وعند ابوها اهم شي كاملين الخلقه والعقل ماتفرق بنت او ولد اهم شي ربي ماحرمني مثل غيري مارحت ادور منشطات وانابيب شوفي الاخوات اللي يبكون ويتحسرون يتمنون الحمل بغض النظر بنت او ولد قلبي يتقطع عليهم والله اوقات اروح اقرا معاناتهم في قسم تأخر الحمل واحمد ربي واشكره على النعمه روحي القي نظره عليهم اقري معاناتهم شوفي النعمه اللي انتي فيها ..

الله يرد لك عقلك انتي وكل وحده تفكر مثلك وبعدين المفروض ماتعينين زوجك على الخبال هذا فهميه ثقفيه علميه وش فضل تربية البنات وانتم عندكم سبعه كل بنت تحجب عنكم باب من جهنم يالله ياحظكم تدرين بنت عمي عندها ستة بنات تقول باقي السابعه الله يجيبها ماقالت ابي ولد ويوم حملت جاها ولد وعادي مافزت وفرحت وطارت مثلك عاملته مثله مثل خواته ويمكن اقل بعد وخير ياطير يعني ولد بيدخلني الجنه مثلا !! ويكون بعلمك البنت من نعم الله على عباده والولد محاسبه عليه يوم القيامه اقري تثقفي بما ان عندك نت وتقرين وعلمي زوجك وكبروا عقولكم مافكرتي وش نفسية بناتك وانتم تفكيركم كذا وش يحسون فيه انهم مو فرحتكم التامه مثل الولد ؟!!

كل اللي اقدر اقوله الله يصلحك ويهديك ويتمم حملك على خير ماله ذنب سواء ولد ولا بنت